نحنا شباب ولا
 

منذ شهر عرفني اخي الصغير على هذا المنتدى فشاركته به كي ارى هل تغير اخي بعد هجرته ام ماذا ؟
فكان الجواب جميل انه لم يتغير
ولكن خلال مشاركتي ب المنتدى لاحظه وجود اكثر من عشرين شاب وشابه يشتركون ب المنتدى بكثافه كبيره حتى انهم يمضون قرابه 8 ساعات
على النت
المشكله كانت ان هؤلاء الشباب تتراوح اعمارهم بين 16-25 عام ويمضون هذا الوقت في المنتدى
فسالت نفسي اين هم من عباره (الشباب)
لانه في راي وكما فهمت هذه المرحله واعيشها الان الشباب هو(الحركه- الرشاقه-الاخطاء- المتاعب-الحلول المؤقته-المشاركه- السفر-التعارف)
باختصار مرحله مليئه بالحركه
فانا عندما اجلس 8 ساعات او اكثر في المنتدى اكون قد استهلكت وقتي كاملا
هذا لايعني انا المنتدى غير مفيد فهو عرفني على عدد من الاصدقاء
لكن لا اظن ان هذيه الفائده تقارن مع 8 ساعات من وقت الشباب
ربما ينفع في الاعمار المتقدمه لكن الان لاء
انا اتمنى من الاخوى فهم موضوعي جيدا لانه معظم الاعضاء هم طلاب وخاصه (الاخوه طلاب الشهادات )
اما عن الاخوى المغتربين فيجب ان يبنو لهم علاقات في مجتمعاتهم الجديده (willi) المنتدى جميل لكن في هذه الفتره من الحياه الصداقات والاخطاء والمشاكل اهم بكثير

وعلى قوله الست فيروز
ديما بالاخر في اخر في وقت فراق :cry: :cry: :cry: :cry:
باي

انا بفهمك يا طوني وبوافقك الراي كمان
يعني الانسان لازم يعيش حياتو خاصة في
مرحلة الشباب

:pos:

هوي يا معلم معك حق نحنا (او انا بشكل خاص) عم نقضي وقت كبير عالانترنت
يعني عم بدي المنتدى عن كتير شغلات
يمكن هالشي غلط
بالنسبة الي مقرر اني خفف
بس مو جاي على بالي
ما بعرف شو بدي الك
انا للصراحة وقت عرفتك عالمنتدى كنت متردد لان كنت عرفان انك رح تصير تدخل عليه كتير
وما كنت حابب علقك فيه والهيك عن درسك
بس طلع عقلك كبير
ماني رح قلك خليك لان بعرف انك لو مو شايف هالشي هوي الصحيح ما كنت عملتو
موفق معلم

والله معك حق ابو الطن
بس والله انا لو مااعدت ع الاخوية شي سبع ساعات عم حس في شي عم ينقصني هلا اذا مااعدت بس كل ساعة بدي فتلي شي خمس دقايق (سوسة) مابقدر
بس شو نعمل لازم نحاول نخفف شوي
بس بعتقد انو صعبة

بس الله يوفقك ابو الطن:سوريا:

ام الرور مو صعبة
بس نحنا ما بدنا

يعني انا كنت ادخل على مواقع غير اخوية
وكنت قول انو ما بقدر اتركهون
بس لما تعرفت على اخوية
تركتهون لان انا هيك كان بدي
يعني لو بدك مو صعبة

بالنسبة الي اني قلك بدي اترك لا انا ما عندي رغبة اني اترك

يمكن
او مو يمكن صح معك حق
بس مثلا اللي بشوف حياتي او حياتك او قلك رح احكي عن حياتي
مافيها شي غير هالدرس والشغل والنت

لان نحنا ما بدنا غير هيك
او ما عم نحاول نعملها غير هيك

بخصوص النت ...
أنا من الأشخاص اللي حياتي كتير مزدحمة قصص .. ومشاريع وأنا معك أنو كتير بس في وقت ضايع بالنهار .. وقت ألك وقت ببساطة ما تعمل فيو شي .. يمكن 8 ساعات كتير وخاصة أنو عم تكون من ساعات نومي وعم تأثر على نشاطي بالكلية ...
بس لازم أنا كون مسيطرة عهالموضوع ..
وبخصوص العلاقات .. في علاقات بتنشأ كتير حلوة .. بس ما بتغنيني عن رفقاتي
طوني انا معك أنو الوقت اللي عم نعطيو زيادة ... بس أنا بشوف أنو مو القضية دخلنا أو لأ
القضية أنو عم نقدر ندخل وقت بدنا وما ندخل بالوقت اللي بدنا ياه ولا هالموضوع سيطر علينا ؟؟؟