|
الحمار الصديق لوفي للانسان السوري
الحمار ... الصديق الوفي للمواطن السوري !!
وبعدما خُذل الحمار واختفى من شوارع المدن , ولم يعد السائح الأجنبي يحظى بصور تذكارية له !! انزعج الحمار كثيراً, ولم يدع مجلساً أو مناسبة إلا وتكلم عن الوفاء الذي كان قد قدمه وبسخاء منقطع النظير لصديقه الغالي ( ابن آدم ) !! تنهّد الحمار بحرقة وانسابت دموعه على وجنتيه بغزارة , وزفر زفرة أحرقت الأخضر واليابس لما لاقاه من قلة الوفاء !! دارت الأيام وامتدت السنون, والمواطن السوري يزداد تألقاً وبريقاً !! كيف لا ؟؟ فقد استمتع بالحضارة التي أنعم الله عليه بها !! وباع حماره لقريب له في الأرياف بثمن بخس !! وبات يركب السيارات الحديثة, ويلعن الزمان السالف وعذاباته المؤلمة مع حماره القديم !! لم يعد بحاجة لكل ما يذكّره به !! لا ..للإسطبلات وألف لا .. للشعير !! لم يعد بحاجة ( للكرباج ) فقد أهداه لجاره الشرطي ! ووزع الشعير لبعض أصدقائه الميسورين فقد سمع من أحد مناصري البيئة, أن خلط الشعير بدقيق الخبز يريح المعدة ويساعد على منع الإمساك !! ومرت الأيام, وفهمت الحكومة بعد شد و رخي أن المواطن السوري يبحث عن ما يساويه مع دول الجوار في الرفاهية !! فقررت وتلبية لما يريده السوري من تخفيض الرسوم الجمركية على السيارات !! فالمواطن الصالح يجب أن يتنعم ويمتطي أفخر السيارات الحديثة وبأسعار يقدر عليها !! ضحك السوري كثيراً فلم يعد ما يفصله عن المساواة مع أشقائه العرب ومواطني الدول المتقدمة سوى اليسير !! قليلاً من الصبر وتصبح الحضارة وما حوت ملك يديه !! وفي يوم شتوي بارد , ودون تلميح مسبق , استفاق السوري على خبر مفاده أن سعر صفيحة البنزين ارتفعت من 480 ل.س إلى 600 ل.س , تصبب عرقه وارتفعت حرارته , فالأمور لا تحتمل هذه الزيادة , تمتم بكلام غير مفهوم !! شتم ولعن !! ثم فكر !! دماغه لم يسعفه بحل سريع !! هرب من ضوضاء فكره إلى إسطبل حماره المهجور !! جلس وحيداً يفكر ويفكر .. حتى أغفت عيناه قليلاً , ما لبث إلا وصاح بأعلى صوته وكأنه في مباراة الدور الختامي مع (ارخميدس ) , وجدتها ... وجدتها ..!! هبّ مسرعاً إلى قريبه الريفي ليستعيد حماره القديم !! اقترب من حماره ... مرر يده على عنقه .. فرك جبينه قليلاً !! فلم يكن من الحمار إلا أن نهق نهيق الرضا وكأن لسان حاله يقول : نحن في الخدمة يا صاحبي !! منقوووووووووووووووووووووو ووووووووووووووووووووووووو وووووووول |
لسه بدنا نرجع لايام الحمير!!!!!
|
قولتك بيرضا الحمار يرجعلو ؟
|
لازم نشوف شي حمار ونسألوا بس على الاغلب انو بيرجع لانو صار الحال من بعهضو
|
والله يا معلم الناس كلها بدها ترجع لركب الحمير
مو بس بسوريا بكل العالم اي الغالون صار ب 3 دولار هون :jakoush: |
بس لا تنسى انو كيلو الشعير صار بعشرين ليرة
|
احليين
لازم معناتها الحمير يركبونا |
شايفلك انو بدو يجي يوم بس حمار بدو يسب حمار بيقللو يا بني آدم
|
اقتباس:
|
ليش شبو الحمار يعني عدم المؤاخذة الواحد بيفلح عليه من الصبح لآخر الليل ما بيحكي شي :p
|
اقتباس:
نحنا عنا هون ب 3.33 ولا حدا يفكرني عم امزح جاد انتي بتعرف 33 سنس شو بيساوو |
بالله 3.33 ؟؟؟
انت بتعرف انو واحد سنت بس بيعمل واحد بليون لشركة البانزين؟؟ اي يا سيدي بس ليك انا عم احكي على 87 مو 94 يعني ال 94 بتوقع هيك شي |
اقتباس:
نار نار نار شغلة كبيرة هلأ مطالعين نكتة استاجر مكسيكاني يشحطلك السيارة ارخصلك من تعباية البنزين :lol: |
:lol: :lol: :lol:
يلا الله بعين على ما اظن رجع نزل عنا لل 2.95 نهار السبت شفطت سيارة اختي قام طلع مافيها بانزين قمت ابتليت انا بتعبايتها :( |
لك بتعرف شو قال بدها تضل الاسعار مرتفعة لمدة سنتين على الاقل هيك هلأ شفت بالتلفزيون
|
اي معلم بجوز ما عاد ينزلو بالخالص
قلنا خي نزلو واخيرا هلق رجعو ارتفعو ما بظن بقا ينزلو ولا حتى بسنتين |
اقتباس:
|
روعة hanny
ما بعرف ازا بتسمع المعادلة كل 1حمار = 200 حصان كل 200حصان = سيارة كل سيارة = 700 رفيق كل 700 رفيق = حياة اجتماعية لبني آدم كل بني آدم عندو 700 رفيق = 700 علاقة صداقة بحياتو النتيجة::::: كل 1 حمار > أحسن> من 700 رفيق كل 1 حمار =700 وشوي بني آدم شكرا كتير على مشاركتك الحلوة:D |
| الساعة بإيدك هلق يا سيدي 10:39 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون