|
فتى الأحلام...
هاي
هاد الموضوع للبنات وللشباب سؤال حدا التقى بفتى أحلامو أو فتاة أحلامو؟ وللمرتبطين أذا كنت عشقان أو طابس بالحب الشخص اللي بتحبوا هو فتى الأحلام؟ ولا الزمن علقك بشخص مغاير تماماً كل واحد يدخل وليلي حابب يكتب شوي عن ها القصة يكتب لأنو بجد حابة اسمع تجارب :سوريا: |
شكرا وايت روز على موضوعك كتير حلو
مع اني شفتو مأخر كتير انا مرتبطة بس بعد ما صار شي رسمي 100% ما بدي اعطي كتير تفاصيل بس يعني قريبا رح نخطب شكراااااا بس قبل انتي كمان بدك تحكيلنا عن تجربتك |
أهلين سيلين حبيبتي
الله يوفقك أنتي وياه بس سؤالي أنو ها الشب يلي بتحبيه كان على مستوى أحلامك؟ لقيتي فيه كل شي بتحلمي فيه ؟ من شكل؟ لمضمون؟ كل شي يا ترى؟ :سوريا: |
أول شي تحياتي ألك وايت روز ....... سيلين كيفك .......
هلق بالنسبة للموضوع .... أنت نبهتيني على شغلة أنو بعمري ما فكرت كيف فتاة أحلامي لازم تكون .... يعني حبيت ومشي الحال وتركنا بعض ومشي الحال بس أنو في أوصاف معينة أو تفكير معين أوهيك شي ..... برجع وبقول أنو بعمري ما فكرت بهالشي .... ومرة تانية تحياتي ألك مع أني يمكن ما فدتك بالموضوع ... |
اقتباس:
بالعكس أنت فدتني كتير فعلاً هاد شي بحير منحب بدون ما نعرف أذا ها الشخص هو اللي بنحلم فيه بس يمكن في ناس كتار ما بيفكروا بها الشي وبهمون الشكل الخارجي و بس والحب متل ما بتعرف اعمى تاطرة ردود كتيرة لنشوف تجارب اكبر واحكي انا عن تجاربي اكتر :سوريا: |
أنا ما قصدي أني بهتم بالشكل الخارجي وبس ..... أكيد أسلوب التفكير كمان وداخلا شو للبنت
بس أهم شغلة ... أنو ما تكذب .... يعني تعمل يلي بدى ياه وممكن سامحا إلا الكذب ...... وكل الشكر على الموضوع الحلو ........ |
ما كان عندي شي أسمو فتاة أحلامي ..بس كنت حط ببالي أنو البنت الي بدي ارتبط فيها رح تكون مواصفاتها كذا وكذا ...
الواقع كان شي مغاير تماما ... والحب كان أقوى من كل التوقعات والأحلام .. لما وقعت بالحب ( غرقت تماماً ) كانت البنت الي حبيتها تختلف مطلقاً عن الشي الي كنت حاطو ببالي ... وصار النصيب ... ارتبطنا .. وكانت أروع مخلوق ممكن اتقابل معو ... وصدقاً .. مو لأنها خطيبتي وحبيبتي ....بس لو أني طلبت مواصفات شريكة حياتي ... مارح يطلع معي متل الواقع .. الحمد لله الله بعتلي اكتر من الي بستاهلو .. واكبر من احلامي بكتير |
شو هل سؤال طبعاً أنا فتى أحلام أي بنت
|
الله يرحمك يا كاملة..............ايييهههههه :pos: :pos: :pos:
|
اقتباس:
|
اقتباس:
انت فوق فتى الاحلام ولوووو |
انا انا انا انا .... التقيت بالشب الي كنت بتمناه...واول ما حكيتو وتعرفنا ع بعض وهيك...رجعت قول لرفقاتي واهلي..انو يعني لو كاتبه عريضة ورافعتها للرب ما كان بعتلي شب غير هيك الحمد لله... بس تركنا هلق.....
وبحب وجه تحياااااااااااااااااااااا ااااتي لصياد الطيور الغالي |
اقتباس:
اي بصراحة لائيت كل المواصفات يلي كنت احلم فيها لفارس احلامي بحبيبي:sosweet: وهيدي هيي الحقيقة |
اقتباس:
|
والله انا يا شباب
ماني حابب ولا بنت انا ماني ضدد الفكرة بس انا عندي رفقا بنات اكتيير واحيان انو امنعمل متل كانو حابين بعض على المزح يعني حبيبتي وحبيبي ومن هل حكي بالمزح وبلاقي البنت اكتيير بتغار يعني انا ما بحب حكي بينت وارتبط معا لانو بدا اتصير اكتيير اتغار واتعصب وقت احكي مع اي بنت من رفقاتي على سبيل الزمالي القديمي بيناتنا يعني بحس حالي مرتبط وانا بحب ضل طاير وحر بشان هيك لهلأ ما حكيت ولا بنت بس بتمنى تعطوني رأيكون بهل شي |
اقتباس:
أي اسمو أرتباط يعني خلص ارتبطت بكلشي صار في انسان معلق فيك الأرتباط صعب وبدو ناسو كيف يعني ناسو يعني شب يكون جدي بأرتباط مع البنت اللي خرطت مشطو والبنت شرحو بس بدكون رأيي خلينا طايرين أحلى:clap: |
من جهتي أوئيد فكرة الطيران على مبدأ الهوى طاير طاير .........
|
مو هيك بس القصة انو ماحدا بيستاهل
|
| الساعة بإيدك هلق يا سيدي 02:58 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون