الجولان السوري الصااااامد..
 

سورية من البلدان اللي اتمنى انشاء الله ازورها عن قريب
من احلا البلدان العربي :سوريا: كبلد..كثقافة وكناس طبعااااااا
وهذي صور من الجولان الصاااامد
وربنا ينصر المقاومة
(الصور منقولة من موقع فرنسي)
وفي اخر صور نشوف ان الناس من الجهتين حتى يتصلوا ببعض يستخدموا مكبرات الصوت من البرج.
الله يوفق المقاومة ومنتصرين انشاء الله.:king:

انو صامد وانو مقاومة هاي ؟؟؟؟ عن شو عبتحكي انتي ؟؟؟؟ هوي جولان اي بس مانو صامد وما في مقاومة ليش خلولنا شي بسوريا لنقاوم فية ؟؟؟؟؟ بلا مقاومة بلا بطيخ ناس هون بدا تعيش مو اكتر من هيك !!!!!!!!! تخيلي انو السلطات السورية رفضت تبدل رفاة الجاسوس الاسرائيلي ايلي كوهين اللي انكمش بسوريا بالستينات ومو هن اللي كمشو اللة يخليلن السوفييت اللي ساعدوهن شوي والسفارة الهندية اللي كمشت ارسال غريب وبلغتن المهم انو رفضو يبدلو جثتو المدفونة بسوريا من 40 سنة ب27 اسير سوري جولاني بالسجون الاسرائيلية فشو راييك يا نجوحة بهيك صمود ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟

معاك حق اخي في اللي قلته..استغربت فيه اول مرة اسمع بهالكلام


ما كلنا حالة وحدة..:cry:


للاسف

واكيد بيبقى نقول ربنا ينصر المؤمنين:hart:

انا هي اول مره بسمع فيها
وانا بعرف انو رفضو يبدلو ايلي كوهين نفسو باسرى من الجولان ..مو جثتو

هلق هاد الكلام صحيح ولا شو :?
اول مرة بسمع هيك شي

اي صحيح 100% مو من زمان صار هالشي من شي سنة اذا مو اقل كمان !!!!!!! صار ونص مشان ما يبدلو الجثة ب 18 اسير منن محكومين 28 سنة ومنن في بحالة صحية تعيسة اي صدقو ليش لحتى ما تصدقو

ما يعلمه الناس عن عدم المقاومة وقلة الصمود ... هو ظاهر الموضوع ...
وما تفعله الدولة هو الكثير ...

وللدولة الحق و الحرية .. وتعرف ما تريد من تصرفاتها

مشكورة كتير على الصور الرائعة للجولان الغالي

ما تعلمة انت عن قلة المقاومة او قلة الصمود هو امر لا علاقة لك فية لانك لست هنا ام ان يكون للدولة الحرية بالتصرف فهذا غير منطقي لانو انا ما انتخبت الحكومة ولا الرئيس لحتى يمثلني ويعل اللي بدو ياة ما الو الحق انو يقرر عن شي هون لانو من ال 73 لحد هلق ما كانت قضية الجولان غير شماعة لحتى يتعلق عليها كل اسباب الفشل والدكتاتورية تبعن من قانون الطوارئ للسرقات للوضع الامني المخابرتي المعاش بسوريا كلو على ضهر الجولان وشو نعمل لحد هلق للجولان !!!!! ولا شي لا من ناحية اعلام ولا من ناحية تبرع بمصاري ولا تبرع باي شي بس شاطرين بقولة جولاننا الحبيب والغالي والعزيز اي حل عنا يا هاد حكي ما بطعمينا خبز بس لا تفهمني غلط هادت ما بيعني انو نتخلى عن سوريا كوطن بس بيعني اكيد انو نتخلى عن النضام كنظام شرعي بيمثلنا !!!! فيك تقلي بشو لبك حالو النظام السوري لحد هلق وعمل للجولان !!! تبرع بشي مستشفى للمنطقة !!!! لا وهلق الصليب الاحمر بدو يبني مستشفى هون ؟؟؟ التبرعات اللي بقت تجي للسجناء السورين من الجولان باسرائيل بقت تنسرق على ايدي كام حرامي بالسلطة والجيش والمخابرات فبلا مزايدات وتقلي انو للنظام في استراتيجية وعم يشتغل عليها استراتيجيتو الوحيدة هي سرقة اكبر كمية من المصاري والكذب عالعالم
انا مع الشعب السوري وضد كل شي ضد سوريا ها اللي لازم تعرفو وتفهمو بس طالما في ناس اللي بتضلا تهلل وتزمر للنظام راح يضلو قاعد عقلوبكن
ومشان قلة الصمود فخلينا نشوفك ماسك بارودة وجاي عالحدود مع اسرائيل عبقاوم ولا بس شاطر بالحكي من عندك !!!!!!!!!!!!!!!!!!!!!!

اخي ..
نحنا عامين الجولان شماعة
وسبب للقمه الديكتاتوري .. وقمع الحريات
و تشغيل قانون الطوارئ ..

وحجة مع اميركا وسرائيل و ورقة طرنيب منلعبها ايمت بدنا ..

شو بدك تساوي يعني .. خليك عم تحكي بالمنتديات لتشبع ..لتمل ..
وبعدها شو بدو يطلع معك ...

حكي بالهوى .. على الفاضي يعني ..
ومتل ما بدها الحكومة رح تشتغل ... بقى حاج صف حكي على افاضي الله يرضى عليك ..

انا ما رح اعمل شي بس لنشوف انتي شو رح يطلع معك لما بروح القائد وبضل الوطن وين راح تصير وانا ما رح اشتغل متل ما بدا الحكومة لانو انا تحت الاحتلال واهون علي يضربني جندي احتلال من ما يضربني جدني وطني ويتفزلك عللي ابن وطني ويعلمني شو هي الوطنية لان هاداك بضل احتلال اما انتي شو ؟؟؟ انا برأي انو انتي الاحتلال وهو صاحب الحق مع الاسف

هلق اذا كل العرب السوريين اللي بالجولان بيحكو متلك بيكون مصيبة

لا تخافي مو كلن !!!! بعدين ليش مصيبة هلق صار الحق مصيبة ؟؟؟؟؟ شو المصيبة بالموضوع ؟ فهميني مشان اعرف رد عليكي

هلق اذا بدك ترد بانفعال وتحامل ما راح ينفع نتناقش
ومين قال انو اللي عم تحكيه حق
انا بشك انو اللي قلتو صحيح لانو كل الناس الصغير قبل الكبير بيعرفو انو الجولان ما تحرر ولساه محتل وحتى اشقائنا العرب بيعرفو والدليل صاحبة الموضوع
شو بدهن يقولو لكان اهلنا اللي باللواء ؟؟؟
بعدين مو نحنا يلي مننسى قطعة غالية من الوطن الام
معليش ياريت تهدي اعصابك وتجاوبني من دون انفعال :سوريا:

اول ما شي ما منفعل ولا متحامل بس اللي عبحكي صعب يتصدق وما كنت بحكي لو مو صاير معي انا تعلمت بالشام 6 سنين وسكنت بالشام نفسا وبعرف الناس هنيك شو بيعرفو وشو ما بيعرفو ون اللي صاير معي ومن حصرتي عبحكي هيك مو من عندي عبألف هالحكي والف مرة نسألت انو اي كيف يعني من الجولان المحتل مهو تحرر !!!!! بس انا نفعلت من واحد رد علي بطريقة فيها استهزاء ومسخرة وانو ما في نضال ومقاومة هون !1 اي يمكن ما في انتفاضة هون لانو عدد جرحى الفلسطينيين بسنة وحدة من الانتفاضة قد عدد سكان الجولان كلو بعدين نحنا مو دولة وشعب منفصلين ومنعزلين لحتى نحرر ارضنا بأيدنا في وطن لازم يدعمنا على الاقل معنويا ما منا مصاري ولا مشاريع ولا شي منو بس دعم معنوي واعلامي وحتى هاد ما متوفر مع انو مت ما قلت من قبل انو الصليب الاحمر تبرع ببناء مستشفى هون وسوريا لسا ما تبرعتلنا بشي غير بمشاكل عبتصير من تحت راس كام واحد هون وهاد لحالو موضوع طويل بعدين لمعلوماتك وهاي جديدة شوي انو مو من زمان عينت سوريا شخص من قرية الغجر مسؤل عن المنطقة من ناحية سياسية من قبل سوريا هالشخص نفسو بيحمل الجنسية الاسرائيلية وصوت لحزب كديما بالانتخابات وبس لانو "علوي " وانا اسف كتير عالتعبير الطائفي بس هاد اللي صار وغيرو كثير شغلات بتصير شي بطلع الخلق وبخلي الواحد يعصب وبالاخر بيجي واحد يعلمني شو هي الوطنية والصمود !!!! شو بتعرفو عن الصمود والنضال انتو !!! انا اسف عالعصبية :)
الموضوع قابل للنقاش والاسئلة :)

انا هلق مشغولة بس حبيت سجل متابعة والي رجعة انشالله
بس حبيت قلك شغلة وحدة بس اني انا عربية سورية علوية :سوريا:

اذا هي صح معناتا معك حق والله شي بيقهر

هوي وللاسف

كلام غولدن هايتس صحيح
بس الا ما يجي ونخلص من هالحكومة المزفتة

يا معلم الشعب السوري (بباقي المناطق السورية) عيشتو مع حكومتو
اصعب بكتير من عيشة اهالي الجولان مع حكومة الاحتلال

يعني يمكن اسرائيل ارحم

تحياتي