|
عريف مع مين عم تحكي ....
عريف مع مين عم تحكي........ جملة ربما تربَّت ونمت وترعرعت وتشرَّبت وتشبَّعت بها أبجدياتنا الحاضرة المعاصرة ألا وهي : " عريف مع مين عم تحكي ....!! " يا ساتر , ويا للأهوال والمصائب التي ستحل عليك وعلى الذين خلفوك ونفضوك وجابوك , إلى عالم أنت فيه جاهل لأهم قضية كونية , أنك لا تعرف مع " مين عم تحكي ..." حوادث كثيرة مرت , ووجوه تعددت , وتنـقّـلت بين المهدِّدين , و المهـدَّدين , بين حزب " عريف مع مين عم تحكي " والحزب الآخر , المُحاكَى , لكن ما كان يستفز قهقهاتي حين تتم المقارنة بين صاحبَيّ العلاقة , أنك قد تجدهما في سرفيس واحد , وانعكاس المكان والجو الذي لا يخرج عن نطاق الـ " أتموسفيرات " السرفيسية الجربانة الكحيانة , والتي تنقل مستوى المتلاسنَين , بين شخص ربما باخ لون ثيابه , إلى شعر فوضوي لم تزره المياه أيام عديدة , لأسباب أصيلة تتعلق على الأرجح بقذارة منبت المُهدِّد , ولعلها لأسباب تدرجت كي تصبح بديهية , كانقطاع و تـفـنُّـن بتقنين الطاقة إن كانت مائية أو كهربيّـة , ما علينا , المهم في الأمر , أنك تجد هذا المسخ الجربان " أبو حكة " , يهدد ويتوعد الطرف المسكين المقابل , بلازمة حفظناها تماما منذ الصغر , فأصبحت من أدبياتنا وآثار الصبا , فأنت تحفظ الفاتحة والمعوذات , وبابا بابا يومك طابا , دمت ربيعا دمت شبابا , و ماما ماما يا أنغاما , تملأ قلبي بندى الحب , و " عريف مع مين عم تحكي ...!! وسليمان العيسى طبعا ....!!! غير أني لا أتصور هذا الجاهل التافه الأحمق الذي يصرُّ على " التطويط " , يفكر ولا للحظة كي يطلق هذا التهديد العصري , فهو لو وازن الأمور بمنطقيتها , لوجد أن كل من يستمع إليه , وينظر لسحنته , سيبصق عليه ضمنيا , كون مظهره ومكان وجوده كاف لفضح من يكون , فكيف لا يخجل من قولته تلك الغبية , فيا إبن الحلال , أنا في سرفيس وفي وسط زحام مقرف , و أنت في المكان نفسه , أنا وأنت ندفع ربما ثلاث ليرات , أو خمس ضرّابات السخن , كي نصل مع طلوع الأرواح وشق الأنفس لوجهاتنا التعسة , فمن تكون يا هل ترى ..؟؟ هل السرفيس سيوصل مثلا سليل عائلة " بوربـون " لقَصْرهِ , أم ربما دوق وندسور لقلعته العامرة ..!!؟؟ الأمر ذاته يا سادتي وسيداتي , قد يتكرر في أمكنة متقاربة في شعبيتها من " فان " إلى مخبز , إلى طابور مثلا لإنهاء معاملة ما في دائرة حكومية ما , إلى عابر سبيل كاد راكب سيارة من الدرجة الثالثة أن يدهسه , ولكن هي سيارة حكومية أو تحمل لوحة يفرح البـغـل الذي يقودها لظنه أنه مدعوم مثلا , وما هو في الحقيقة سوى بالون لا يحمل إلا غازات فاسدة أثرت على دماغه الكديشي , فصورت له مثلا أنه سيد الكوكب فخرج من نافذة الـ " رولز رويس " كي يلقي بالجملة الشهيرة , فينتشي بأن الأسماع قد تلقتها بهيبة ووقار و خوف ووجل , إلى إلى إلى , من أماكن أصبح يعرف الجميع , أن مرتاديها هم من السواد الأعظم , والدهماء , و بعض الرعاع .... لهذا وذاك " عريف مع مين عم تحكي " ...... خـتــامي .........بسـلامي منقول |
والله شي نهفة ...
انته ضربت عالعصب الحساس ... أحلى شي ..هي لم تزره المياه منذ عدة ايام ...تسااااااالي :lol: مشكور ابو المجد ... :سوريا: |
والله معك حق عريف مع مين عم تحكي لكن
مشكور |
انت كتبت الموضوع هون .. ولك أول شي عريف مع مين عمتحكي بعدين تعا ..
رهيب الوضوع مان .. بس شو مشان الموضوع واقعي كتير .. إنو مثلاً بعلق أنا وواحد ما بسمع غير هالجملة .. بس لازم الكل نتفق على جواب واحد لهيك جملة .. منشان ما عاد نسمعها أبداً .. هاتو لنشوف شو رأيكون ممكن يكون جواب هيك جملة ؟ |
الجواب ...
لأ ما بدي اعرف مع مين عم احكي وروح خرّ** 8) |
:lol: بظن أحسن جواب " عم أحكي معك " :lol:
أنو أكيد يعني |
أنا بحاول يكون ردي متل رد ماهر .. بس بحاول كمان كون كتير كوول , و هالشي بعرف إنو رح يجننو لهاد الشخص المحموق اللي لازم أعرف أنا إني عمبحكي معو .
|
اقتباس:
اسمو مجد مجدددددددددددد :p الموضوع بيجنن شريكي وصحي انا ولا مرة حدا قللي \قالتلي عرفي مع مين عم تحكي بس عنجد بنفلق لما بسمع الجملة واحسن جواب متل ماقلت " معك " |
اقتباس:
:clap: :7asheesh: :7asheesh: اقتباس:
عرفانة حالك مع مين عم تحكي وللا لاء ؟؟ :adal: |
أيه عرفو كلكون مع مين عم تحكو ...... أغي ......... مشكور حبيبنا موضوع حلو ...
|
اي عم نحكي مع ناس كتير كبار ( اعضاء ومشرفين اخوية ) شو لكـــن
هيدي الكلمة ما منقولا لبعض هون منقولا لناس بريت المنتدى وعرفوا مع مين عم تحكوووو |
اقتباس:
وبعدين بيكون بلش الضرب ما رح كمل بقية الحكي لأنو عيييييييييييييييب................ ...... :adal: :jakoush: :adal: :jakoush: :adal: :jakoush: :adal: :jakoush: :adal: :jakoush: :aah: :aah: :gem: |
اي شي بهوي منك الو الو الو الها الها الها
لك انا اللذي اعرفو مين انا |
مين انت الي ؟؟!!!
|
ما عرفتي مين انا؟
|
لا والله ما عرفت شي مهم يعني؟؟؟
|
اكيد مهم شو ببالك لكن؟
بجي بجم واحد وفي مني على الوان |
اقتباس:
|
| الساعة بإيدك هلق يا سيدي 12:59 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون