|
العسكرية يا أمي , السفر يا سلام
مرحبا يا شباب و يا صبايا
بعد غيبة بدي سلم عليكن بدي اطرح موضوع السفر ليش كل الشباب بهالبلد الحلوي بدهن يسافرو و أنا واحد منهن :o مع انو المعيشة عم بتتحسن و الأمور للأمام أنا واحد من هالعالم بدي سافر لأنو بدي أهرب من الجيش مع انو صارت العسكرية سنتين بس و لكن صعب على الكتير مننا يضلو مزلولين سنتين مو هيك و يلي عندو جواب يأنقذني :D :D :D :D :D |
العزيز نضالو الهرب من البلد هوي نتيجة الخوف من المواجهة لأنو كل الشباب حاسين في شي غلط وحاسين بالظلم بس مو عم يملكو الجرأة لحتى يحكو ..وللآسف عم يكون خوفهن من الكلمة أكبر من حبهم للوطن .. بتمنى تكون فهمت قصدي تمام .. :D :D
|
رأي...
انا واحد من الشباب اللي ما خدمو عسكرية ومش خوفا" منها ولاتهربا"...بس حسبتها ولقيت اني ضيع شغل سنتين ونص أو 3 سنين واتقدم بمصلحتي وشغلي أحسن ما أقعد عالة على الجيش وع أهلي ...وخليهم يصرفو عليي ...عم قول عالة عالجيش لانو هالسنتين وتص متل ماني شايف ما عم يقدمو ولا يأخرو ...وسنة ونص بيكفو وبزيادة الواحد يتعلم كيف يمسك سلاح ..خصوصي انو بلدنا اكتر شي بحاجة بهالوقت انها تتطور من جوا وهالتطور ما بيصير الا بالعلم والمعرفة والجدية ومتل ماني شايف هون ...وبسوريا كمان شبابنا مش ناقصو شي ...ناقص هالكم ختيار اللي مسلمينهم أغلب المؤسسات بالدولة يطورو حالهم أكتر ..واذا مش قادرين يفتحو المجال لغيرهم...وبرأيي انو الاحتكاك مع الخبرات الاجنبية والسفر بالاخص أكتر شي ممكن يخلي البني آدم يتطور فكريا" وتقنيا"...يعني بحس أحيان أنو بسوريا بيعرقلو هيك أمور بأمور تافهة متل الروتين والمحسوبيات والواسطات...واذا قلت انو بلدي غني وين ما يروح كل هالخير اللي فيه ...بيقلولك ميزانية الجيش...ووقت بتشوف وبتسمع كيف عم تنسرق المؤسسات الحكومية بتتعجب....يعني ليش !!!!!!!
والله ياشباب :لوتركض ركض الوحوش غير رزقك ما بتحوش.... |
الله يسلم هالتم يا ابو رفيق ... يعني أنا حالي مو متل حالتك ... كمان كولاياتنا بالهوا سوا ... بس شو العمل يعني متل ما قلت الواحد بدل ما يجمد حالو ماديا و اجتماعيا و نفسيا و علميا ... لأ و موبس بيجمد حالو لأ و بيرجع لورا كمان و ما بيتعلم غير الكسل الذهني و النفسي ... فاللي بيصيرلوا فرصة و بيختار السفر و الغربة ... و صدقوني ماحدا بيعرف معنى كلمة الغربة غير اللي بيعيشا ... بس الشي اللي بيهون الغربة هوي انو من اول لحظة بتدوس فيها ارض الوطن انت و جاي بشي زيارة ... بتحس بالفرق يعني اللي بيهون الغربة هوي انو واحدنا مانو مضطر يفوت على شي دائرة حكومية و يعمل شي معاملة ... تخيلو معاملة تجديد جواز سفري جمعت 146 توقيع ... والله لو قانون بالامم المتحدة ما كان هيك هادا غير الدوارة من دائرة لتانية و تضييع ايام الاجازة المعدودة بالدوائر الحكومية العطرة ... خلوها لألله ... إلا ما تنحل
|
|
لا توخزوني يا جماعة هادا انا اللي كونت عم رد ع أبو رفيق .. اللي ساكن معي بنفس البيت ... بس الاستاذ نسي يعمل ساين أوت ... و رديت أنا باسمو هوي :
الله يسلم هالتم يا ابو رفيق ... يعني أنا حالي مو متل حالتك ... كمان كولاياتنا بالهوا سوا ... بس شو العمل يعني متل ما قلت الواحد بدل ما يجمد حالو ماديا و اجتماعيا و نفسيا و علميا ... لأ و موبس بيجمد حالو لأ و بيرجع لورا كمان و ما بيتعلم غير الكسل الذهني و النفسي ... فاللي بيصيرلوا فرصة و بيختار السفر و الغربة ... و صدقوني ماحدا بيعرف معنى كلمة الغربة غير اللي بيعيشا ... بس الشي اللي بيهون الغربة هوي انو من اول لحظة بتدوس فيها ارض الوطن انت و جاي بشي زيارة ... بتحس بالفرق يعني اللي بيهون الغربة هوي انو واحدنا مانو مضطر يفوت على شي دائرة حكومية و يعمل شي معاملة ... تخيلو معاملة تجديد جواز سفري جمعت 146 توقيع ... والله لو قانون بالامم المتحدة ما كان هيك هادا غير الدوارة من دائرة لتانية و تضييع ايام الاجازة المعدودة بالدوائر الحكومية العطرة ... خلوها لألله ... إلا ما تنحل |
والله أنا تركت حمص العزيزة وقت كنت صف حادي عشر يعني عملت العاشر وسافرت أنا وأمي وابي واخي وبعد 9 تشهر من أقامتنا بأميركا أكتشفنا أنو العيشة ما حلوة ومارح ننبسط فرجعت أمي وأخي ,انا قول رجعت بس شهر زيارة والسبب الرئيسي و الوحيد لمغادرتي للبلد هو أنو كتير صعبي البكلوريا والجامعات ما كتير منيحة يعني بالمشرمحي من شان الدرس وبس خلص درس رح ارجع على حمص العزيزة لأنو ما في شي عم يزعجني لا انا ولا اهلي وتوتي توتي خلص الحتوتي :lol: :lol:
|
والله يا أبو اللول فكرت صاير معك انفصام بالشخصية :shock: :shock: :shock:
|
ههههههههههههههههههههههههه
والله يا حسومي هيدا آخيل ...بس ما بعدت لانو انا أحيان بتوش معي الحكاية شوي!!!!!...
|
اقتباس:
:D :lol: :lol: |
هاي يا شباب
رح تقولوا انا بنت و مو حاسة فيكون بس الغربة مو سهلة كمان و يمكن تكون اضرب من العسكرية ما عم حبط من معنوياتكون بس راي بسيط و كمان ما في يا امي ارحميني بالغربة :oops: |
و الله ياشباب أنا وحد من العالم يلي خدمت العسكرية و شفت
بنصح كل واحد بيحسن يسافر ما يستنا لنو العسكرية كمان موبس زل و بتلاقي حلك مضطر تصرف على الجيش كمان مو الجيش بدو يصرف عليك اله يستر من هل الحكي :mrgreen: :mrgreen: :mrgreen: |
والله يا أبو بسيم معك حق بس كمان يا أخي الذل بالبلد أحلى من العز بالغربة .. :D :D
|
ايه بس يا دوموزيل رند صحيح انو ما في يا أمي ارحميني بالغربة بس على القليلة عم تشتغلي بكرامتك
و صحيح انو عم تتعذبي بس بالنهاية كلو راجع الك و لمستقبلك صح شباب |
اقتباس:
بقى مرتاح من هالهم نشكر الله.... بس بسمع من الشباب رفقاتنا انو العسكرية مانها نصيحة بنوب :P بس مع هيك انا من راي رند انو الغربة كمان صعبة كتير وياما ذلت عالم ..... هاد غير انو الفرقة صعبة كتير يمكن انا ما متغرب .... بس يمكن لانو الغربة اخدت مني اغلى العالم ع قلبي ... منن رجع :hart: :hart: ومنن بطلطل عالبلد بين فترة والتاني ومنهم يا جبل ما يهزك ريح :( اما العسكرية في امكانية الواحد يظبط حالو :oops: ..... بزيدو حبابو ..... وعين الله عليه :lol: :lol: |
أنا ما عندي عسكرية وأذا حد سأل عني أنا ماني هون وما حد بيعرفني أوك....
بــــــــــــــــــــاي :mrgreen: |
أأأأأأأأأأأأأأأأأأأأأأأأأ أأأأأأأأأأأأخ من العسكرية ... يا الله شباب طولو بالكن كلها سنتين وبتمضى ... أأأأأأأأأأأأأأأأأأأأأأأأأ أأأأأأأأيه...بتهون :D :D
|
اقتباس:
|
| الساعة بإيدك هلق يا سيدي 01:03 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون