استفتاء حول من قتل الحريري
 

فينو الواحد يكون رأيو أنو إسرائيل و أميركا هنن ورا الاغتيال و وقتها بكون وافق رأي سليم الحص و عزمي بشارة و نجاح واكيم
و فينو يكون رأيو أنو سورية يلي عاملتا و هيك بوافق شارون و سيلفان شالوم و جمبلاط و بيير الجميل
و فينو يكون من يلي بستنتجو من حسابات الربح و الخسارة وقتها رح يكون مع أنو المعارضة عاملتها لأنها أكتر مين استثمر القصة و استفاد منها
ممكن يكون عندو رأي مخالف لكل ما سبق
أما أنا فعندي ثقة كبيرة بآراء أشخاص متل الحص و بشارة و واكيم

أنا من رأيك تماماً

قد لا نجد جوابا لهذا السؤال...مثلما بقيت أسئلة كثيرة حول لبنان دون جواب, قبل و أثناء و بعد الحرب..
أنا شخصيا أستطيع فقط أن أحذف جوابا واحدا من هذا السؤال... أعني بذلك أنني أكاد أجزم أن سوريا ( عفوا..النظام السوري) لم يكن الفاعل للأسباب التالية :
1- رغم معارضته " الظاهرية" للوجود السوري في لبنان , لم يكن الحريري أشد المعارضين لسوريا...بل و يمكننا أن نقول أنه كان بمثابة صمام أمان لسوريا في لبنان, لأنه كان معارضا معتدلا...معارضا سياسيا .. لو أن سوريا رأت أنه يجب التخلص من المعارضة لمابدأت به...بل لكانت استهدفت من هو أكثر خطورة بالنسبة لها...
2- ليس من مصلحة سوريا بتاتا أشعال الوضع في لبنان , و لفت أنظار العالم حول وضع قواتها في لبنان.

شخصيا أستبعد كذلك تورط اسرائيل في هذا الاغتيال البشع, لأن الوجود السوري في لبنان ليس بالأمر المزعج بالنسبة لها , بل و يمكننا القول بأنه مفيد كذلك.

أميركا خيار يحتمل الوجهين برأيي, يمكننا التفكير بأنه ليس من صالحها أشعال الوضع أكثر في الشرق الأوسط لأن ذلك لا يخدم وضعها المزري في المستنقع العراقي , لكن من جهة أخرى يمكن أن تحاول التسبب بمضايقات لسوريا لأجبارها على التعاون في قضايا أخرى.

لذلك , أرجح خيار الطرف اللبناني المعارض...الا أنني أستبعد الأطراف المعارضة الكبيرة ( دروز ـ كتائب ـ قوات لبنانية) و أرجح الجماعات الصغيرة نسبيا ( مثل حراس الأرز) لتحاول الفوز بثقل سياسي في المعادلة اللبنانية الصعبة, و في المقابل ليس لديها الكثير لتخسره في حال فشل المحاولة.

أنا لا أستبعد اسرائيل .. لأنو أنا أرى بأنه من مصلحتها خروج الجيش السوري من لبنان لأعادة انتشارها .. بما يوافق من الفرات الى النيل .. لأنني مقتنع بأن اسرائيل لن تتوقف ولن تتوانى عن فعل أي شيء في سبيل خرافتها التي باشرت الدخول الى عالم الحقيقة بفضل الغفوة العربية .. وأنا أستبعد المعارضة اللبنانية لأني لا أتوقع بأن المعارضة وصلت لدرجة من الانحطاط تجعلها أن تستهدف الوصول الى الحكم ولو كان ثمن ذلك حرب داخلية في لبنان قد تمتد الى المنطقة العربية المجاورة ..
وبالنهاية .. انا وصلت الى مرحلة من عدم الثقة بكل من حولي من مسؤولين .. ولا أستغرب قيام أي جهة من المذكورين أعلاه بالعملية .. لأن العرب وصولو الى مرحلة بعيدة من الغباء السياسي ...

ولا تواخذونا .. :D :D

شريك بنصحك ببرنامج " حرب لبنان" تبع قناة الجزيرة...حاول تشوفو فيديو , أو فينك تلاقي النص تبعو بموقع القناة....راح تتفاجأ بشغلات كتيرة

والله يا أبو مارل قرفت من كل الخفايا اللي عم أكتشفها ... يعني اذا فعلا" وصلت المعارضة لهل درجة من الانحطاط .. فعلى لبنان السلام ..ومكشور على المعومات ..
وأه من العرب .. شو بحبون وشو بكرهون ..

مين قتل الحريري شغلة مجهولة
بس وجود الجيش السوري بلبنان يحمل السلطة السورية مسؤولية كل خطأ أمني يصيب لبنان

لك يا شباب
ليش حاطين كلكن الحق على المعارضة اللبنانية
يعني لما كان الحريري من رئيس وزراء ما اغتالوه
ليش لحتى يغتالو الان

يا سيدي أنا هون بدي عارضك
لو كان حكيك صح ما كانت إسرائيل بتسعى بإيديها و رجليها هيي و أميركا لاستصدار 1559

والله انا رأيي أنو الكتائب اللبنانية هني تااي ورا قصة الاغتيال لأنو أول الشي هادا أسلوبون من زمان و الشي التاني انو الحريري من أول ما إجا ع لبنان و هوي حاططون ببالو و ما حدا حطلون حد غيرو هوي ... و كمان منلاحظ آخر فترة توجه و خطاباتون ضد الحريري و ضد الوجود السني بلبنان و بلشو يزكروا كتير ايام العز تبعهون خلال فترة الحكم تبعهون ....... و بالنهاية الله اعلم

حكي جرايد...لو امريكا عن جد بدها سوريا تطلع من لبنان كان ما نطرت كل هالقد...و قرارات الأمم المتحدة ما بتعنيلي شي بنوب....شو نسيان يا أستاذنا العزيز كام قرار في ضد اسرائيل؟
تحياتي :D

Re: استفتاء حول من قتل الحريري
 

و نقصت الشعب اللبناني و تلت ارباع الاعلام العربي و الغربي :angel:

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

يا ريت تشوف ردي هون بالنسبة للشعب اللبناني
أما يلي عم تحكي عنو هون هو الشغب اللبناني

المسبب الو مصلحة تنتزع العلاقة مع لبنان و برأيي الخاص و أكرر برأي غير لبناني ماحدا عامل هالشي و بكرا بدوب التلج و ببان المرج ... تحياتي

يعني عفواً يا جماعة ...بس انا بدي فكر بطريقة شوي مختلفة

يعني الحريري قبل ما يكون سياسي هو رجل أعمال ...أصلاً هو دخل السياسة من باب المال ( يعني هو من السياسيين القلائل بلبنان اللي مانن من عائلة سياسية ) .

نقطة تانية ...الحريري رمز الاعتدال السياسي بلبنان ...و بالسياسة نادراً ما يكون لحدا مصلحة بالغاء الطرف المعتدل ...حتى الاطراف المتطرفة

يعني سوريا ما الها مصلحة باغتيال الحريري ( بالعكس هس متضررة ) ..., اسرائيل الها تاريخ عريق بالاغتيالات بس ابداً ما كانت تغتال شخصيات ( تدعو للسلام ) متل الحريري ...يعني الحريري بحياتو ما قال شيلو سلاح ..كان دائماً يقول تفاوض وحوار ..بالخلاصة اسرائيل خسرت شريك ممتاز للعملية السلمية .

بالداخل اللبناني ..مافي ولا جهة عندها القدرة الميدانية على تنفيذ عملية اغتيال من هالنوع ...يعني حتى لو كان في حدا بدو يعمل هيك ما بيطلع بايدو بكل بساطة ...مافي غير حزب الله ممكن يقدر ينفذ هيك عملية ..بس متل ما سبق و ذكرنا سوريا ما الها مصلحة => حزب الله ما الو مصلحة .

بيبقى نتذكر من حوالي السنتين تقريباً انو صار عملية اطلاق صواريخ على مبنى تلفزيون المستقبل ...( يمكن اقل من سنتين ) و وقت بصير اطلاق صاروخين ناعمين ع مبنى تلفزيون المستقبل ما بكون الهدف ايقاف البث ...بكون الهدف توجيه رسالة ...على ما يبدو الحريري ما فهم الرسالة أو فهم وطنش . و النتيجة هي انفجار 14 شباط

انا اللي بدي قولو ببساطة ...انو ما ضروري يكون وراء اغتيال الحريري غاية سياسية ..حتى لو سيس الاغتيال لابعد الحدود ...قد تكون غايات شخصية او احقاد اعمال ....يعني وهاد الشي مانو غريب أبداً عالمافيات الكبيرة ( اللي عادة ما بيحملو مسدسات ...بس هني مافيات ) ..لأنو ببساطة الحريري رجل مال وأعمل اكتر بكتير ما يكون رجل سياسة .

و شكرأ

اعتقد انو سوريا هي الي اغتالته لانو عندها تاريخ في هالشيء