|
اقتراح زغير للأدارة المبجلة
مرحبا :سوريا:
هلاء ع زمن اخوية القديمة الله هيك يرحمها شو كانة منيحة وحبابة :cry: كان في شريط جديد المواضيع يعني مافي ضرورة تفتح صفحة جديد الموضيع لحتى تشوف الموضيع الجديدة الشغلة انو يا ريت يرد يرجع هاد الشريط واذا كان الو مشاكل يبقى توضحولنا ليش نئام :jakoush: الشغلة نبر تو :p انو بالمعية يا ريت تحطو شريط تاني للأهداءات الشخصية 8) هلاء بالشريط الاولاني تبع الموضيع الجديدة بتنبه الاعضاء على الموضيع التازة لانو مو دائما العالم عم تفوت ع جديد المواضيع :pos: سؤال اخير يعني حشري شوي هلاء المنتدى لأيمتى بدو يضل اصدار تجريبي قابل للأطلاق يعني ايمتا الاطلاق بأذن الله :oops: وشكرا للادارة المبجلة :سوريا: |
خيو بالنسبة للاصدار التجريبة على حسب قولة الحكيم انو ما رح يشيلو
لان بشكل دائم عم ينعمل تطويرات للموقع بس يعتمدو على كلشي بحيث انو ما عاد يعملو شي جديد بالموقع بشيلوها للجملة هلق بالنسبة للاهدائات انا (شخصيا) بحسها بلا طعمة يعني ما لقيتلها لزوم |
اهداءات...شو ما يطلبه الجمهور..؟!!؟!؟ (ما الها طعمة بظن..)..!
واذا حكي جادو صح..معناتها بحياتها ما حتنطلق لانو دايما عنا تطوير و تحديث ...! |
خيي مو أهداءات
يكون للمواضيع المطروحة جديد والي أجا عليها رد آخر شي |
اقتباس:
|
اقتباس:
و تاني شي مشان اقتراح تبع شريط المواضيع .. فكرنا فيها بس المشكلة انو صار في كتير اشياء فوق بالصفحة بئا ما بدنا نزيد عليهون مشان ما يصير كتييير عاجئة ... و كمان انو الأقسام زادت زيادة كبيرة اذا قارناها مع الأخوية قبل التحديث .. بئا شريط آخر المواضيع ما رح يلحق ... او بالأحرى انو انتو بجوز ما تلحقولو .... على كلن الموضوع براسنا و لازم نلاقي طريقة .... يعني مثلا" يكون الشريط اختياري و كمان تكون فيّو خاصية انو تحددو من أي اقسام يعطيكون .. يعني مثلا" بس يعطيكون اخبار المنبر او الصالون .. او التنبين مع بعض ... يعني بتصير شغلة اختيارية و كل شخص بحددا على كيفو ... هي الفكرة مرنة و كتير منيحة ... و اذا قررنا نعملها رح تاخد وقت بعتقد لأنو في كتير اشياء اهم منها عم نعملون ... على عيني :سوريا: |
وليش مقتبس حكيي انا ....:shock: :shock: :shock: :shock:
والله ما دخلي انا ...انا معكن بكل شي..:cry: .! :سوريا: حلوة فكرة الشريط المرن..بس بدها معلمية يا سيدي |
اقتباس:
و مشان الشريط في عنا حكما و معلمية مشان يعملو ... بس الشغلة شغلة وقت |
اقتباس:
بيجي عندي بالصفحة فوق جديد المنبر والفنانين والكومبيوتر ومكتوب: (للتحكم بظهور هذا البوكس او عدمو، روح ع - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - )معقول أنا سابق الوقت!!! |
اقتباس:
انا عم احكي عن شريط المواضيع متل شريط الأخبار يلي بيمشي باسفل القنوات التلفزيونية ... |
اقتباس:
لمن بنقول اخوية "بث تجريبي" يعني BETA يعني احنا مش مسؤولين عن اي شيئ ممكن ما يشتغل او يكون في مشكلة او يسبب للعضو اي مشكلة (سواء تقنية او غيرها) مش لانو عم نعمل ابديت وتحديثات دورية ، وانما لانو لسع النظام غير مستقل يعني بالمشرمحي مش كلشي شغال 100% ، لمن يصير كلشي شغال 100% حيتنشال البث التجريبي وحينحط رقم الإصدار الي لأخوية مثلا اخوية v.2 وعند كل تعديل بالبرامج تبعون اخوية على حسب التعديل بيتغير الإصدار تبع الموقع اخوية ككل الى مثلا v2.0.1 ، v2.5 ، v3 الخ ... بس هيك المقصود بالموضوع .. |
بالنسبة لشريط آخر المواضيع مش رح ينضاف ، (لا قيمة لشريط بآخر 10 مواضيع لمن بيكون عم ينكتب بالدقيقة الواحدة اكتر من 20-30 مشاركة .. )
المواقع الصغيرة بتحط آخر المواضيع .. بس لا قيمة لهيك شريط بموقع كبير، (انا ما شفت اي موقع كبير عندو شريط لآخر المواضيع بالموقع ككل .. ) بس رح بيكون في شي اظرف واظرف بوقت قريب كتير شي من قريب آخر المواضيع بس لكل الأقسام بطريقة ظريفة جدا حتشوفوها قريبا .. بالنسبة للإهدائات مبدئا مافي فكرة لعمل هيك شي ، بوقت لاحق ممكن نعملها على SMS يعني بتبعت SMS لأخوية بيظهر رسالتك بشريط معين (متل القنوات التلفزيونية ) ، .. (في فكرة نعمل هال الشي من فترة بلشنا انشوف وضعها ، وممكن نعملها ، بس لسع ما رسينا على بر..) |
الله يعطيكن الف عافية ادارة .... :سوريا:
|
تحياتي ألك حكيمنا :سوريا: وأنا معك بكل شي حكيتو
|
يا سيدي يكتر خيركون والله يعطيكون العافية :سوريا:
فكرة sms كتير حلو |
اقتباس:
SMS ... SMS ... حمادة بالعز خلاص ح يحس :lol: :clap: |
وأنا عم قول أخوية من وين بيجيبو مصاري
تاريهن عم يفكرو يفوتو بلعبة الSMS اي بشرفي بتقصو مصاري قص بقترح تعملوا معاشات شهرية للأعضاء |
اقتباس:
اي كيفك اليوم حكيم !؟ :lol: :p |
| الساعة بإيدك هلق يا سيدي 09:30 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون