|
دعاية واعلان
مبارح كنت قاعدة عم اسمع راديو من الراديوهات العربية قامت طلعت دعاية لكريم تنحيف
حكيو ساعة عن تركيبو وعن فوائدو وبالأخير قالو: وهلأ ماضل عندك هم :shock: هلأ مابعرف ليش انا كأنثى حسيت بإهانة انو معقول هيك نظرة الناس للمرأة والأخطر انو المرأة رضيانة انو هيي تكون هيك وماعندها هم بالدنيا غير شكلها وبس...... يعني حددو المرأة بالاهتمام بالمنظر وبس :cry: وطبعا ماعم قول انو المرأة مالازم تهتم بشكلها بس انو مو معقول كمان يكون الاهتمام بالشكل هوي الهم الوحيد مابعرف شو رأي الشباب والصبايا بالموضوع ؟؟؟ |
باعتبار أني شغال ودعاية وإعلان...فبقدر افتي شوي بالموضوع...اسمحيلي وسع الموضوع شوي
مصيبة شغلتنا أنه فيه عندك طريقتين طريقة جنسية وطريقة إبداعية الطريقة الجنسية...وهيه السهلة...يطلعولك وحدة شكلها حلو نحيفة وما بعرف شو مشان تساوي إعلان لشغلة حتى لو وجود هيك شكل مش ضروري فيها...بس مشان يحركوا إحساس المرأة بالغيرة...وإحساس الرجل الغريزي وهي الطريقة بيستخدموها الناس اللي بيستغلوا الدعاية والإعلان بطريقة تافهة وسخيفة حتى الأفلام المسلسلات بتعتمد على هالقصص للأسف هي الطريقة...خلت الشكل أهم شي عند الناس...صاروا ما يطلعوا على شي غير الشكل مثلا كتير ممثلين والممثلات حلوين...الناس طاير عقلهم فيهم...بس لأنهم حلوين بينما على الواقع كتير منهم تافهين وما بيسووا شي والدعايات اللي متل هيك عن التنحيف والرشاقة وهالقصص كتير بيستغلوها بالإعلان لأنها طريقة تافهة وسخيفة وما بدها شغل...وبنفس الوقت بتحقق المطلوب من الإعلان بأسرع وقت تحياتي |
انو اي مزيوط شو حكا الاخ ..
بس بلا كريمات بلا بطيخ ..اعتمدي نظام غذائي بترتاحي عليه نفسيا وجسديا ...:سوريا: وشكرا لالك ..:سوريا: |
شكرا كتير على رأيك اللي كتير مهم :سوريا:
هلأ الدعاية اللي حكيت عنها ماكانت فيها صورة أنثى جميلة متل ماحكيت لأنو ببساطة كانت دعاية راديو..... وهلأ انو يحطو انثى هيك لحتى متل ماانت قلت تثير غيرة باقي النساء وتحرك غرائز الرجل وبالتالي تسوق للسلعة تبع الدعاية شي مفهوم مع انو كمان شي مادي زيادة عن اللزوم وفيه الغاء لإنسانية الأنثى اللي بالدعاية وتحويلها لمجرد سلعة بس المشكلة اللي عم اطرحها انو وصلنا لدرجة أنو كل الناس وخصوصا النساء راضيين ومقتنعين بأنو قيمتهن بالشكل وبس هلأ الشي اللي انت حكيت عنو اكيد بيساهم بهي النظرة للمرأة بشكل كتير كبير بس برأيي كمان الموضوع اعمق من هيك يعني دايما المرأة كان بينظرلها انو اداة لاسعاد وارضاء الرجل وبس وكل هالدعايات هي نتيجة لهلشي يعني صاير في انو فكرة انو المرأة جسد وبس كانت موجودة واجى التلفزيون والاعلام بشكل عام عم يعبر عن هالشي وعم يقويه يعني كل ماالها الصورة عم تتعمق بذهن الناس شكرا مرة تانية:سوريا: |
اقتباس:
|
|
أنا عممت مشان وصلك للفكرة...
هلأ من أيمتى كان شكل الرجال مهم للدرجة اللي وصلنالها اليوم؟ من أيمتى المرأة مافي براسها غير شكلها؟ من أيمتى الرجال ما بيختار المرأة إلا لشكلها؟ كل هادا نتيجة لسياسة الدعاية والإعلان الغلط من قرن لليوم الدعاية والإعلان بتشمل كل شي ممكن تتوقعيه بداية بالإشاعة وحديث اتنين مع بعض نهاية باعلانات التلفزيون والشوارع والأفلام وخلافه مجااااااااااال كتييييييييييييييييييييير كبير الإعلان اللي اسمعتيه...بالإذاعة...عم يركز نفسيا على المرأة بشي بتحلم فيه...أنها تبقى طول عمرها جذابة وبنفس الوقت على الرجال اللي متزوج وحدة مليانة شوي بيجيب لها الكريم مشان تنحف الأشياء هي عليها دراسات نفسية كاملة...وبيلعبوا على الوتر الحساس للنفسية البشرية...بس بطريقة مش نظيفة تحياتي |
اقتباس:
مرسي كتير عيوني:سوريا: |
العفو...تكرم عيونك :سوريا:
|
شو اسمو الكريم بالله ؟؟ :clap:
طالعلي شوية كرش بدنا نروحو ... مشان ما يصفي عندي همممممممم .. :p ولك وهممممممممممممممممممممممم ممممممممممممم .. :shock: |
اقتباس:
:clap: :o :lol: سلامتك من الكرش عيوني انا رح اعطيك وصفة من عندي ...... هي بالعادة غالية شوي بس لعيونك ببلاش عيوني هاد اسمع وشوف كل يوم دعايات شي عشر ساعات بعدين على كتر الوهم والهم اللي رح يجيبولك اياه رح يدوب الكرش :p مشكور توت توت توت:سوريا: |
شكل الرجل الخارجي بيعطيك لمحة مبسطة عن شخصيتو
والمرآة نفس الشي اكيد اذا كان الواحد حالق دقنو او مزبطها وممشط شعراتو ومبويي سباطو ولابس تياب مكويين بيعطين انطباع انو هاد الشب مهتم بحالو ومانو فوضوي او مستهتر واكيد اذا كان العكس بيعطيك انطباع انو هاد الشب مو مهتم بحدا ولا حدا مهتم فيه وعيشتو بلاها احسن وهاد الكلام ما بدو الا اهتمام من الشخص نفسو بحالو يعني مافي مصروف ابدا |
|
اقتباس:
بس قصدي مثلا البنات اللي بدا واحد شبه فلان أو فلان...ولو كان واحد خمرجي قمرجي أو مثلا شباب بيساووا عمليات تجميل...أو شباب بيبالغوا بالإعتناء بنفسهم قصدي الوجه المرضي للجمال...كلها من آثار وتبعات الإعلان السلبي تحياتي |
سوري انا فهمت الموضوع غلط
|
ولا يهمك حبيبي عادي...ولو كسبنا معرفتك
منور الموضوع <<< مو كأنه صار صاحب الموضوع :? |
أنا ما لاقيت شي غلط بالمرّة يعني مجرّد اعلان عن كريم منحّف وين المشكلة يعني ما فيها اي إهانة لحدا .. طبعاً الإعلان موّجه للسمينات ( اذا قلناها تجاوزاً ) يعني مو لكل البنات :سوريا:
|
هاي شباب كيفكن؟؟
شتقتلكن واسفة من زمان ماطليت عالموضوع بس كنت مشغولة كتير مشكور ابو مزيد كتير عالمرور وبظن chalice كفى ووفى وعطاك نفس الرأي اللي كنت بدي قولو انو عم نحكي عن الاهتمام المرضي بالشكل الخارجي ومو الاهتمام الطبيعي بقى شكرا الكن انتو التنين ونور الموضوع بوجودكن :سوريا: كاكابودا المشكلة بهاد الاعلان وباغلب الاعلانات التانية انو بحطو الانسان وغالبا المرأة وكأنو جسد وبس يعني لما قالو انو مابيضل عبال الست هم بعد مانحفت وكأنو الست بالاصل ماعندها هم غير الشكل يعني حولوها اذا بدك لمخلوق جنسي وبس ومرسي ونورت الموضوع:سوريا: |
| الساعة بإيدك هلق يا سيدي 09:08 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون