|
متى يا حكومة سترحمين الطلاب
الموضوع متعلق بجامعة الوادي الخاصة التي افتتحت هذه السنة وشاهدت اقبال متميز على كافة الفروع الموجودة فيها وهي الهندسة المعلوماتية وهندسة العمارة وغيرها من فروع الدراسة المتميزة وهذه الجامعة تعتبر الجامعة التوأم لجامعة المانية فكل شيء باشراف الالمان بمساعدة اهالي الوادي
المواد التي كانت تدرس كانت باللغة الانكليزية ويدرسها دكاترة من كندا وكان الامتحانات ستجري في المانيا والشهادة التي ينالها الطالب شهادة دولية تخوله للعمل في اي دولة في العالم ولكن اللذي جرى ان حكومتنا المصونة وضعت يدها على الجامعة وبدأت بفرض شروطها على الالمان وكان من اول الشروط تنزيل مادة الثقافة ضمن المواد التي تدرس طب يا اخي طالما نحنا درسنا الثقافة من الاول للبكالوريا ليش اسا ملاحقينا فيا يعني شو الشي اللي صار جديد وبيستاهل انو ينضاف على كتب الثقافة غير شوية علك وزعبرة واكل هوا الشرط التاني ان يكون رئيس الجامعة سوري وليش الماني ولماذا هاذا الشرط لا احد يعرف الشرط التالت ان يكون ضمن الدكاترة دكاترة سوريين مع انو معروفين انن مو قد المستوى بس هيك الشرط اضافة الى رفع التكلفة الى الضعف تقريبا وهنا يخطر في البال سؤال الى متى ستبقى الدولة تشجع العلم في الظاهر وتلعن سما الطلاب في الباطن؟ الى متى ستبقى مادة الثقافة تعلم في الجامعات وفي المدارس ؟ الى متى سيبقى طالب البكالوريا السوري يعيش رعبا حقيقا كلما اقترب موعد نتائج البكالوريا ورعبا اكبر عند اقتراب النتائج ؟ الى متى ستبقى الجامعات السورية الحكومية حلم عند الطالب السوري ؟ الى متى ستبقى الدولة تدمر احلام الشباب الذين عاشو سنين وهم يحلمون بتحقيقها ؟ والى متى والى متى .............................. اسئلة كثيرة لكن هل من جواب |
السؤال
الى متى رح اتضل الجامعة مفتوحة بوابها |
وفي مشكلة تانية الي هيي تعديل الشهادات الي كانت اختي ضحية لالها
اختي اسم اله عليها جابت معدل يؤهلها لدخول كلية الطب البشري لكن لما رجعت لسوريا للتسجيل بالجامعة "جامعة دمشق" عدلولها الشهادة ونزلولها المعدل قال لانو مو دارسة بسوريا لحتى طلعلها كل الفروع الا الطب البشري ... قمنا بوجهنا عالجامعات الخاصة ... |
ولك شو هل االاجراءات المعقده هي
اشو نحنا عم ندرس بجامعة ليستر ولا جامعة همبورغ وبعدين شو قصة تشجيع العلم بالظاهر وسخط الطالب بالباطن ليكون الاسئلة صعبة بالنسبة النا ما في بعد تدرسينا بضلوا ينجحوا الطالب تلقائي للتوجيهي يعني (للبكالوريا) بعدين بلعنوا سماه على المفتوح هيك الانظمة كلها خيو مو بس عندكن تحياتي / ابو الشد |
اقتباس:
بلا سوريا .. بلا وطنية .. وبلا قصة "حنّيت " وبدي ادرس هنيك ... وجملة ( لانه مو دارسة بسوريا) .. عنجد عنجد زلّونا فيها ... يعني كانه الواحد ما بيطلع فهمان الا اذا درس بسوريا !! .. مع انه وقت شفت المنهج لقيت في نسبة تشابه كبيرة .. بس بيبقى الفرق باسلوب الامتحانات ... بسوريا تعجيزية .. ببقية الدول عاديّة ... !!! |
اقتباس:
إذا حجب البقر على قرونها ههههههه دمتم هذا ترن |
شو قصدك يا \\\
لك اااخ لا حدا يجيب سيرة البكالوريا مرة كنت عند استاذ الرياضيات لما كنت بكالوريا من شي 5سنين بتعرفو شو سالتني مرتو حبيبتي انتي انو سنة بكالوريا اولى ولا تانية قلت لحالي لعمى شو البكالوريا اللي بتفزع اكتر من افلام الرعب |
اي علة زمة رفيقي بكلية الاقتصاد بجامعة تشرين
قلن عميد الكلية نحنا مإلنا مصلحة نخرجكن بسهولة منينبدنا ندبرلكن وظائف بالدولة وآخر شي صار معو انو قدم مادة العربي ولما عميشوف شو صار فيها بعد سنوات من العزاب قلولو ياحبيبي انت مو قدم المادة |
اقتباس:
هذي توقعاتي دمتم بهذا ترن |
[quote=the_sea]اي علة زمة رفيقي بكلية الاقتصاد بجامعة تشرين
قلن عميد الكلية نحنا مإلنا مصلحة نخرجكن بسهولة منينبدنا ندبرلكن وظائف بالدولة وآخر شي صار معو انو قدم مادة العربي ولما عميشوف شو صار فيها بعد سنوات من العزاب قلولو ياحبيبي انت مو قدم المادة[/quote تنويه للعلم فقط انو العميد المصون تبع كلية الاقتصاد \ تشرين مو دارس اقتصاد وانما علوم سياسية شفتو وين بعدنا:aah: |
اقتباس:
لانو ما في شي بيدوم |
[quote=reme]
اقتباس:
اي منيح مو حاطين واحد عل سرتفيكا |
اقتباس:
بعدين بيمشي الحال |
يعما
علوم سياسية ؟؟ هي الخبرية حقا مصاري |
| الساعة بإيدك هلق يا سيدي 22:49 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون