|
لمــاذا تخرج البنت مــع الشـــاب ؟؟ماذا تريــد ؟؟؟
السلام عليكم .. بصراحه بدخل بالموضوع بدون مقدمات ،،،، بصراحه هالايام صرنا وايد نسمع عن الحوادث التي تحدث بين الشباب والبنات ..إغتصابات ..خدش حياء ..حمل سفاح ..تصوير فيديو وفضائح لا لها اول ولا تالي ..وضاعت وتفككت اسر بكاملها بسبب تهور بنتهم .. كل هذه الحوادث لم تكون عبرة للبنات ..ولم يتوقفن عن الخروج مع الشاب ..وأي شاب يتعرف على بنت ولو بالخطأ على الجوال ..ومن بعدها يسمعها كلام منمق ويقول لها صوتك جميل ..وأنتي وأنتي حتى تخضع البنت للشاب ..اسبوع ونراها تركب معه في سيارته ويتجولون في الشوارع لا خوف من الله ولا من الفضيحة لو قدر الله وصار لهم حادث .. الذي نعرفه لا يجتمع اثنان حتى يكون الشيطان ثالثها ..وبعد خروجها معه ترجع وهي تجر خيبتها وفقدها لشرفها معها ..ودموعها على خدها وتدعي الله ان تموت او يأخذ روحها رب العالمين ..وهذا المشهد نراه ونسمع عنه يوميا تقريبا ..وتبدأ معاناتها وخوفها من الفضيحة ..الى أن نسمع ..اما قتلها اخوها غسلا للشرف ..او البنت انتحرت ..او البنت حامل سفاح ..او اهلها تبرئوا منها كي لا تجلب لهم الفضيحة والسمعة السيئة ..الخ الخ . أخواتي ماذا تريد البنت من الشاب عند خروجها معه ؟؟ لماذا لم تتعظ من القصص التي تسمعها من غيرها ؟؟ لماذا تنخدع من كلام الشاب المعسول ؟؟هل هي بدون اخلاق ؟؟ام فاقدة الحب ؟؟ام لديها شذوذ ؟؟ اليوم موضوعي يختص بالبنت ..فعلا لماذا تخرج البنت مع الشاب ..وهي تعرف جيدا ماذا يريد منها ..بالتأكيد هي لم تخرج الا بإرادتها وبكامل قواها العقلية ..واحيانا نجدها تلبس اخر الصيحات وتضع المكياج والعطور ..و تكون هي يقين بما سيحصل ..لاني بصراحة ما اعتقد انها ستخرج مع الشاب كي يفسحها في الشوارع ..او انه يأخذها مطعم ليتناولوا وجبة شهية ..او انه ينظر الى حسنها الفتان ..أبدا اخواني فالبنت تعلم تماما ماذا سيحدث بينهم ..ولكن أنا مستغربة لماذا وهي تعرف كل هذا وتسمع بكل ما يحدث من قصص محزنة ومخزية ..ترجع وتكرر نفس القصص والمآسي ؟؟اعلم ان سوء التربية هي الاصل بكل ما يحدث ..ولكن احيانا نسمع بأن البنت من اتقى البنات واصلحهن ..وتلبس اللباس الشرعي وتتقي الله ..وللاسف تقع بهذا الموقف بفعل الشيطان . .وصدقوني اخواني واخواتي البنت تعلم جيدا بما سوف يحدث بينها وبين الشاب ..والدليل نجدها جالسة معه وهي خائفة ..تكون خائفة من الله اولا ..ومن ان يراها احدا من اهلها ثانيا ..ومن هذا الشاب الذي لا تعرف عنه الا صوته من خلال الجوال وكلامه المعسول ..وعند وقوع المحظور تبدأ بالتوسلات والترجي الى ان تطلب ان تقبل رجله كي لا يلمسها !!!!!!! لماذا كل هذا ولماذا تهيني نفسك وانتي على يقين بما سيحدث ؟؟ منقول للنقاش:سوريا: |
اقتباس:
انا متهيقلى ان البنت اكيد تعرف القصص وعندها خوف لاكن هى بتقع فى حاجة اسمها الحــــــــــــب الحب يعمى البنت على شرفها وعلى سمعتها وعلشان كدة الحب ليه مميزات وليه عيوووب كتير وفى بنات كتير بدون اخلاق وفى انواااااااااع كتير شكرا على الموضوع |
اقتباس:
انت محق في كلامك وهذه هي المشكلة غياب الاخلاق وقلة الوعي شكرا على مشاركتك برايك:سوريا: |
انتي عم تحكي القصة كانو عم تصير بين يوم وليلة الشغلة بدها وقت
يعني اول شي بيحكو عالهاتف مدة من الزمن وبيحكوا احلى الكلام بعدين بيتواعدوا بمكان عام قدام الناس على اساس انو ما عميعملوا شي غلط وبالفعل لحد هون عادي بقى ليش بعض العاشقين بيصير معون هيك بالاخير هي شغلة تانية |
اقتباس:
ممكن كون قاعدة بين قبيلة شباب ... وما يكون معنا الشيطان ... ليس بالضرورة أي لقاء بين شاب وفتاة هو فضيحة اقتباس:
ما حبيت المقارنة ... عزيزتي .. لا تدعي مظاهر التدين تخدعك .. وتفترضي أن الأخلاق محتكرة بالدين .. |
أضم صوتي لصوتك -صوت الحق- أختي فراولة
انعدام الضمير و غياب القيم وجهل الإنسان لنفسه... أمور تقود للوقوع في الدواهي! الحب أسمى علاقة ولا شأن له بالإساءة الممارسات الشاذة التي نراها هذه الأيام عدوان على الحب. مع التحـــــــــــــية :سوريا: |
اقتباس:
اللذي لا نعرفه ( او تعرفوه ) ما أجتمع أثنان حتى كان المسيح ثالثهما قال كان في واحد عم يغتصب وحدة , قالتلو : انت ما بتخاف الله , قالها يعني قوم , قالت : لأ مجرد سؤال وفهمكن كفاية والعقل زينة |
ياجماعة مو كل بنت طلعت مع شب يعني هي بلا اخلاق وبلا دين وبلا عقل
ليش ظلمتو البنت ومابتحكو عالشب يعني اليوم الشب يلي بخاف الله مابيأذي هالبنت يلي وثقت فيه مهما يكون مستواها انا ماعم دافع عن البنات بس اليوم انتو الشباب بتقولو المرا بنصف عقل يعني اذا غلطت نص مصيبة بس انتو الشباب ماشاء الله يلي لاحسد ولا ديقة عين بعقل كامل ليش بتحطو عقلكم بعقل البنت وبتفضحوها بعد ما كانت بينكم مودة ومحبة يعني برأيي الشاب يلي عنده اخلاق مابيتنازل لمستوى انو يأذي بنت وبعدين يفضحها فهالشي نحنا منسمع فيه كل يوم ونحنا الشرقيين لا نلوم غير البنت مع انو الحساب عند الله واحد ولمعلوماتكم في كتير قصص حب بتنتهي بالزواج والسترة ولا من شاف ولا من دري |
المشكلة انو الموضوع مو مطروح لنقاش
|
انو انا ماني عارفة شوبدي علق ع الموضوع بس ماكل البنات متل بعض ولا كل الشباب متل بعض,,ومابالضرورة كل ما اجتمعو اتنين يكون الشيطان تالتن لانو هاد شي بيرجع للبنت والشب ولاخلاقن وتربيتن..شكرا ع الموضوع المهم..
|
اقتباس:
وعلى فكرة أنا باّمن إيمان كبير بالصداقة الشريفة بين البنت والشب بس الشغلة بدها ناس مرباية ببيوتها |
الموضوع كبير كتير وبينحكى فيه كتير
هلأ اول شي بدي وافق ذكرى على فكرة انو المجتمع مابيلوم غير البنت وبينسى انو بحال صار في اي خطأ من هالنوع عم يكونو الشب والبنت مذنبين فيه نفس الشي تمام وبيتحملو نفس المسؤولية وتاني شي وكمان انذكر من قبل انو مو كل البنات متل بعض ومو كل الشباب متل بعض ومو كل مااجتمع شب وبنت رح يصير الشيطان تالتهم ورح يصير شي غلط وتالت شي انو لما بيصير هيك علاقة عم يكون واحد من الاسباب الرئيسية فيها انو الشب والبنت ماعندهم وعي كافي والاحتمال الاكبر انو عايشين حالة كبت كبيرة وبالتالي بيشوفو انو اي علاقة مع شخص من الجنس التاني هيي علاقة لازم تنتهي بعلاقة جنسية وبيكونو بالتالي فاقدين احساس الصداقة مع الجنس التاني..... يعني الحل انو نعطي الشباب والصبايا وعي كافي ونخيلون يعيشو الصداقة مع اشخاص من الجنس التاني بشكل علني ومحترم وبالتالي بيصير الاحترام والاخوة هوي الطاغي عالعلاقات وعالاكيد رح تخف كتير العلاقات اللي من هالنوع |
اقتباس:
يعني بدك ياني اقول في اليوم الاول يصير هيك والثاني هيك ...:shock: يعني باختصار وفي اغلب الاحيان نهاية القصة تكون هكذا والسبب غباء الفتاة وخبث الشاب. |
اقتباس:
عزيزتي ممكن انت ان تكوني مع قبيلة من الشباب وما يغرك الشيطان بس مين قالك انه واحد منهم ما يوسوس له الشيطان انت تعلمين جيدا ان الشيطان في كل مكان . ثم ماذا تقصدين بكلامك ..أن الأخلاق محتكرة بالدين بالطبع نحن ديننا منه نستمد اخلا قنا ومبادئنا لانه دستور حياتنا والا فما الفائدة من الدين برايك. |
شكرا اختي الراشد على رايك
نسر السريان هذه العبارة اللذي لا نعرفه ( او تعرفوه ) ما أجتمع أثنان حتى كان المسيح ثالثهما هي للمسيحيين ونحن لسنا كلنا كذالك zekra و بلو ايز نحن لا نتحدث عن هذا النوع من البنات بل عن النوع الثاني. |
اقتباس:
نحن لا نلوم الفتاة وحدها بل الشاب ايضا الا اننا في هذا الموضوع نتناقش عن الفتاة بالضبط ونحن لا نقول انه كلما اجتمع البنت والشاب دائما تحدث فضيحة تذكري لكل قاعدة استثناء ولكن ليس كل الناس واعيون ويعرفون حدودهم. |
اقتباس:
تحياتي |
انا حسيت كلام الفراشة مظبوط كمان نسر السريان
ليش؟ لأنو فيه مثل عندنا بيقول: اللي ما بتمد ايدها ما حدا بيستلقاها ومجتمعنا ذكوري مية بالمية لهالسبب لازم البنات يكونو حذرين اي بس ما ينحرمو الحياة |
| الساعة بإيدك هلق يا سيدي 18:55 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون