|
اقتراح : حذف حوار الأديان
بما انو بريد المنتدى للأقتراحات , فحبيت حط هل أقتراح ,
شو رأيكون بحذف حوار الأديان, أو بحذف قسم الأديان كـ كل , لأنو اغلب المشاكل عم تجي من هونيك . و في كتير عالم عم تشترك بـ أخوية للرد بـ حوار الأديان بعيد بتطلع و بتنشر وسخها بكل أخوية , بتمنى يندرس هاد الأقتراح وميت ورد :سوريا: |
الي بتشوفوا بوافق عليه.....
|
يعني ما الك راي
طيب عال اوي نحنا مو شايفين حاجه انا عن نفسي مو شايف حوار اساسا |
محمد ابراهيم لي ما شايف شي
ما بتعرف حوار الاديان ؟؟!!! |
اقتباس:
|
حوار الأديان حلو ... بس إذا بدو يسبب مشاكل ... الأفضل حذفه
|
من جهتي أوافق على حذف حوار الأديان ......................
كل مين على دينو الله يعينو ............... |
أنا بقترح حذف الأديان ...
|
اقتباس:
حلو تمسيح الجووخ......:o أصلا ما اخذت رأيي انت قبل ما تنزل الموضوع.:pos: ...! |
اقتباس:
|
الفكرة والمبدأ ... بتقلك انك ماتسكر حوار الأديان ..
لأنك بتسكيرو يا نسر عم تقضي على الفكرة على المبدأ اللي مشانو تأسس حوار الأديان ... الحل دائما موجود ... اديسون لما اخترع اللمبة قال .. انا جربت 99 حل .. بس صفي الحل ال 100 ... المهم تلاقي الحل .. التسكير هوي اكيد مو الحل 100 ;-) |
اقتباس:
موضوع تمثال العدرا , بلشو المسلمين يضحكوا و يتمسخرو كيف التمثال بيحكي , عرفت كيف , يعني بدك ناس بتفهم بشان تجي تتفلسف , مو يجيك واحد ما بيسوى صرمايتك يبلش يعلق ويتمسخر , يعني بصراحة حوار الأديان بـ اخوية عم يهين الأديان و المتدينين , يا أما بيسلمو مشرف و يحكمو بـ أيد من حديد , و أنا هون ما عم قلل من أمكانات سيزار , بس سيزار كان متهاون شوي مع بعض الأعضاء , أو بالأصح الأخوية كلها متهاونة مع بعض الأعضاء يلي ما بيستاهلو , و تحت شعار " نحنا بدنا العنبات , و ستين طز بالناطور " بس هل ناطور عم يحاول يعترض طريقك و يفسدلك عنباتك , بتمنى تكون وصلت الفكرة وميت وردة :سوريا: |
انا برايي تسكرو اي قسم الو علاقه باي دين
لانو مو منطق هاد يلي عم يصير ارض معركه صار مو منتدى |
والله انا معكم لازم يتسكر منتدى حوار الاديان
لانو المشاكل عم تيجي من هادا الموضوع وانا اول مدخلت على المنتدى كنت اكتب اشياء عن الاسلام بس لما شفت الردود الي ردوها قررت ماانزل هيك مواضيع ابدا يعني حرمت فبتنى انكم تحذفو اي موضوع عن الاديان |
غلط غلط غلط … :jakoush: :jakoush: :jakoush:
برأيكن تسكير حوار الأديان هوي الحل … :pos: سكرنا حوار الأديان .. حيصير عنا الصالون حوار اديان .. والمنبر حوار اديان .. ولك حتى عالطاير بدو يصير حوار اديان .. :aah: خلي الجماعة حاليا هونيك … لعل وعسا يطلع مع الإدارة المبجلة شي حل … بدها مشرفين مو مشرف واحد .. لأنو مع احترامي لسيزار .. ومهما قال انو هوي بإشرافو حيادي .. بضلو ما نو حيادي .. :سوريا: وما بدنا نفتح قصص قديمة … بدها اكتر من مشرف ويكون في تنسيق مستمر بيناتن .. مشرفين من كل الفئات … من المسيحيين ومن المسلمين ومن الملحدين كمان …واهم شي التنسيق بيناتن … :jakoush: وبالأخير .. كل واحد على دينو الله يعينو …. والدين لله والوطن للجميع …. واخوية للجميييييييييع ….. و ادعولنا .. :clap: |
متل ماقال صياد الطيور ....انا برأيي انو تنحذف الاديان ...
:pos: |
اقتباس:
طيب جميل جداً اديسون جرب 99 حل خلنا نجرب حذف حوار الأديان إلى أن نوصل للحل الصحيح |
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
| الساعة بإيدك هلق يا سيدي 20:07 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون