|
على راسي يا معلم
بسوريا بامكانك أن تصف أي انسان بالمعلم ...
حتى لو ماكنت بتعرف اسمه ... كلمة معلم بتنوب مناب الاسم !! يعني الشخص العادي معلم و الحلاق معلم و المكنسياني معلم و شفير التكسي كمان معلم !!! صغار رجال الامن بينادوا رئيسهم بالمعلم ...يعني واحدهم بيقلك عندي مناوبة ببيت المعلم (المعلم هون بيكون رئيسه يعني ضابط بالجيش مقدم او عقيد او مافوق ) نواب الوزراء بينادوا رؤوسائهم الوزراء أيضا ب المعلم و الوزراء بينادوا رئيس الوزراء بالمعلم و كمان كبار القادة العسكرييين بينادوا الرئيس ب المعلم !!!!!! الوحيد يلي مابينادوله المعلم هو معلم المدرسة لانه اسمه (استاذ ) !؟!؟ و الاستاذ بالعسكرية لها معنى غير لائق ... بالجيش المقابل المعنوي لكلمة استاذ هو الحمار أنت أكبر قدر .... كلمة معلم تجاوزت معناها اللغوي و صارت ثقافة و مؤسسة او فرع مخابرات ... لان البعض قد يهددك بالمعلم كانه عما يهددك بالشرطة او البلدية .... يعني اذا صار شي خناقة و حدا اجا فك الطرفين بتلاقي واحدهما عما يقول للثاني بفرجيك للمعلم ... و الاول اذا كان مدعوم بيرد عليه بنفس كمية الحقد لا أنا يلي بدي فرجيك للمعلم .... علما ان المعلم الاول غير المعلم الثاني .... و يمكن الشغلة تكبر و يتواجه المعلمين الاول والثاني ... و من حسن الحظ ان المعلم مابيرضى لحدا من تحته بالاهانة ... كرامة يلي تحت امرته من كرامته و هالمبدأ هام من مبادى ( الثقافة المعلمية) لذلك حتى تكون باّمان واطمنان و راحة بال لازم يكون عندك معلم !@!! المعلم مابيقبل الخطأ و لا الهفوات ما بامكانك التنبؤ بردة فعل المعلم ...... يعني قد يمسح واحد من على وش الارض لسبب تافه جدا .... و كمان قد يمنح مكافأة ضخمة لشغلة أكثر تفاهة !!! من صفة المعلم مزاجه متقلب .... يمكن يضحك لما بتتوقع منه ان يغضب و قد يغضب لما بتتوقع منه ان يضحك ... لذلك يلي حواليه لازم يكونوا جاهزين لكل شيء ... المعلم ماعنده صفاء ذهني ... ليش لانه يقضي الليل سهران عما يفكر وقد يخرج ليلا دون مرافقة أحد , هالتصرفات هي بتحوله الى معلم خيالي ( شخص خيالي ) بيساوا عليه قصص واسطورات و أقوال و أفعال و يمكن يتحول لاسطورة ( بس لانه طلع بدون مرافقة و تجول بالطرقات العامة ) المعلم رجل عائلي لابعد الحدود ....... لانه بيشرك زوجته وأولاده و أبناء منطقته في كل ماتحت ( معلميته) و عائلته مابتقصر بالتصرف على حساب معلميته و هيك بتزول الاسماء تبع العائلة و المقربين و يتحول الأبن الى أبن المعلم و الأخ الى أخو المعلم و الزوجة الى "مرت المعلم" أما العشيقة فهي "صاحبة المعلم"... وهيك و طبعا كل هؤلاء الهم نفس حقوق المعلم في حال عدم وجوده .... و يمكن للمعلم ان يفوض أحد الاقرباء بصلاحيات معلم ... و هون بينقال لها الشخص المعلم الصغير ( كلمة صغير هون ليست اهانة فقط للتفريق بينه وبين المعلم الكبير ) و طبعا قد يتغير المعلم و يروح على المنفى او السجن او الى بيته و بيجي معلم جديد و مابيتغير شي كل شي بيبقى مثل ماهو و قد تحتار كمراقب محايد ليش راح هداك المعلم و اجا هاد المعلم و كلاهما معلم أخو أخته ؟؟؟!!! تبقى ارادة المعلم التي لا تعلوها ارادة ...و التي يجب تنفيذها حتى اّخر قطرة و مهما كلف الامر و اذا حدا اعترض او تذمر على هالارادة بيكفي تجاوبه بشكل مختصر و مفيد و تفحمه و تخليه يسد تمه ....... هيك بده المعلم 8) هذا الموضوع وصلني من المعلم .. |
اي على راسي المعلم
|
والله معلم.............ملعوبة..........مشك ر
|
وفي كماان احلا شي انو يلي ما بتعرف اسمو بتناديلوو ابو حمييد
وعرااسي ابو حمييد على هالموضووع |
ع راسي معلم ع الموضوع
بس والله أكبر معلم نهايتو متل أزغر معلم كلن ع التراب فليش بقى الواحد ليشوف حالو و ينفش ع الناس ما كنت افهم فأنا شايف انو المعلم اللي انت كتبت عنو ما بيفرق شي عن الاستاز بالعسكرية (الجيش)... مرة تانية يسلمو هالأنامل معلم :gem: :adal: |
ميرسي رامي ..
مارح قول معلـــم لاني عرفت اسمك ... :سوريا: :سوريا: :سوريا: |
شكرا يا معلم
|
ميرسي تيتشر ....:lol: :سوريا: :سوريا:
|
أهلين بالمعلمجية كلهم ,, و شكرا لردودكم
|
اي والله شو بدك بالحكي
انا بقول للكل معلم مع انو انا معلم الكل |
اقتباس:
مشكور معلم ع الموضوع:سوريا: |
و الله معلوبة يا معلم
|
| الساعة بإيدك هلق يا سيدي 22:48 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون