العسكرية يا أمي , السفر يا سلام
 

والله انا برايي الخاص أنو مافي مكان بالكون بيحافظ على كرامة الشخص قد بلدو واهلو وناسو غير طبعا ازا كان مضطر للسفر من جراء اسباب اضطرارية من حالة مادية أو معنوية أو مشاكل مع الدولة أو هربا من شيء ما ......................
طبعا هذا رايي وانا واحد الناس ما بتفرق معي العسكرية ان كانت سنتين و لا أربعة مع اني لهلق مامعي مصلحة أو شهادة اشتغل فيا بعد العسكرية يعني (((لسا ما امنت على مستقبلي ))) لذلك ما عندي مشكلة بعدين يا اخ نادر اللي قاعد بين اهلو وناسو سنتين أحسن من اللي هربان سنين بعيد عن بلدو وطبعا كل هالكلام بكون تسطير حكي اذا كان الشخص نفسو مو مقتنع فيو :D :D :D :D :D

تحياتي لك ولكل عساكر سورية :D :D :D

والله يا نادر شو بدي الك ما عارف .. بس أنا برأي الخاص خدوم بلدك لأنو بالأخير بلدك بحاجي الك ولغيرك فاذا كل واحد بدو يهرب من العسكرية مين بدو يخدمها؟؟

كاكابودا انت عيني

اذا كل واحد بدو يهرب من العسكرية مين بدو يخدم ؟

بس السؤال ليش كل واحد بدو يهرب من العسكرية؟

انا فيني احكي عن حالي...اذا انا خلصت دراسة عمري 24 سنة و حملت حالي و رحت ع العسكرية و قضيت سنتين ( و حالياً صارو سنة ونص بالنسبة الي ) يعني بطلع من العسكرية عمري 26 سنة ...بس بطلع كيف و لوين ؟
يعني بعد ما الواحد يخلص دراسة بكون عندو شوية اندفاع و طموح و انو بدو يعمل و يشيل و يحط ....بتجي العسكرية فترة دمار شامل للشب ...سنتين اضافيات بتكون خلالن غير منتج و اهلك عم يصرفو عليك .
و اذا كان في قدامك طريق تاني ....انك تسافر ...على امل انك تدفع البدل ...شو بتعمل ؟ بتسافر و لا بتخدم عسكرية ؟

المشكلة مانا بالعسكرية بحد ذاتا المشكلة بوضع اجتماعي اقتصادي عام عم يحول العسكرية لمشكلة كبيرة بحياة الشب .

but u r not servicing ur country

u r servicing the big generals

:jakoush:

:D :D :D

والله حكي مظبوط يا أبو نهلة أنت عيني ...خليها بالقلب تجرح ولا تطلع لبرا وتفضح