|
هل صحيح انه ما الحب الا للحبيب الاول
اعزائي هذه اول مشاركه لي وارجوا انت تنال اعجابكم:-)
عندي موضوع هام للنقاش في هذا الموضوع ما بعرف اذا انطرح قبل هالمره ولا لا!!!!!! القول اللي بيقول ما الحب الا للحبيب الاول هل هذه المقوله صح؟ انا بدي اسال كل اللي جربو ا الحب مرتين وثلاته هل فعلا قدرتوا تنسو ا حبكم الاول او انه ما زال في قلوبكم لما انسان يحب مره تانيه ويفضل يحكي لحبيبته عن حبه الاول هل هو فعلا حب التانيه ام انه اتخذها فقط لكي يضيع مها الوقت ويخفف عن نفسه ويحاول يتناسا حبه القديم ؟ لما الانسان يكتب اشعاره كلها عن حبه القديم وكم هو مشتاق وكم هو حزين ومع انه ما بكتب عن الحب التاني اي شي هل فعلا بكون حب الانسانه التانيه ؟ اسأله كتيييير موجوده ببالي وما لقيتلها اجابه يا ريت الاقي الاجابه عندكم تحياااااااااااااااتي بنت الاكارم |
عفكرة موضوع حلو كتير للنقاش بس هلا مستعجل برجع بعدين في الي حكي كتير عهالشيززز
تحياتي |
اقتباس:
اقتباس:
اقتباس:
اقتباس:
خديها مني... حبك القديم بذاكرتك وحبك الجديد بقلبك...8) ..! اقتباس:
نورتينا الرب يحميكي...!:سوريا: |
أنا جيت
اقتباس:
اقتباس:
اقتباس:
اقتباس:
شكرا ألك عالموضوع .... :سوريا: تحياااااااااااااااتي لبنت الاكارم |
بعتقد اول تجربة بتضل مؤثرة اكتر من غيرها
|
في حياة كل منا وهم كبير إسمه الحب الأول
|
انا بعتقد انو ما دخل الحب الاول انو هو الحقيقي يعني لاااا
يمكن يرجع الشخص يلاقي حبيب يحبو اكتر من الحبيب الاول ويمكن لا يعني ما كل العالم نفس الشي في هيك وفي هيك يمكن انا كون لائيت الحب من الشخص التاني بس غيري بالعكس |
ما فى الحب الاول والثانى هو الحب مرة واحدة بس الفكرة كلها امتى تلاقية يعنى ممكن تعرف حد وتعتقد انك بتحبة وبعد كدة تنساة وتحب حد تانى بقوة وتعرف ساعتها ان الاول دة ما كان حب
|
انا كتييير بتشكركم لردودكم الرائعه
انا معكم في انه الواحد مستحيل ينسى حبه القديم لكن اذا عاش بقيه حياته يتعذب وبتالم على فراق الحبيب الاول هذا بيعني انه مستحيل انه حبه الجديد يكون نساه حبه القديم او بمعنى تاني انه ما حب مره تانيه وانه بس عم يضيع وقته ويحاول يتناسى حبه القديم بلعبه اسمها الحب الجديد عجبتني هي المقوله بتقول أحلام مستغانمي أنو نحنا منقتل الأبطال على الورق ... يعني انو اللي عم يكتب عم يفرغ شعور بالألم بالحزن ... وهالشي كتير أيجابي أحسن من انو الأنسان يكبت هالشي وتضل هالمشاعر عثرة بطريقو أنو يكمل حياتو ... إن كان ما بكتب عن الحب التاني .. يمكن لأنو الألم شعور أقوى من الحب ... فالألم محرض أكتر عالأبداع طيب ليش انه الشعور بالالم اقوى من الشعور بالحب انا من رايي لو انه بجد حب المفروض حبه الجديد ينسى العالم كله وبالعكس يحاول انه يكتب عن حبه الجديد عشان يقدر ينسى الحب القديم ويكون شعوره بالحب اكبر من شعوره بالالم طبعا هون في حاله اذا كانت المقوله اللي بتقول مالحب الا للحبيب الاولي غلط يعني مو صح ويعطيكم الف عافيه على ردودكم الرائعه تحياااااااااااااتي بنت الاكابر |
موضوع كتير حلو ... شكراً الك ..
هلأ أنا برأيي و توثيقاً لكلام الفراشة أنو الحب الأول دايماً مبكّر بكون بالتالي بكون حب هات ايدك و لحقني .. يعني الواحد طالع على حياة المراهقة جديد و حابب يجرّب الحب .. فبالتالي الحب اللي بعد الأول ههههه هو الأساسي .. تحياتي |
اقتباس:
الحب شعور بيغيرك من جوا :oops: ... بينسيك الدنية متل ما قلتي .. بس بحاجة لوقت ... |
أنا نسيت من زمان
بعدين شو يعني الحب فهمونا منشان الله |
|
الموضوع حلو كتير
هلا بعتقد انا انو الواحد مافيو يقول انو الحب للحبيبي الاول لانو مثلا الواحد بعمر المراهقة يمكن يكون مانو حب مشان هيك مافيكي تقولي انو للحبيب الاول بس بعتقد انو لمن بتحسي بالحب الحقيقي رح يكون مرة وحدة وانا عم احكي عالبنت والشب ها يعني الحب مرة وحدة رح يصير بس العلاقات اللي ممكن يدخل فيها الانسان اكتر من وحدة |
بالنسبة الي انا اساتني بالحب الاول ومابظن رح يكون عندي حب تاني او تالت لهيك ما بعرف اذا ممكن انسى او حب شخص تاني..بس مابظن لانو قلبي ما بيسع الا لشخص واحد..:sosweet: :sosweet:
|
اقتباس:
|
هلىء بالنسبة لموضوع الحب الأول
ممكن الواحد يحب شي 10 مرات قبل ما يحب الحب الأول لأنو ممكن يكون اللي قبل حب ولاد او حاجة او زعبرة اما الحب الأول هو الحب الصح او الحب يلي بيتملك كل شي فيك وبصير هو المتحكم بحياتك أنا بعتقد انو الحب الأول بينتسى وبتخف ألامو مع الزمن لكن بضل له نكهة خاصة وطعمة طيبة كل ما اتذكرتوا تجربة شخصية:p |
يا بنات بلا حب بلا بطيخ مبسمر
كل تجارب الحب كلام فاضي مالو طمع.... خلينا بالمفيد... شو طابخين اليوم ؟؟ |
| الساعة بإيدك هلق يا سيدي 01:00 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون