|
اذا انعمل حظر ودخل باسم تاني
انو سؤال للادارة
على انو اساس شخص او عضو بياكل حظر بالمنتدى وبيرجع بسجل باسم تاني ومع هاد بينترك يشارك بالمنتدى؟؟ يعني طبعا دغري بالموضوع العضو مشتاق لسوريا هاد العضو اكلها حظر من فترة شي شهر بالمنتدى طبعا رجع سجل باسم تاني ودخل فيه الاسم "ابن سوريا" ومع هاد انترك يشارك بالمنتدى يعني ليش؟ ويا ترى هلق اذا انا سبيت اعضاء المنتدى وانعملي حظر وسجلت باسم تاني رح انترك شارك؟؟ :jakoush: |
" بدنا العنبات و ميت طز بالناطور "
|
معك حق ويللي
الفكرة من الحظر مو انو يضل محظور كل العمر و شغلة انو ينعمل كزا نيك نيم هاد امر مرفوض باخوية بس كتير صعب انو نضبط هالشي يعني مشتاق لسوريا صرح انو دخل باسم تاني، و اتفقت معو انو ما يعود يكبر بالحكي و هوي ملتزم بهالشي هلأ ازا عندك شي وصفة سحرية بحيث منصير نقدر نضبط هالشغلة ... منكون ممنونيك برجع و بكرر لما ينحظر عضو، بيكون حظرو لفترة مؤقتة و بعدها بيرجع بيقدر يشارك |
انو معلم للصراحة هالمخلوق ما حسيتو تغير ابدا
فيك اتابع ردودو يمكن ما عم يوصل لمرحلة انو يوسخ بس فيك تقرا ردودو وتشوف طريقتو بس ببالنسبة لانو ما يدخل باسم تاني معلم في طريقة بتقدر تعمل حظر عالاي بي تبع العضو بس بهالطريقة ما رح يقدر يشارك بالقاووش بالنسبة انو بيقدر يرجع يشارك بعد فترة اي لساتو الاسم القديم تبعو محظور |
اقتباس:
1- لأنو اغلب يللي بيدخلوا من سوريا بيفوتوا من نت كافيه الها نفس الاي بي 2- برامج تغيير الاي بي كل دقيقتين منتشرة اكتر من الفجل شغلة انو اسمو القديم محظور.. هوي طلب انو يبقى ع هاد الاسم و ما عاد في داعي يدخل ع هداك قمنا خلينا الحظر عليه شغال شغلة انو ما تغير بس بطل يوسخ مو المطلوب انو يغير تفكيرو و معتقداتو .. هي هوي حر فيها المهم يغير اسلوبو و هاد الشي يللي صار متل ما قللك النسر ... بدنا العنبات، شو بدنا بالناطور ؟ |
مو القصد انو ما غير معتقداتو
لا معلم انا مو هيك قصدي انا ما بدي ياه يغير معتقداتو بس لاحظ انو كل موضوع عم يشارك فيه عم يعمل مشكلة بس بالنسبة لشغلة الاي بي مرة بزماناتو اكلت حظر بمنتدى (يعني ضروري تخليني بلش فضايح هلق) وكان الانترنت عندي كل شوي بغير الايبي مع هاد وقت اكلتها الحظر ما عاد اقدرت ادخل عالمنتدى طبعا كانت الطريقة انو المنتدى لساتو مبين عندي وبقدر حط مواضيع وردود بس ما فيني شوف الاعضاء ولا المواضيع الجداد ولا الردود الجداد وطبعا الاعضاء ما بيقدرو يشوفو ردودي ومواضيعي يعني من كتر مو فهمان ضليت شي نهارين ادخل عالمنتدى وانا مو عرفان انو اكل حظر بعدين لاشتقلت |
اقتباس:
صار بدك الحكيم يشوف القصة انو يا زلمة نهارين و ما اشتلقت ؟؟ |
لك الله وكيلك وانا مستغرب انو ليش ما في حدا عم يدخل عالمنتدى
انو اوكي مافي مشاركات كتير بالعادة بس مو مافي بنوب اتطلع على محل الزائرين باخر 24 ساعة لعمى مافي حدا اوف شو صاير بعدين اشتلقت هوي مو اشتلقت اشتقلت بس كنت عم احكي مع واحد مسجل بالمنتدى وعم قول انو ليش ماحدا عم يدخل ويشارك قام قلي شلون ما حدا عم يدخل ويشارك المشاركات كتير قلت لعمى قام وقتها عرفت اما السبب بقلك بعدين |
| الساعة بإيدك هلق يا سيدي 17:17 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون