|
مين بتفضل اكتر اصدقاء الانترنت ولا الاصدقاء ام اصدقاء الواقع
كلنا يعرف مدى اهمية الصداقة ..ومدى اهمية احسان اختيار الصديق
هناك اصدقاء الدراسة ..اصدقاء من العائلة ..اصدقاء الطفولة ..واصدقاء الانترنت والنوع الاخير هو الذي ارغب في التحدث عنه قليلا ( اصدقاء الانترنت ) في كل يوم نقابل اصدقاء جدد في كل مكان حتى في الانتر نت لنتذكر ..كم من صديق ( تعرفنا عليه من خلال الانترنت ) وقف الى جانبنا وساعدنا كثيرا بل قد نحبهم احيانا لدرجة كبيرة ربما تفوق حبنا لاصدقاء الطفولة او الدراسة ..بل ونحن لم نراهم اصلا سؤالي هنا ...هل من الممكن ان يكون اصدقاء الانتر نت افضل واكثر وفاء من اصدقاء الواقع ؟؟ |
الصديق هو اللى بتقدر تحكى لة عن اى شىء وبتعتمد علية مش مشكلة بقى صديق دراسة او عمل او من النت الاهم انه يكون فعلا صديق بمعنى الكلمة
|
ما في احلي من اصدقاء الواقع:hart:
|
هوي صحيح انو ممكن يكونو بعض اصدقاء النت مناح وطيبين
بس بالنسبه لي انا اصدفاء الواقع افضل بكثير |
اصدقاء الواقع
|
طبعا شيءاكيد اصدقاء الواقع
|
اول الشي شكرا على ردودك جميعا:سوريا: :سوريا: :سوريا:
وتاني شي بالفعل متل ماقلتو اصدقاء الواقع افضل لانو غالبا اصدقاء الانترنت الواحد منا مابيعرف عنن شي ولا بيعرف لا اصلن ولا فصلن ولا شي عنن تحياااااااااااااتي |
بس في اصدقاء بكون سبب التعارف هو الانترنت وبتطور العلاقه وبشوفو بعض وبصيرو اعز من الناس يلي منتعرف عليهون بالظروف الطبيعيه
|
قالو في الصداقة انو هي وحدة روحين وزواج قلبين لانها لا تمنن مانن
اي لا وجود للمنية بينهم وبعدين ليش بيقولو كلب صديق ولا صديق كلب لانو في صفة مهمة كتير لازم تكون موجودة هي الامانة وشكرا على هل الموضوع |
اصدقاء ..
أصدقاء الواقع .. :pos: مع أني من سـنتين تعرفت ع شب عن طريق النت بس لا شفتو ولا عرفت شكلو .. و كان كتير حنون .. وحللي نص مشاكلي :? ... يعني كان الصديق الخيالي .. مشان هيك يمكن ما شفتو ع الواقع :shock: |
أنا مع جميع الاصدقاء الواقع منهم والنت ....... كلهم
|
انا بفضل اصدقاء الواقع
اما صداقه النت حلوه بس بضل فيها نوع من الغموض سلام |
انا غير شكل
صداقاتي الي ع النت ترجتمتها للواقع يعني لاي بعرفون ع النت اجتمعت فيون شخصيا وحبينا بعض وعندي كمان اصدقاء الي عرفتون برات النت وكلون متل بعض بس طبعا احيانا بتحكي مع ناس بطريقة مرور الكرام فاكيد را ح يكون مو كتير مفضلين :سوريا: :سوريا: :سوريا: |
والله انا اصدقائي كتير كتار بالواقع وعالنت .. وكلن بحبن وبعزن ...:سوريا:
|
القصة إنو عالم النت منفصل عن الواقع
في ناس بترجم عالم النت للواقع ، يعني بيصير صديقك بالواقع مو بس عالنت وفي ناس بتحب يضل هالعالمين مفصولين عن بعضن أنا من التانيين لأني بحبن يكونو منفصلين و لما بتديق الدنيا فيي "بالواقع" بلجأ للمسنجر و بفش خلقي لرفقاتي عالنت آسف لأني تفلسفت وطولت كتير إخواتي :oops: |
شكرا على ردودكم جميعا بدون استثناء
:سوريا: :سوريا: :سوريا: تحياااااااااااااااااااااا اااااتي |
والله انا من جهتي عندي اعز مافي الدنيا رفقاتي طبعا
وكمان انا بحب كتير اصدقاء النت وبعزهم بس بيضل احيانا غموض وانا هي اكتر شغلة بهالدنيا بكرها وتحياتي لكافة الاعضاء بس يعني اذا عالنت تعرفنا على صديق وشفناه انو منيح من الطبيعي انو يكون في تعارف شخصي يعني اذا بدها تضل عالنت رح يكون في نوع من الملل في الصداقة |
| الساعة بإيدك هلق يا سيدي 07:29 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون