|
يكملوا ولا يفترقوا ؟؟؟؟؟؟؟؟؟
مرحبا
بدي اطرح عليكم موضوع للنقاش وياريت تعطوني رايكم اذا اتنين بلشوا يحبوا بعض وبيعرفوا تماما انه هالحب مستحيل ينتهي النهايه السعيده وهي الزواج وهم لسه باول الطريق شو بتقدمولهم نصيحه هل يبقوا مع بعض ويطنشوا كل الظروف والعوائق ؟؟؟؟ ام ان يفترقوا ويبتعدوا عن بعض مع انه البعد صعب ؟؟؟؟؟ تحياااااااااااااااتي بنت الاكارم |
إذا كان مستحيل الافضل أنون يفترقو من البداية
إذا تركو بعضون بالبداية أحسن ما يتركو بعضون بعدين لأنو بصير أصعب فكرو بالعقل واتركو العواطف جانبا |
طيب اذا هنن بيعرفو انو الشغلة ضحك عابعض وبالنهاية مستحيل يكون في ارتباط ...ليش لحتى يتعلقوا ببعض من الاول ............غير اذا ماناويين يناضلو ويكافحو ويرضو باي شي بس الاهم يبقو مع بعض فهاد بيكون حكي تاني..........اما اذا الظروف كانت كتير قاسية ومستحيل الارتباط بالنهاية
فا من الافضل يكون في حد وحل من بداية الطريق احسن بمليون مرة من اتخاذ قرار انفصال بعد قصة حب طويلة............... |
اقتباس:
|
هلأ اهم شغلة انو شو تعريف المستحيل هونبرأيي انو شغلة المستحيل هي كتير نسبية وفي ناس بتيأس بسرعة وبتستسلم اي هدول احسن بكتير انو يتركو من الاول بس في ناس ماعندها شي مستحيل ومستعدة تضل تناضل طول حياتها لحتى تاخد الشي اللي مقتنعة انو حقها الطبيعي
|
اقتباس:
الحب حالة أنسانية ... يعني مثلا هل يوجد نهاية للكره مثلا ؟؟ القتل مثلا ؟ الحب صاحب سمو .. معالي .. سيادة .. الحب قدسية و لطم و أرق وغيرة و جنون .. أما شغلة ما يسبق الزواج من حركات غرامية .. فهي "تطبيق" أو "رش قمبوز" .. و شكرا .. فتقتيلنا جروحاتنا .. |
حب من دون زواج ؟؟؟؟؟؟؟
طيب ليش ؟؟
إذا كان الحب جد ... بيكون هدفو أنو نتحد سوا ..بشي يستمر ولا الحب بيهرب من الألتزام لأنو عندو شك انو رح يدوم أو بحب الأخر من بعيد من دون ما يحب حقيقتو أنا برأيي ... يا بفكرأتجاوز العوائق يا بنسحب ... |
ما في شي مستحيل
كل واحد منون بيعرف انو الو عقل وبالنهاية هني الاتنين بيبنو مستقبلون وبيكملوا سوا والعوائق شو ماكانت ان كانت اهل او ظروف اجتماعية او دينية فينا نتخطاها بس لما نكون مسؤلين من حالنا اذا عندون قوة المواجهة يكملوا اما اذا ضغاف فالافضل انو يفترقوااا لانو بظن انو ما بيستاهلوا الحب الي بقلبون :سوريا: :سوريا: :سوريا: :سوريا: |
برأي لازم يفترقوا اذا متأكدين انهم مالهم نهاية سعيدة
لانهم اذا بقيوا مع بعض بيصيرو بحبوا بعض اكتر يوم عن التاني |
شو يبطل ما يبطل!!!الواحد لما يحب مو بكيفو يبطل او لأ!!!لما يحب ما بفكر بشي مستحيل بلعكس بعملوا المستحيل ليبئوا مع بعض!!
ازا خطر عبالن يتركوا بعض كرمال الظروف معناتا ما بحبوا بعض!!! برأيي يبئوا ويتحدوا المستحيل :adal: :adal: |
شكرا جميعا على المروووور الرائع
يعني برايكم انه الفراق هو الحل المناسب في حال استحالة الزواج !!!!!!!!!!:cry: بانتظار اراء الجميع تحيااااااااااااتي بنت الاكارم |
استعين بكلمات العضو الراشد:
"الحــب" بمعناه الحقيقي.. يقتضي الدوام والاستمرار التضحية والكفاح والصبر --مهما كانت أو ستكون الظروف-- أعتقد أن السعادة الحقيقية هي أن ترى من تحب إلى جوارك. |
اقتباس:
تحيااااااااااااتي بنت الاكارم |
| الساعة بإيدك هلق يا سيدي 22:52 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون