|
سؤال عن MD5
اقتباس:
هلا الولحد حط الباسورد تبعو و تشفرت ... طيب شلون بيصير تطابق الباسورد ازا رجع و دخل ؟؟ بتششفر و يتم تطابق الباسوردين المشفرتين ؟؟؟ او تطابق الباسورد متل ما هية ؟ هاي كانت واحد... تنين كل مرة بتعطي بالباسورد بيجع بيعطيا تشفير جديد او التشفير بيبئا نفسو ؟؟ اصدي على فرض انا الباسورد تبعي هي 123 تشفرت على شكل d43fr5bhy ازا في حال عطيتو ياها مرة تانية بيرجع و بيشفرا على الشكل d43fr5bhy او بتتغير ؟؟ تالتا على فرض انو التشفير ما بتغير يعني انو كل ما حطيت انا 123 بيعطي d43fr5bhy طيب ازا انا حطيت 321 بعطي yhb5rf34d اي عكس d43fr5bhy ؟؟ يا ريت يتم الاجابة على هل كم سؤال .... |
هلا
اي بالظبط الي بيصير متل ما قلت التشفير MD5 هو تشفير باتجاه واحد .. اي هناك تشفير ولا يوجد لوغرتمية فك تشفير ولا يمكن ان توجد هذه الوغرتمية .. يعني العلم عاجذ عن صنع لوغرتمية لفك تشفير الإتجاه الواحد .. هي كما هي باتجاه واحد لها تشفير وليس لها فك تشفير (*هناك طرق لفك تشفيرها ممكن نتكلم عنها لو احببت) بالنسبة لليلي بيحصل بالمواقع عامة وخاصة المنتديات التشفير كلو بيتم MD5 هو الاقوى والأكثر امانا بتدخل الباسرو>>> بتتشفر وبتدخل بتتسجل بالداتا بيز مشفرة هذا يحصل في المرة الأولى بعدها كل دخول للموقع بيتم نفس الموضوع بتدخل الباسور >>> بيتم تشفيرها ومقارنتها بالصورة المشفرة في الداتا بيز .. ولهذا في حال فقدان كلمة المرور حين تطلب استعادتها لا يرسل لكل كلمة المرور لانه لا يمكنه ارسالها فهي موجودة بشكل مشفر ..وليس هناك فك لتشفيرها انما يقوم باعطائك صلاحية اعادة تعيين كلمة المرورو (ملاحظة اي موقع بيبعتلك الباسورد في حال فقدانها فهذا ثغرة نسبيا .. اي انه الباسوردات لا تحفظ مشفرة MD5 بالداتا بيز .. ممكن عاد اي تشفير باتجاهين وفق اي لوغرتمية واي قوة معطات سواء بالمفتاح العام او غيره ...) السوال التاني اقتباس:
او بالأصح ما كان تشفير وقتها لان التشفير يقتضي لوغرتمية واضحة وصريحة والسير فيها بيادي لنتائج لو اعيدت الخطوات حتطلع نفس النتائج .. اقتباس:
لو حطيت الباسرود 0 حيعطيك التشفير ليها 32 خانة ولنفرض 7bb9cd41d2ba914a1f6f3e4a22402550 ولو حطيت الباسورد mynameishusamabboudiamhere رح بيشفرها واتكون النتيجة المشفرة ايضا 32 خانة .. ولو حطيت 7bb9cd41d2ba914a1f6f3e4a22402550 كمان حتعطيك 32 خانة .. وهيك |
ما بعرف بس أنا سمعت أنو اذا كان عندك الرينبو فينك تفك الهاشات ( ملاحظة :لا علاقة للهاشات بهاشت ناشت أبداً :P )
|
في موضوع تاني كمان تم ذكر فيه برنامج لفك باسورد من نوع MD5 بس غير البرنامج يللي انت حكيت عنو
|
موقع لفك تشفير md5
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
الصراحه اكتشفت انه الهكر وجع راس وشعل كتير على نتيجة مابتسوى تعبه :D
ومشان md5 كانو مرة حاطين بترادينت برنامج بفك التشفير :shock: بس مو مجاني اول مرة بعرف انه الشيفرة 32 خانة .. معناها في امل تنعرف !!! يسلمووو هاس :D |
اقتباس:
لكن يعتمد أيضاً على ذكاء المبرمج أنا ممكن أشفر بال MD5 الباسوورد وأشفرها كمان مرة بال sha1 وبعد هيك أشفر الباسوورد مع سالت ناتج عن الدالة rand وأرجع اشفر كمان مرة السالت مع الباسوورد الأخيرة بال md5 وحتي ان حصل الهاكر على الباسوورد المشفرة الا انه ما بيعرف أنا كيف شفرت الباسوورد :) يمكن الموضوع قديم شوية لكني حبيت أكتب اللي بعرفه كوني هاكر ومبرمج :oops: |
اقتباس:
يعني في لوغاريتمية ما بيتم استخدامها بشكل ما بدون استخدام اي برامج للفك او في لوغاريتمية ضمن برنامج ما او بدون اي لوغاريتمية فقط برنامج ؟؟؟ |
الباسوورد المكونة من أرقام تفك بوقت قصير جدا ً
والباسوورد الأكثر تعيقدا ً تفك بوقت أطول لا أخفي عليك قبل فترة حوالي شهر تقريبا ً قدرت أحصل على برنامج يفك الباسووردات المعقدة حروف وأرقام ورموز خاصة أنا قصدت بعبارة "ذكاء المبرمج" فرضا ً انا عامل نظام تسجيل للأعضاء أنا خزنت بالقاعدة الباس 123456 حيتشفر بال md5 لهيك e10adc3949ba59abbe56e057f20f883e لو الهاكر حصل على هادا الهاش باستخدام اي برنامج أو مواقع فك ال md5 راح يعرف الباسوورد لكن أنا مثلا ما خزنت الباسوورد المشفرة على طول بالقاعدة مثلا شفرتها بال md5 لتصير هيك e10adc3949ba59abbe56e057f20f883e وبعدين شفرت الباس المشفرة مع رقم العضوية مع بعض بال md6 ولنفترض رقم العضوية كانت 6 الmd5 الناتجة عن تشفير رقم العضوية "6" مع الباس المشفرة " e10adc3949ba59abbe56e057f20f883e " هيا باسوورد مشفرة جديدة a071495b74b65a34559c76227e0633a4 لو حصل عليها الهاكر فكها حيكون صعب نسبيا ً وفي حال قدر وتمكن يفك الباسوورد مش راح يوصل للباس 123456 فيك تشفر أكتر من مرة وتشفر الباس مع ناتج للدالة rand ألغورثم من صنعك :) |
| الساعة بإيدك هلق يا سيدي 14:48 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون