|
حرق الحريش .. بشك الفيش
اللي رح اكتبو عبارة عن متفرقات من الواقع ورح تنذكر بشكل عشوائي يعني حسب ما تخطر على بالي .. :p
لما بتدرس كتير وتكتب منيح كتير بالفحص وبعدين تطلع النتيجة بتهوي فبكون انشك الفيش .. لما بتكون عمتكتب موضوع او عمتقرا موضوع وبتلاقي فاصلة فبكون انشك الفيش .. لما بتنزل الصبح مستعجل وبتشغل السيارة وما بتشتغل بكون انشك الفيش .. لما بتنزل الصبح وبطلع عالسيارة وبتلاقيها مضروبة بكون انشك الفيش .. لما بتروح متاخر على جلسة العملي كم دقيقة وبحطك الدكتور غياب بكون انشك الفيش .. لما بتشعل التلفزيون وبتلاقي حدا عبتمسخر عليك وعلى معتقداتك بكون انشك الفيش .. لما بتشعل الراديو مشان تروق بتطلع كلها دعايات بكون انشك الفيش .. لما بتكون مخطط لشي وبصير معك شي تاني بكون انشك الفيش .. لما بيدبقك واحد معلاء وما عمتقدر تخلص منو بكون انشك الفيش .. لما بتكون عمتحكي مع واحد عالمسنجر وبيعملك بلوك فجاة مشان يحكي مع غيرك فبكون انشك الفيش .. لما بعلق معك الويندوز بنص شغلك فبكون انشك الفيش .. لما بتضل عمتتصل بالنت عشرين مرة وكل مرة بطلعلك الخط مشغول بكون انشك الفيش .. لما بتحط موبايلك بالشحن وبتفيق تاني يوم بتلاقيه فاضي بتكون اكيد نسيان تشك الفيش .. لما بتركب تكسي وبس تصل بتستكشف انو نسيان جزدانك بالبيت بكون انشك الفيش... لما بتكون عم تطبخ اكلة وتلاقيها انحرقت بكون كمان انشك الفيش... لما تكون بالوظيفة وتشوف انو الموظف يلي اقل منك اهلية ترفع وانت مكانك راوح بكون انشك الفيش.. لما بتطلع من المادة وبوشك عند الدكتور لتصلح الاسالة ويقلك كلو تمام وتلاقي حالك حامل المادة بكون انشك الفيش... لما بتفتح ايميلك وبتلاقيه متروس جنك ميل بكون انشك الفيش... لما بكون معك كرت لدَقلك شي مخابرة خارجية وما يعلق الخط ...وبس يعلق يكون خلص الكرت بكون انشك الفيش... لما بتكون ساند ضهرك بفلان من الناس وبيجي بيبخعك بشغلة وبيثبت عدم كفونتو (يعني ما بيطلع كفو ) بكون انشك الفيش عادي لا تزعل كلنا على نفس السايد :adal: |
حلو ...!
|
شو كلو شك فياش الظاهر بس موضوع حلو,,مشكور
|
بصراحة يا شباب انا فيشي منشك من قبل بدء الخليقة
|
اقتباس:
ميرسي ملك على الموووضووع ... |
طلع منشك فيشي 10 مرات من اصل 20 :cry:
اي العمى ع هالحالة :jakoush: |
يحرق حريشك بحراقة الحريش محل ما بيحرقوا الحريش :lol:
|
يا سلام والله الموضوع حلو ..
بس كمان وقت بتكون عم تكتب صرلك ساعة بالعربي وبتطلع بتلاقي انك مخربش بالانكليزي متل ما صار معي بيكون انغز الفيش....:aah: :aah: :aah: :aah: :aah: اقتباس:
اقتباس:
|
مشكور يا ابو الفيش رائعة وشغللة
|
لك شو بدو الحريش يحترق ليحترق.
صار بدو غيار أو خرط عند الطورنجي |
اقتباس:
|
ههههه الموضوع حلو ميرسي لالك:سوريا: ..بس ازبط وحدة اول وحدة ... :cry:
|
شو يعني منشك الفيش:oops:
مو فاهمه:oops: خدوني على قد عقلي وفهموني:oops: |
كانو انشك الفيش مو ؟؟؟.... ;-)
|
اقتباس:
|
اقتباس:
هيك شايفلك والله يا شريك هون اقرب بالراموسة من حوش بلاس .:سوريا: |
اقتباس:
رح انجلط ماعم بيعلق معي:cry::cry::cry::cry: |
حلوو الموضوع كتيير
مشكور شريك |
| الساعة بإيدك هلق يا سيدي 18:39 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون