أخوية

أخوية (http://www.akhawia.net/forum.php)
-   السقيفة (http://www.akhawia.net/forumdisplay.php?f=58)
-   -   قصة فحل (http://www.akhawia.net/showthread.php?t=38551)

hanny dagher 15/05/2006 08:27

قصة فحل
 
ملاحظة (لكل فحل في مجتمعنا نصيب من هذه القصة )

تبدأ قصة الفحل في مجتمعنا منذ ان يكون جنينا في بطن امه فعند الشهر الخامس يكشف الطبيب عبر جهاز (الالترا ساوند ) عن جنس الجنين ليزف الخبر السعيد : الجنين ذكر
حينها فابو الفحل لا يكفيه من وسع الفرحة لو ركض في المستشفى وقبّل كل من يصادفه في الطريق وان كانت هذه الفرحة لا تساوي شيئا عند ميلاد الفحل (البيبي ) حينها فقد يلقف الوالد (سيجارة ) من فرط الزهو والتماهي بالرجولة الجديدة التي طرات على الساحة وقد يطلب من القناة الوطنية بث الخبر في نشرة السادسة مساء ولم لا ؟ الم يات للعرب خليفة صلاح الدين الايوبي ؟
تمر الايام والفحل (البيبي ) يكبر ويدخل احسن مدارس البلد ولو كان بوسع والده لالحقه بجامعة هارفرد فورا قبل المدرسة
الفحل لا يزال يكبر ويكبر وقد يبتدأ كرش الوجاهة بالظهور منذ الطفولة العضلات المفتولة لا يكفيها الشحن نحو الشجاعة فقط بل وكل ما يخطر على البال من دورات (الكاراتيه والجودو )
نظرات العنفوان والكبرياء تطل من عينيه وقد شارف على العشرة اعوام وهو يستعرض بالبارود اللعبة متمنيا لو كان بوسعه التدرب على بارود حقيقي امام والديه اللذان لا زالا غير مصدقين ان عشهما الرومانسي قد زينه البطل بالعنترية على اخواته البنات وحتى على الوالدين انفسهم ممن يحسون بذلك الذ من العسل على قلوبهم
يتخرج الفحل من الثانوي بمعدل 60 % حينها فجميع محلات الحلويات تستنفر بكل امكانياتها لاعداد احلى كنافة وبقلاوة للفحل الناجح بعد المناسف التي اشرف بنفسه على ذبح خرفانها
الفحل يصب القهوة ويتناول النقوط بزهو يقوم والده ممسكا بالرشاش مطلقا اعيرته لتسمع الدنيا جميعها بنجاحه
معدل الفحل لا يؤهله لدخول كلية الطب لا باس والده يسجله في برنامج الموازي منفقا على الساعة الدراسية اكتر من 2000 ليرة عدا عن السيارة الجديدة وتكاليف الكتب ومصروف الجيب كيف لا والفحل قد غدا شابا يافعا يريد ان يحيا حياته بالطول والعرض ويعزم زملائه وزميلاته على السينمات والمطاعم والمقاهي
بعد مضي فصل على بدء الجامعة يدخل الفحل المنزل على ابويه متأبطا ذراع العروس التي اختارها بعد التاكد من انها من غير ماضي حتى ولو كان على مستوى قول صباح الخير لاحد الشباب
في مقابل ان يتماهى ويتفاخر للعروس ولاهله ولكل من يعرفهم حتى عامل النظافة في الحي بانه قد (قطع السمكة من ذيلها ) وبانه من فئة (لم ابق ولم اذر ) و بان عشرات البنات في اليوم الواحد كن يحاولن (تزبيطه ) الا ان حكمته ونظرته الثاقبة قد ارتات بان هذه هي بنت الحلال التي كان يحلم بها منذ لحظة ميلاده
والدة الفحل تبكي من فرط السعادة و هي ترمق الفحل الذي لم يكن يوما طفلا وقد غدا الان عريسا تلوح من طلته كل امارات العنفوان والرجولة والوالد الذي لا يصدق بانه قد اصبح (حمى ) لمن اختارها القدر والحظ الذهبي لتكون عروسا لابنه
يقسم الوالد في هذه اللحظات على عرس (مطنطن) مقسم كالتالي :
جاهة تضم اكثر من 100 رجل يتصدرهم فلان الفلاني ثلاث ليالي سهرات في صيوان ملوكي فاخر مع فرقة (دبيكة ) تهز الارض من وقع اقدامها وتجلجل الحي وما وراء الحي باصواتها الهادرة
غداء يكفي رجال المنطقة والمحافظات المجاورة
عرس في افخم الفنادق من فئة ال 200 وما فوق للكرسي الواحد مع زفة تستعرض في نصف الشارع لمدة ساعة تتلو الوالدة في تلك الاثناء (الايوهات ) على العريس المحمر الوجنات وعلى عروسه (المسمسة ) ويشاركها الفرحة الاقارب والجيران
يمر العرس بسلام وينطلق الفحل بعدها لامضاء شهر العسل في اي مكان على وجه الارض يرسمه خياله المهم الا يكون لبنان ولا قبرص ولا مصر ولا تركيا لانها اصبحت مكررة من فحول قبله
بعد اقل من سنة يطل الفحل( البيبي ) وتعاد امجاد الفحل الاب الذي يريد من زوجته المزيد من الفحول ( البيبي ) شريطة الا يترهل قوامها الممشوق وان تستطيع بقدرتها الاسطورية الجمع ما بين الانجاب (العزوة ) وما بين مجاراة الموضة والمناسبات الاجتماعية والوظيفة ومسؤوليات العائلة
في حين ان دراسة الطب لا زالت معلقة ووعود اعلى المناصب وارفعها لا زالت قائمة (بس انت خلص جامعة يا بو المجد وما عليك )
والله لا يحرمنا من احلى فحول :سوريا:

منقول بتصرف

girl 15/05/2006 08:52

يسلمو ايديك على الموضوع هاني
الموضوع كتير حلو وبيحكي عن واقع نحنا شايفينو بحياتنا
هو مش كل المجتمع هيك بس في بعض فئات المجتمع بالظبط متل ما مكتوب في الموضوع

سلام يا فحل :سوريا: :سوريا:

marioma alghzayala 15/05/2006 13:41

مزبوط والله ...
انو وقت اللي بتكون الوحدة حامل وبقولولا صورتي
بتقلن : اي
بقولولا شو معك ؟
بتقلن : بنت
بقولوا : اي يييي خطي
اما اذا كان صبي فبقولوا : اي ها يا هيك الخلفة يا بلا .. انو من اولا فحل ..
خيو ليش هيك ؟؟ ..انو الفحولة ع راسن ريشة ؟؟ .
بعدين في كتير بنات طلعوا فحولة .. وفطاحل كمان ...

العنيد 15/05/2006 14:10

اقتباس:

كاتب النص الأصلي : marioma alghzayala
مزبوط والله ...
انو وقت اللي بتكون الوحدة حامل وبقولولا صورتي
بتقلن : اي
بقولولا شو معك ؟
بتقلن : بنت
بقولوا : اي يييي خطي
اما اذا كان صبي فبقولوا : اي ها يا هيك الخلفة يا بلا .. انو من اولا فحل ..
خيو ليش هيك ؟؟ ..انو الفحولة ع راسن ريشة ؟؟ .
بعدين في كتير بنات طلعوا فحولة .. وفطاحل كمان ...

على الراسي الموضوع العجيب

وانا معك ... اختي بانه فعلا في بنات فطاحل

لاوديسا 15/05/2006 14:39

اقتباس:

كاتب النص الأصلي : hanny dagher
ملاحظة (لكل فحل في مجتمعنا نصيب من هذه القصة )

تبدأ قصة الفحل في مجتمعنا منذ ان يكون جنينا في بطن امه فعند الشهر الخامس يكشف الطبيب عبر جهاز (الالترا ساوند ) عن جنس الجنين ليزف الخبر السعيد : الجنين ذكر
حينها فابو الفحل لا يكفيه من وسع الفرحة لو ركض في المستشفى وقبّل كل من يصادفه في الطريق
والله انا هيك صار معي وقت قالتلنا الدكتورة صبي يا لطيف ما صدق وصل عالبيت ليتلفن لاهلو يخبرهن انو راح يجيه صبي :?
اما وقت اللي رجعت قالتلنا بعد شهرين انو معي بنت اجتو الجمدة وبطل يخبر حدا شو معي ليوم الولادة :p
وتعاد امجاد الفحل الاب الذي يريد من زوجته المزيد من الفحول ( البيبي ) شريطة الا يترهل قوامها الممشوق وان تستطيع بقدرتها الاسطورية الجمع ما بين الانجاب (العزوة ) وما بين مجاراة الموضة والمناسبات الاجتماعية والوظيفة ومسؤوليات العائلة
طلعو كل الفحول هيك :cry:

والله لا يحرمنا من احلى فحول :سوريا:
اي امين يا رب ;-)

منقول بتصرف

يسلمو عالنقل الحلو هاني :سوريا: :سوريا:

Syrian__Angel 16/05/2006 08:24

بيجنن الموضوع ... :lol:

عندي كتير قصص عن هالموضوع .. بس ما " بغضر " احكي :p

اقتباس:

بعدين في كتير بنات طلعوا فحولة .. وفطاحل كمان ...
كيف لكااااان ... واحسن من 100 شب :gem:

أسير التشرد 16/05/2006 08:29

فطحل بس للفحول ....
اما البنات ما الهن نصيب ...


لكن وراء كل فطحل عظيم... امرأة

Syrian__Angel 16/05/2006 08:37

اقتباس:

اما البنات ما الهن نصيب ...
شو متحيّز وعنصري :frown: .. نحنا بكل عرس النا قرص .. ايواااا :adal:

marioma alghzayala 16/05/2006 10:50

اي لكن شو ؟؟ قوليلو قوليلو ..

hanny dagher 16/05/2006 11:25

اقتباس:

كاتب النص الأصلي : Syrian__Angel
بيجنن الموضوع ... :lol:

عندي كتير قصص عن هالموضوع .. بس ما " بغضر " احكي :p



كيف لكااااان ... واحسن من 100 شب :gem:

وليش ما بتغضري تحكي :jakoush:

Syrian__Angel 16/05/2006 12:04

لكككك !!!

يعدّمني ياك ... فكّر منيح بتعرف ليش !! :jakoush:

hanny dagher 16/05/2006 12:57

اقتباس:

كاتب النص الأصلي : Syrian__Angel
لكككك !!!

يعدّمني ياك ... فكّر منيح بتعرف ليش !! :jakoush:

لك محملش مخي هلأ ما عم اقدر فكر نازل بصحن مقلوبة وما الي حيل فكر بشي تاني :clap:

Syrian__Angel 16/05/2006 13:02

اي صحّة وهنا ... بس كنت اعزمنا :eat: ... اللّي بياكل لحالو بيغص :jakoush: :lol:

هلأ مشان ما اطلع عن المووضوع لانّو ما بحب ، رح اعطيك تلميح صغير يا زيكو ...

انّو ... مرحبا ، نحنا سبق وحكينا ؟! كم واحد نحنا بالعيلة ؟!

وصلت ؟!:jakoush:

hanny dagher 16/05/2006 13:11

ايوا واي ضروري تحكي عن شو اسما احكي بشكل عام ;-)

Syrian__Angel 16/05/2006 13:13

وانا شو بعرّفني انك نازل بصحن هالمقلوبة ، والعقل طار طار عالمطار !!! :lol:

tiger 16/05/2006 14:19

يعني انا عديت علي هال قصة بس ما بعرف وين :? :? :?

hanny dagher 17/05/2006 11:43

اقتباس:

كاتب النص الأصلي : tiger
يعني انا عديت علي هال قصة بس ما بعرف وين :? :? :?

وين عديت عليها
قلي وين عايش انتي بقلك اذا عديت عليها او لاء :سوريا:

fady juventus 17/05/2006 13:39

اقتباس:

وقد يطلب من القناة الوطنية بث الخبر في نشرة السادسة مساء ولم لا ؟ الم يات للعرب خليفة صلاح الدين الايوبي ؟




أيواااااااا ، أنا هاد اللي بيقهرني

و عطول أبي بيمزح معي وبيقللي "بكره بدك تسمي ع إسمي "
و أنا بقللو "إي لازم ،مشان نخلد إسمك و إختراعاتك اللي أغنت البشرية "

و من ناحيتي إذا بيجيني بنتين بيكفيني و بيسووا عندي الدنيا و ما فيها.



الساعة بإيدك هلق يا سيدي 18:52 (بحسب عمك غرينتش الكبير +3)

Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون

Page generated in 0.03319 seconds with 10 queries