|
لو اكتشفت ان من تحبه ...لا يحبك
لو اكتشفت ان من تحبه ...لا يحبك
أروع اللحظات هي لحظات الحب وأروع مافي الحب هو صدق المشاعر الصدق الذي يزرع الثقة بين القلوب ويذلل الصعوبات في دروب الحياة الصعبة نحب ..نعشق دون إختيار منا قلوبنا هي التي تختار .. تختار قلباً من بين كل قلوب البشر لتهديه حديثاً غير حديث الأخرين ونظرات غير نظرات الأخرين ولمسات تذيبك شوقاً وحباً لكن ... لو إكتشفت أن من تحببه ..لايحبك لو إكتشفت إنك ربما تكون ضحية كذبة كبيرة لو بدأ الحبيب ينسج لك الأعذار تلو الأعذار يهجر لإسباب واهية وقتها ماذا ستفعل ..وكيف ستتعايش مع هذا الموقف؟ |
قال الي بيبيعك ببصلة بيعو بقشرتها
|
يعني ائولك هيك
|
طبعاً ...
أنا دائماً بقول لحبيبتي ما في شي أغلى منك بالعالم غير كرامتي |
قطعلو كرت و حطوا ورا ضهرك و مشي[/b]
|
اشطبه من حياتك
|
اقتباس:
طبعا مافي بعد كرامة الواحد |
هلأ حكي الشباب حلو بس برأيي انو مو كتير واقعي.... لما بيكون عندك حبيب وبينكن ذكريات ومواقف حلوة مو موضوع سهل ابدا انو تنساه ببساطة هيك وتقطعلو كرت وانتهينا
برأيي انو يصير في نوع من الحوار بين الطرفين هلأ اما بيكون الحبيب معو حق انو يترك ويكون في اسباب مقنعة بهالحالة بيكون اسهل بكتير انو تترك وتنسى لانو وقتها العقل رح يحكم القلب شوي او انو تحس انو الحبيب كان عايش معك كذبة وانت كنت بالنسبة الو مجرد تقضاية وقت وبالحالة برأيي كمان رح يكون اسهل انو تتركو وتمشي لانو اكيد حبك الو رح يخف بس تحس انه كان حقير معك:cry: او ممكن يكون في سوء فهم بشكل ما وممكن تتوضح الامور وتتصافى القلوب بعد هيك حديث وتوضيح :hart: |
الحب ليس رواية شرقية بختامها يتزوج الأبطال
نزار قباني ( إلى تلميذة ) |
اقتباس:
نحنا ما عم نحكي أن الموضوع فيه أحتمالات عم نحكي الموضوع انتهى وحدة باعتني ... اكيد رح اتعذب ورح عيش مع ذكريات مؤلمة كتير .. وكل ما اذكرها رح ازعل عليها وعلى أيامي معها ... بس هالشي ما بيخليني اترجاها لترجع او اني حاول رجعها .. الي بيبيعني ...ببيعو |
اقتباس:
اقتباس:
كلامك عالعين والراس اللي بيبيعك برخيص بيعه بتراب لكن يااخي بدي احكيلك هالقصه انا من دوله وياللي بحبها من دوله تانيه ماكنت منتبه للبنت الا لما هي بدت تبين لي انها بتعزني وفي شوية اهتمام بديت انا انتبه الها وبديت احبها مافي منا ولا واحد قدر يقول اني بحبك للتاني مابعرف خوف لكن اثنينا بنعرف هالشي وانه بنحب بعض بحكم الاهتمام والاغاني ياللي بتنهدى.... وكمان كلامنا عن بعض وشو ياللي بتحبوا وشو ياللي مابتحبوا وكنا بنقول لبعض انتي متل اختي وهي تقول انتا متل اخي وانا بديت اكرهك.. (( وانتوا فاهمين يعني شو بكرهك)) المراد منها بحبك استمر هالوضع لمدة اربع اشهر الشهر الخامس مابعرف بدت تتغير وبدينا واحد ينكش للتاني ونزعل بعض......... المشكله مثل ماقلت لك انه كل واحد من بلد وكل واحد له عادات وتقاليده لغاية ماظهر واحد تاني بينا وبدت الغيره مني وتطنيشها لالي... وبدت هيه تميل لاله هو احسن مني واحلى شوي يمكن واتمنى لها الخير معه.... لكن هالشخص جديد دخل علينا وما بنعرف شو هوه انا بتمنالها كل خير والله لكن مابعرف الغيره من هون ... والشخص الثالث انه ممكن يضحك عليها... او لا او ماينتبه لالها ومجرد يلعب بعواطفها البنت مو راضية تتقبل مني ولا كلمة شو راي اخواني بهالموضوع وشو اعمل لشخص بتحبه لكن ماتقدر تحاكيه....... اللي يقدر يرد علي وعنده حل بتمنى منه وراح اكون له ممنون لازم تعرفوا انا ثلاثتنا بنشتغل مع بعض العنيد |
اقتباس:
عم احكي عن موضوع انتهى بس كيف اسهل طريقة للتعامل معو وتجاوزو وهالشي برأيي بيصير بالحوار والنقاش بس انو تسمع الأسباب اما بتقتنع انو معها حق والعلاقة حتى لو استمرت رح تفشل بالاخير والاسهل انو تترك العلاقة هلأ فورا او بتحس انها انسانة مابتستاهلك وهالشي رح يخفف عليك من انو تتركها وتضل بس الذكريات الحلوة وفي بالاخير امكانية انو يكون في سوء فهم وترتاحو وترجعو لبعض يعني الحوار هاد باصلو مارح يكون القصد منو انو تترجى الرجعة معها وبالتالي مارح يكون تقليل لكرامتك باي شكل من الاشكال ورح يريحك كتير لحتى تتخطى العلاقة وتطلع منها باقل الم ممكن وتحياتي :سوريا: |
برده ماحد رد عليه
|
أنو أقل من عادية بتصير كتير ..
بس كمان في مبدأ كتير حلو : اللي بشوفك بعين شوفو بعينتين و اللي ببيعك بالبصل بيعو بقشر البصل :gem: |
اخخخ ...انت فتقتلنا جروحاتنا ..بتعرف ياريت عندي القدرة متل كل هالشباب انو انسى كل شي صار..بس مافي فايدة
|
انو موقف صعب كتير انا بالنسبة الي ما فيني اعطي راي بالموضوع لانو ولا مرة تخيلت يصير معي هاد الشي ,ممكن لاني واثقة انو مارح يصير معي؟؟
|
لو اكتشفت أن من تحبه ... لا يحبك
بالناقص منو ومن شكلو |
اقتباس:
|
| الساعة بإيدك هلق يا سيدي 20:51 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون