|
سفر البنات بقصد العمل !!!!!!!!!!!!!!!!!!!
مسا ء الخير
في ظاهرة من كم سنة ظهرت عنا وهي أنو البنت تسافر بقصد العمل,أنا بعرف أنو البنت ممكن تسافر مشان الدراسة بس مشان الشغل !!!!!!!!. يعني الشب وقت بسافر ممكن مشان يحسن وضعه المادي وبجوز لأنو عندو جيش وكتير شغلات بس البنت ليش ؟ يعني في كتير بنات عم يشتغلوا هون داخل البلد ورواتبهن منيحة وأحيانا عالية وبعدين بقدموا استقالتن مشان السفر أنو صحلهن فرص كتير منحة , يعني المطلوب من البنت أنو تسافر مشان ترجع بعد كم سنة وتشتري بيت مثلا ولا شو ولا عندها جيش بدها تملص منو. يعني بعرف أنو البيت والسيارة والخ............. هي واجب على الشب . وما بدي فوت بالموضوع أكتر منهيك منشان ما أنفهم غلط . والله ما عم تزبط معي الفكرة عطونا رأيكم بالموضوع |
انا ما بحبز هادا الشي ولاو كان عندي بنت ما بسمحلها تسافر لوحدها
|
يعني بهل الايام كل شي صار معقول يصير وما في شي غريب
وانا اكيد مو مع انو البنت تسافر مشان العمل تحديدا لانو مالها مضطرة |
افرضوا عندها ظروف خاصة؟؟... يعني مثلا تكون مسؤولة عن اهلها ومافي غيرها.. افرضوا بما انكم عم تحكوا عن المسؤوليات....!!!!!!!!صح ولا انا غلطانة؟
|
هون الحكي اذا كانت غير ملزمة اومجبورة
|
هيك .. كمان بيرجع لمبادئها وتربيتها ... وكيف هي واهلها بيشوفوا الأمور
|
شكرا لكا الأعضاء يلي شاركو بس في شغلة أنو هون ضمن سوريا في كتير شغل وبروات ممتازة يعني مافي داعي للسفر ولي رجعة على الموضوع بس نشوف أراء أكثر لأنو عنجد الموضوع مهم ورح جيب معي أمثلة عن بنات تركوا شغلون هون وسافروا
|
اول شي مشكور كتير عالموضوع وعالفكرة ( بس هيك مواضيع مكانا بالصالون وهلأ فيك تخبر المشرف ينقللك ياه لهونيك )
منجي للموضوع انت قلت انو هالواجبات تبع السيارة والبيت والى ماهنالك واجبات للشب :? خير انشالله؟ ليش ماحتى البنت يكون عندا نفس الشي ؟ ضمان حياة هاد ولا ماضمان؟ ليش هالشب المعتر هاد غير ربك بيعرف شو ممكن يصير فيه؟ بيجوز وهوي عم يشتغل صار معو شي وانضرب شغلو بيكون عندون خط رجعة ولا لاء؟ ولا نحنا عنا الشب بيخاف بشكل عجيب انو تكون المرأة مساوية الو بأي شي حتى بالعلم لهيك منشوف باغلب حالات الارتباط انو الشب اعلى مكانة علمية من المرأة مابدي اطلع عن الموضوع في نقطة تانية انو كلكون عم تقولو والله انا اذا عندي بنت مابخليها تسافر تشتغل لحالا طيب سؤال : ليش؟ بدون ماتجاوبو : عيب بيحكو عليها الناس :jakoush: في شغلة اللي بدا تغلط وهي ببيت اهلا بتغلط واللي مرباية صح وقد حالا زتا بالصين ماحدا بيقدر بيجيب سيرتا بكلمة هلأ سؤال تاني خطر ببالي انو شو الفرق ( من حيث المبدأ بالسفر ) بين انو البنت تسافر لتدرس او لتشتغل؟ مو تنيناتون تأمين مستقبل؟ |
اقتباس:
معلش يعني انا بدي اعرف ليش شبهون اهل الصين؟؟ يعني فهميني لشوف ليش قلتي بالصين |
اقتباس:
انو بالصين طلعت بعقلي هيك اجا على بالي انو بعيدة :x يعدمني جاد |
:lol: :lol: :lol: :lol: :lol:
ايواااااااا اي بس كنت بدي اعرف ليش الصين خلص سكتت ما عاد احكي:clap: :clap: وجرحت حالي مشانك كمان عم ينزل دم من خدي انبسطي:cry: |
اقتباس:
كلشي بيعذبني هيك بيصير فيه :cry: عم يوجعك؟ روح حطلو لزقة هلأ بيصير معك كزاز :p :lol: :lol: |
انو لا ما عم يوجعني
بس........ لعمى هلق بصير معي نزيف حاد و نقص بالدم من ورا الجرح وبموت كمان ولي على حظي ليلى......... رح اتركلك ثروتي كلياتها واللي هيي متدين من واحد 10 الاف دولار ادفعيلي ياهون |
اقتباس:
يقرفك خلص حاج تنزع الموضوع للزلمي لاتزعل منو لجاد هوي هيك شوي بيشتل بس حباب :p |
لعمى وقت صار في دفع بالنص اتهربت
يلا مو مشكلة بس كرمال فلاش باك هاه مو كرمال حدا تاني وانا بأيد ليلى بكلشي وحتى لو عم تحكي بالصيني بأيدها |
اقتباس:
خود راحتك ولو مت صدقني مصاري الدنيا كلها ما بتعوضنا عنك ;-) ;-) ;-) بس ايمتى حاخود المصاري من ليلى :clap: :clap: :clap: |
انا ضد سفر البنات من الاساس لبلد تاني
لانو انا جربت السفر وكمان سمعت اراء ناس كتير سافرو وخرجت بنتيجه ان الغربه صعبه مش بس على البنت لاء كمان على الشباب. نحنا كنا بنتعرض لظروف بامانه صعب جدا البنات تمر فيها وتستحملها ومابتمنى انها تعود تاني لا لي ولا لاي شاب او بنت بس بعتقد ان الشباب مو على نفس درجه الاهميه متل البنت عند اهلها مشان هيك بيتركو الشباب شوي زيادة او شويتين وما بيتركو البنت .وبالنهايه بشكر صاحب الموضوع |
اقتباس:
انا متغربة وبعرف عن شو عم تحكي بس انت عم تحكي من ناحية انسانية يعني انت عم تساوي البنت بالشب ومتل مافهمت منك انو انت مابتحبذ لاهاد ولاهاد يسافرو مضبوط انو الشب عندو قدرة تحمل اكبر من البنت بس مو كل اصابيعك متل بعضا بس كاتب الموضوع عم يطرح وجهة نظر تانية انو هي مو مجبورة تأمن مستقبلا وعلى هاد كان النقاش |
| الساعة بإيدك هلق يا سيدي 21:01 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون