رياضة سورية شعبية
 

هلأ خطر ببال شي واحد مننا التفكير برياضات سورية شعبية؟للوهلة الأولى لما تفكر بها الموضوع ما رح تلاقي رياضة شعبية, لكن بعد صفنة ماكنة, بتلاقي رياضة المكاري,(( علينا أن نلقي الضوء على هذه الرياضة الهامة , بل الهامة جداً لأنها رياضة مزعجة نوعاً ما لأنها عنيفة ولكن الجميل فيها أنها يوني سيكس .. أي أنها تمارس من قبل الجنسين ولا تتطلب عمرا معينا للإشتراك بها))

الرياضة المعينة هي رياضة الصعود والهبوط من الميكرو صباحا و ظهرا وعصرا ومساء .. حيث تبدأ صافرة البداية عند اجتماع الناس على الموقف ونظرات التحدي والوعيد التي يتبادلونها , وعندما يبدأ ذلك الشئ الأبيض (من ماركة آيسوزو على خط الدائري الشمالي أو جنوبي أو .... ) بالإقتراب من الجموع الغفيرة يقوم اللاعبون بالتأهب للإنطلاق (كما في مسابقات ألعاب القوى)

و ما أن يبدأ الميكرو بضرب فراماتو حتى يبدأ الرياضيون بالتفنن في عملية التدافع كل حسب طريقته ( و تربيته) وبيئته .. و المنتصر هو من ينجح برفس العدد الأكبر ممن خلفه والصعود رغما عنهم ويتأنزع في صدر الميكرو مجهزاً الخمسة بكل فخر و اعتزاز

وبنفس الطريقة تكون المباراة على الجهة الأخرى من طرف الفريق النازل من الميكرو , حيث يقوم أعضاء هذا الفريق بكل ماآتاهم الله من قوة بلبط ولبج ولكم لاعبي الفريق الخصم محاولين النزول وبكافة الطرق وأغل الإصابات تكون من نصيب لاعبي هذا الفريق لأنهو ينزلون إما بالورب , أو بالقفز العشوائي بدون مظلة أو يعلق أحد أعضائهم الجسدية بالميكرو وينشحط معه لمسافة لا تقل عن عشرة أمتار وذلك لأن الشوفير يكون قد انتبه لوجود شرطي (كاليميرو) لاطي عالسوكة فيفز بالميكرو وبشكل مفاجئ تجنبا للمخالفة

وإن هذه اللعبة فريدة من نوعها , و من المستحيل على أي شعب أن يقوم (بالتفكير) في ممارستها لصعوبة قواعدها و ماتتطلبه من تيسنة وعدم توافر الملاعب المخصصة لها إلا عنا...:?

سرقتللي الفكرة حرام عليك

الحمد لله طمنتني الله يطمنك انو عنا رياضة خاصة فينا وبس

حلوة

مشكور:سوريا:

واللة انا لمن كنت بالشام كنت البطل ومعي كأس الجمهورية بهالرياضة واخدت كأس الدوري برمضان بساعات الافطار !!!!!!!!!!!!!!!!!!!!!!!! تنذكر ولا تنعاد هديك الايامات

رياضة عجيبه بحق وحقيقه
لكن انت بتتكلم وكانوا هالرياضه مو موجوده بدول عربيه ثانيه.... مثال مصر

الا هالنقطه ياللي ذكرتها بعتقد هاي امتياز بسوربا
عن باقي الدول اللي بتمارس نفس الرياضه

موضوع حلو وظريف ... بس سبق ونزّلو هاني :سوريا:

هي اللينك

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

يا لطيييييف شو طلع معنا ذكريات و قصص حلوة مع المكاري :lol:

رياضة غير شكل

أول شي كنت ماأعرف إلعب فيها
بتعرفو الواحدا أوقات بيكون نوري العادة
وبيقول خلي النازلين ينزلو
وخلي هالختيار يطلع ...
ومرتين صارت فيي اني افتح باب الميكرو
وخلال 10 أجزاء من الثانية أو أقل يكون ماصفي محل
بس بعدين تعلمت الحضارة عالأصول وصرت في أقل من 6 أجزاء من الثانية تكون قاعد


وكسار يفخر بعضو

هههههههههههههههههه
لك يحرق حريشك على هالموضوع النهفة بس نسيت شغلة انو النهائيات بتكون بشهر رمضان
بين 11 ظهرا وحتى الفطور والمعارك بتكون بأوجها خصوصا على سرافيس جرمانا وهونيك بتلاقي بنت امورة حلوة فرفورة بتاخد العقل
على شوي بدك تحجزلها محل بالسرفيس ولكن بتتفاجىء انو هي البنت اتحولت لوحش كاسر ودفشتك جابتك بالارض ودعست عليك وطلعت بالسرفيس

هههههههههه

ذكرتني بأيام السرافيس :lol: :lol: :lol:

الحمد لله في الاردن ما في سرافيس

صااااااااااااااااااااار كم مرة انحط هالموضوع بالمنتدى :shock:



مكررررررررررررررررررررررر ررررررررررررررر مدري كم مرة