|
واحد بدو ينقي عروس
واحد بدو ينقي عروس الله يخليكي يامو بدي ياكي تدوري لي على بنت حلال شنو عم فكر اتجوز لك تئبرني يا ابني عالخبرية الحلوة بس إلي شو بتحب تكون مواصفاتها بدي ياها بنت حلال ومن عيلة مستورة عمرها مايزيد عن 19 سنة بدي ياها صغيرة وفرفورة وطولها 160ومابدي قصيرة نخلها ولا طويلة نطلها عيونها خضرا وفتحتهم كبيرة وبدي شفايفها رقاق مابدي برطيما كبار وتكون بيضة شىء اللفت ما بدي ياها سمرا مكلوحة رقبتها تكون طويلة وكتافها جالسة ما تكون حدبا ولا جدبا وجسمها ملفوف لف مو سمينة ومكرفشة متل الضرف وشعرها أشأر طويل مو مكزبر وأصير. ويا اخوانا وبعد صولة وجولة ما لأوا أهل العريس طلب ابنهم بهالمواصفات التعجيزية. ألت الأم لإبنها : ولك يا ابني تئبرني والله هلكت وما كنت لاقي وحدة تعجبك لك شوفيها إذا كان عمرها 20-22 إذا كانت حلوة وإذا كانت قصيرة شوي لك يا ابني كل البنات الكعب بطولهن والله العيون الخضر حلوة بس كمان تئبرني في كل عين سودا بتجنن والعسلية من شو بتشكي الأنف والتم مو مشكلة المهم وشها بشكل عام بيضحك وبيحكي والله في كل سمرا شفناها بتاخد العقل وشعرها أسود وقصير وناعم متل الحرير. ومن كتر ماجادت الأم في مدح وشرح وتعبت المسكينة من اللف والدوران واللبس والشلح أتنازل الولد ونسي الولد شوكانت مواصفاتو وصار بس بدو العروس تملا حياتو. وبلا طول سيرة صار النصيب ولك دخيل الله إذا كل واحد بدو البيضة يعني السمرا منرميها بالشارع. سبحان الله كل واحد بدور على نصيبو وبلاقي مافي أحلا منو ومن هيك آل دريد لحام (بعيونكم لا تشوفوها لك شوفوها بعيوني) وسؤالي هون لكل المتزوجين هل مروا بهي المرحلة يلي عرضتها بهالشكل ولا أنا عم كش حمام وصار لازم قوم نام ؟ ؟ ؟ ؟ |
:clap: merci mounaji ala lmawdou2
:p ana mosh mzawja yaani mosh rah arodd8) |
بس هدا الموضوع بفيدك لأنك انت بدك تتزوج
عاجلا أم أجلا |
بربك موضوعك التانية لاقيلو اصغر من هيك خط..............ليش هيك مكبرو اسراف هاد اسمه يا رجل...
|
اقتباس:
اي والله عنجد يعني ما بصير هالقد زودتها اذا بتريد يعني شي ومنو حاجي كا كلمة أد البطيخة مش سامع "وكلوا واكتبوا ولا تسرفوا" :? |
شايف بالله يا حمووز قلو قلو............
يا حبيب يعني كل كلمة بدها مونيتور لحالها خف علينا...........! |
شو عم يصير هون
|
ولاشي سلامتك..............
|
الله يسلمك
|
شو صار مين اجا ولد ولا بنت ولا شو القصة مين بدو يعيش ؟؟؟؟؟؟؟؟؟؟؟؟؟؟؟؟؟؟؟؟
|
ولي عليك..............
روح نام..............! |
يا اخوانا شوي شوي علينا اولا الخط صغير
لحتى افحص نظركم لأنو اللي بدو ينقي عروس لازم يطلع بعيونها ويشوفها حاطة عدسات ولا لونها طبيعي ولازم يشوف وشها معبا سيلكون ولا فاضي ولازم............. ولازم............. ولازم............. ولازم............. ولازم............. ولازم............. فلهيك فحصت نظركم حتى ما تنغشو وتوعو طب على خندق رقبتكم ولك روح شايفلك:clap: :clap: :clap: نصيبك بدو يصيبك:clap: |
shaklak intadart lahatta ykber khattak
ytrabba f eizzak:lol: |
اقتباس:
الله يرضى عليك كتوب بالعربي لأني ما فهمت عليك ولا كلمة |
المووع كتير حلو بس ما حدا اخدو جد بس والله صح اللي بدو امو تخطبو بصير بدو يطلب ويطلاب لانو مو فرقانةمعو عروس والسلام، وفي بنات هيك مابعجبا العجب يعني كل واحد بطالع بانفو عودةعلى هاداعندو كرش , هادااصلع, هاداكتير طويل, قصير,اسمر, ابرص، كراسي خدودو عالية,
بس اا ذا شب عندو كل الصفات السابقة مجتمعة ومريش بصير احلى واحد |
بتوقع طلباته كتير خفيفة
|
"كلوا واشربو ولا تسرفوا " هادي اية مابجوز التأليف فيها الله يرضا عليكم
|
| الساعة بإيدك هلق يا سيدي 07:49 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون