|
القبضاي عنجد يحل هالمسألة
أول شي أنا جديد هون بالأخوية ، تحياتي لكل الشباب الطيبة ولكل الصبايا الأطيب
و هلا رح خبركن المسألة : مسائل الطابات و الميزا ن أبو كفتين ( تبع الخضرجي يعني ) بتوقع فهمتوا الفكرة في عنا 12 طابة وفي وحدة من الطابات وزنا يا أكتر يا أقل ( يعني مو معروف اذا كانت اتقل او اخف) و في معنا 3 وزنات بس يعني فينا نستعمل الميزان 3 مرات بس وانشاالله موفقين Spook |
والله يا زميل انا شايف حلها ابل بمرة , بس ماراح اعمل حالي شاطر والزقو هون , لاني لما حاولت فيها ما انحلت معي
|
والله إنك قبضاي يا Danny خلي هالعالم تفكر فيا شوي
بكير لنعطيون الحل عراسي يا طيب |
مرة قريت نفس المسألة باخوية
ورديت عليها بحل طويل عريض بس المشكلة انو طارح المسألة ما رد على الموضوع فاذا الرد هوي بالفعل طويل قلي مشان اعطيك اللينك على كل حال هلق بدور عليها انا |
معك حق يا Willi
الحقيقة انو الحل طويل عريض متل ما تفضلت
بس فيو فكرة زكية كتير بتمنى ما تحط اللينك هون مشان يلي حابب يفكر فيا و يشارك اذا بدك بعتو على اميلي : - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - يلا بدكن شي انا رايح البس تيابي و انزل عجامعتي بلكي بس ارجع بلاقيلي شي كمشة مشاركات من الأخوة يلي بهلأخوية بوصي شــــــــــي سلام و صباح الخير كمان خوش الساعة صارت 7:00 باي |
خيو عطوني الحل ما جاي على بالي وجّع راسي :pos:
|
لعمى نسيتها بالخالص
يلا هلق بطلع اللينك وببعتو برسالة خاصة |
الحل
نقسم الطابات اربعة اقسام يعني 3 و3و3و3 هلأ بنحط في الميزان ثلاثة مقابل ثلاثة اذا كانو متساويين مابيكون فيهم خلل وبنقيمهم اذا ما كانو متساويين معناه فيهم الطابة اللي وزنها غلط بس احنا مابعرف هي اتقل ولا انقص علشان هيك بنقيم ثلاثة من اي كفة وبنحط محلهم ثلاثة ثانيين اذا كانو متساويين بيكون الخلل في الثلاثة اللي قمناهم اول في هاي الحالة بنشيل الطابات اللي على الميزان وبنوخذ الثلاثة اللي قمناهم اول وبنحط طابة مقابل طابة اذا كانو متساويين بيكون الخلل في الطابة اللي ما حطيناها على الميزان اذا ما كانو متساويين بيكون الخلل في وحدة فيهم بنحط الطابة اللي ظلت مقابل اي طابة في حالة تساوي الطابتين بيكون الخلل في الطابة اللي شلناه واذا ما كانو متساويين بيكون الخلل في الطابة اللي ما قمناها الحل طويل بس هو على هاي الطريقه ما في اكتبو كلو |
| الساعة بإيدك هلق يا سيدي 08:08 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون