|
ذكريات الطفولة و المدرسة
أنا عم أقرأ بذكرياتي
وقعت عيني على ورقة كتير مهترية حتى انها صايرة نصين يالله شو ضحكت هالورقة كانت متل المنشورات بالمدرسة منشورات سرية......... و ما بتتوزع لاي طالب إلا اللي مشاغب و مشاكس هالورقة بعدها لهلئ موجودة عندي وما بذكر كيف جبناها أو مين كتبها بس كانت بمثابة نشيد و دعاء لازم نكرره دوما و هانشرها بالحرف الواحد و ما بخفيكون أنو انمسكوا هالوراق معنا بالمدرسة وشحطونا على الإدارة أنا و خمس بنات و صادروا هالوراق (تقول منشورات سياسية مو هيك) بس أنا وقتها كان معي نسخة تانية بالبيت و رجعت نشرتها بين رفقاتي مما أدى إلى انزعاج المعلمات مني و بالأخص انو هالمنشورات كانت عبارة عن دعاء عليهم .........(طبعا المعلمات اللي فرد شقفة يعني ما بيضحكوا للرغيف السخن الله لا يبلينا) دعاء الطلاب اللهم عذب الاساتذة و الأنسات الأحياء منهم و الأموات واحرق دفتر العلامات وحول الصفر إلى مئات اللهم عذب استاذ الرياضيات واجعله تحت العمليات اللهم عذب استاذ المطالعة واجعل حصته جولة من المصارعة اللهم عذب استاذ العسكرية وأرسل له قنبلة ذرية اللهم عذب استاذ العلوم واجعله محبوسا بين الفم و البلعوم اللهم عذب استاذ النصوص لانه كان من اكبر اللصوص اللهم عذب استاذ الرياضة وألبسه الحفاضة اللهم عذب استاذ التاريخ واقذفه إلى المريخ اللهم عذب استاذ الجغرافية لأنه من عصابات المافيا اللهم عذب استاذ الفلسفة لأنه كرهني بالمدرسة اللهم أعطي المدرس ضربة قوية والمدرسة قنبلة ذرية والطالب عطلة صيفية خذ الصفر لا تبالي إن الصفر من شيم الرجال اترك الكتب يكسوها الغبار من طلب العلم فهو حمار |
وطبعا في كم شغلة
الأخبار بكسر عشر مقاعد و لا درس قواعد بكسر عشرين باب و لا درس إعراب بكسر ميتة بلاطة و لا درس رياضة باكل عشر بطاطات و لا درس رياضيات باكل جزرة و توم ولا درس علوم باكل فاصولية و لا درسة قومية نزلة على البير و لا درس تعبير روحة على المريخ و لا درس تاريخ حسكة بالبلعوم و لا درس علوم حكة بالجسم و لا درس رسم باكل صوص و لا درس نصوص ألف كف و كف من أبي و لا درس عربي خسة وفصة و لا درس قصة باكل تفاحة أحسن من درس خياطة هريبة من المدرسة ولا درس هندسة بطلع على الشجرة و لا بعد للعشرة فوتة عالقبر و لا درس جبر بكسر المقاعد و لا درس قواعد ساسة ساسة بلالي هالمدرسة النشرة الجوية هنا إذاعة شن كليلة و المذيعة كرسيلة و المذيع أبو كيلة الجو صافي و الاستاذ هايج من تراكم الطلاب و الأسئلة سالكة بصعوبة بسبب تراجع الطلاب اما الطقس غائم جزئي بسبب عدم حل الوظيفة مما أدى إلى ارتفاع حرارة الاستاذ البرنامج المحبوب أبو صلعة مجنون روعة و الان نشاهد ابو صلعة ذات اللمعة قادم من درعة يوم الجمعة و هو طالع يخطب روعة ويجنن مرتوا المطلقة.....اللي سبعت الصنعة شد اللحاف و أنا مالي فإذا ضربك الاستاذ كفا فناوله بذات اليمين و الشمالي و هذه الأغنية لهم فوري فوري فوري أنينة كازوز......مندرين و كولا والباقي هلاجوز منتحدى استاذنا و منطخوا بكلاشنا و لا تنسى المدير كسر المقاعد و لا تنسى الشبابيك فا ت الاستاذ عالملعب ليسجل كول شاف أنسة حلوة كتير ترك الفطبول قله المدير يا خسارة روحت كول |
:lol: :lol:
عجبتني الخاتمة كتير .... اقتباس:
|
لك هلا بديما اي اكيد حلوة الخاتمة :p
|
:lol::lol::lol::lol::lol::lol:
حلوين كتير نحنا كنا نغني فوري فوري فوري قنينة كازوز مندرين وكولا بيبسي وهلاجوز هلا نفس الكفاية بس بعدها مننزل ع الحميدية لنلطش الشباب بتلقطنا الدورية ومامعنا هويات ومدري شو بعدها كمان كنا نقول الغسانية مدرستي ع المحبة تاسستي ربيتي عدة اجيال حققتي احلى الامال مابعرف شو كفايتها الا مايجينا شي حدا بيعرفها هلا وكان عنا كتير شغلات بتضحك بس مابذكرون |
:roll: مو بس انا مأذية وطلعت ريتا كمان مستزلمة متلي:-o :tomtom:
يلعمى البنات شو بيطلع معون |
اقتباس:
:clap::clap::clap: |
إه على ذكريات الطفولة والمدرسة
|
اقتباس:
|
حلوين وطريفين بس مو حلو الدعاء على الاخرين على العموم مشكورة
|
شو يا سنفورة انتي مشاغبة بالمدرسة ...
عجبتني هي :فإذا ضربك الاستاذ كفا فناوله بذات اليمين و الشمالي |
اقتباس:
تاني وحدة ما كتير بتذكر كفايتا بس الاولى هي شاغب شاغب شاغب شاغب اد ما فيك كسر الماقاعد ولا تنسى الشبابيكككك بس التاني والله نسيان يلا الاما يجي حدا هههههه شو ريم ما اتفقنا بلا مشاغبة بالمدرسة |
لك اييييييييي هالدعاءات من كام يوم ابن عمي الصغير كان قاعد عم يشوفني اياهن ..
يا ويلي شو ضحكت ....:lol: :lol: يللا شكرا ....:سوريا: |
و الله أنا مابلحق أعمل كل هل شي يادوب بعقد خمس دقايق بكل حصة و بقلعني الأستاذ أو الانسة
|
ييييي حلوين كتير
والله وانا كمان كنت اعمل هيك انا ورفقاتي بس اكتر شغلة كنت اعملا كان في عنا استاذ عربي يعني اهبل وختيااااار كان كل قبل حصة يجي لعنا قوم انا حطلو على كرستو طبشور ويلا على ضحك وبعدو لحد هلء ما عارف القصة انو لي كنّا نتضحك علي بس يقوم على اللوح عنجد ذكريات حلوة كتير |
حلوة يا سنفورة وملعوبة اذا هي زكرياتك بالابتدائي معناها هللق شو هية زكرياتك
|
اقتباس:
يعدمني ياهن ... مشان هيك غيّرولنا السبّورات من الطبشور للاقلام :frown: |
شو رايكن نحط انو كل واحد شو كانو يعملو :clap::clap::clap:
|
| الساعة بإيدك هلق يا سيدي 12:09 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون