|
بدي ودعكون وقلكون شوفكون ع خير
مرحبا يا شباب وصبايا الاخوية العزيزة متل ما بتعرفوا كلشي بيبدا بينتهي ونحنا هوووون بالاخوية كسرنا القاعدة يعني بلشنا بس ما رح يجي يوم وننتهي يعني اخوية فور ايفر بس يعني بتمرق ع الواحد يظروف بتجبروا انو يترك ويروووح وانا هلاء اجاني ظرف ومضطر انو اترك الاخوية يعني انا رايح ع الجيش والجيش بيمتد لمدة سنتين ولازم قلكون هلاء سلام وانشالله شوف وشكون بخير ومتل ما قال جبران وغنت فيروز المحبة لاتعرف عمقها الا ساعة الفرااق وهيك صار فيني من هلق عم حس قديش بدي افقدلكون واتذكركون واتذكر كل الايام الحلوة الي مرة علينا والبشعة والمشاكل والمناقرات والافراح وكلشي وكل لحظة بأخوية انو هيك بتمنى انو كون رسمت صورة حلوة عن حالي وقدمت اشيا منيحة الكل وكمان بتمى انو ما كون دايقت حدا او جرحت حدا واذا شي مرة اسئت لشي شخص بتمنى منو انو يسامحني عنجد فراقكون صعب بس انو الي بخليني افرح انو اان راح ارجع انشالله وكمان ع قولة جبران الريح تأكلني ان افارقكم وسوف اعود ثانية اليكم الريح الريح تأمرني تأكلني وسوف اعود ثانية اليكم وعندها اشار ورفع البحارة المرساة وصوب الشرق ابحرت السفينة لا تقل ان الله في قلبي لا تقل ان الله في قلبي لكن قل انا في قلب الله وانا هلق انشالله بقلب الله واخر شي بتمنا انو تدعولي الله يهونها علي سلام يا احلى شبيبة بالعالم :سوريا: :سوريا: :سوريا: :سوريا: |
الله يهون عليك وييسر امرك
كلها سنتين قبضاي بعدين انت رايح ع خدمة الوطن الله معك:hart: :hart: |
رغم أنو بدي اشتاقلك ... ورغم أني حزين لأنك رايح على الجيش ..
بس أنا مبسوط لأنو حضرتك منكن أسبوع خبرتني أنك رح تختفي و مخي الغبي سمحلي شك أنك مريض أو شي .. تروح و تجي بالسلامة .. يا رايح - طلال حيدر يا راعي القصب مبحوح جايي عبالي شروقي قللو للقصب ما يبوح بالسر الليبعروقي و إن ضعنا سوى بهالليل خلي صوتك مسموعي يا رايح صوب مشرق شرق ما بوربيعي راحوا يرعوا غنمهن و العشب فوق ضلوعي و ايام الغابن ولفي لعدن عاصابيعي و عتم علينا يا ليل و ضيعي يا حلوة ضيعي قالولي إني عشقان و أني مشداري بحالي بين الصاحي و الغفيان لمحت خيالك قبالي كان الصبح شنو بان وادان الصبح عالي و نازل من صوبن مرسال و من عيني نزلوا دموعي |
الله معك ....
|
الله يسهلك زين
اكيد لكل انسان ظرف اقوى منو وانا كمان ظروف بعدتني واشتقت للأخوية كتير بس في شي اقوى مننا نحنا مامنشوفو بس منحس فيه |
يا عيني خلص
هلق مين ما كان يجي نحنا عنا زين عم يحمينا :gem: احلا زين موفق حبيب يلا كلها فترة وبتمرق طلطل علينا كل ما تجي تشوف اهلك الله يرجعك بالسلامة:سوريا: |
مع اني :aah: معصب من روحتك بس ما بقلك غير ...
تروح وترجع بالسلامة |
تروح وترجع بالســــلامة...
عن جد كتـــــــــير رح نشتقلك:heart: ... وأنـــي زعلانة منك على شي :tears: |
الله يوفقك يا زين :سوريا:
انت ملك بكل معنى الكلمة لأنك من يوم ما سجلت بأخوية ما أذيت حدا بالعكس ، كنت مزوق مع كل الأعضاء :king: موفق يا ملك :سوريا: |
زين :سوريا: ... فكرت كتير ...
شو بدي قلك و قررت ما قول شي ... مشاعر حزن فرح تمرد سخط غضب امل ... هيك عم حس هلأ تحياتي :king: |
الله معك زين موفق .... :سوريا: طلطل لعنا ها .... ;-)
|
بامان الله يا زين :سوريا:
بس لا تنسى انو بدك تروح و انا زعلانة منك:( بس سامحتك والله:سوريا: |
الله معك زين موفق ..و أكيد رح نشتقلك يا غالي
|
الله معك يا زين
الله يوفقك ويحميك وانشا الله يخلصوا بسرعة هالسنتين ويجي فرزك بمنطقة منبحية وقريبة ناطرين رجعتك:سوريا: |
الله معك و كلن سنتين بيمرئو بسرعة ...دير بالك عحالك
|
:سوريا: الله معك زين ، حبيب القلب
لك وين غنّية وائل كفوري؟ (( أنا رايح بكرا ع الجيش )) ;-) الله معك :hart: :سوريا: |
اتمنى ان نراك قريبا الله يعينك في كل امورك شكرا على كل جهودك معنا في الاخوية.:سوريا:
|
أول ما بتعرف وين بدك تنفرز خبرنا بسرعا ... بركي بتجي عنا
|
| الساعة بإيدك هلق يا سيدي 09:01 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون