أخوية

أخوية (http://www.akhawia.net/forum.php)
-   القصة و القصة القصيرة (http://www.akhawia.net/forumdisplay.php?f=17)
-   -   خربشات واحد يئسان من الدنيا (http://www.akhawia.net/showthread.php?t=29102)

Willi 16/02/2006 08:22

خربشات واحد يئسان من الدنيا
 
هاد بزماناتو كان في واحد حابب الدنيا كتير او يمكن كان عم يتناسى مصايبها وعم يقنع حالو انو يحبها
كان ماشي بالطريق هوي وعم يفكر ويحكي مع هالدنيا وينكت معها ويمزح معها
بس الزلمة كان معمي قلبو بالتنكيت مع هالدنيا وما انتبه قدامو حجرة صغيرة
الزلمة دعس على حجرة اتفشكل بس سند حالو بجزع شجرة صغير كتير ,قال عادي بتصير باحسن العائلات.
تاني نهار كمان مشي بنفس الطريق ونفس الشي كان عم يضحك مع هالدنيا وينكت معها
قام اتفشكل بنفس الحجر بس كمان اتسند بنفس جزع الشجرة, كمل طريقو على اساس الدنيا ما خلصت عند هالتفشكلة
بس بعد شي خمس دقايق حجرة جديدة كانت بالطريق اتفشكل فيها وسند حالو ومشي.
قرر يغير طريقو (اكيد مو بسبب الحجرتين لان ما كان قابضهون جد)
بس حب يغيرو
نفس الحكي بالطريق التاني
كانت حجرة جديدة بانتظارو بس نفس الشجرة وجزع الشجرة الصغير كانو موجودين واتكرر معو الحادث نفسو, عم يضحك مع هالدنيا قامت الدنيا عملت فيه نفس الشي وخلتو يتفشكل بهالحجرة
الزلمة انزعج انو ليش هيك عم يصير معي وليش هالدنيا عم تعمل معي هيك
بس (من كل قلب طيب ) نسي الحادث
غير طريقو مرة تاني لان مل من هداك الطريق
قال لروح لغير طريق جديد
انبسط بهالطريق كتير قال عال عال شي حلو ورايق ونظيف
مافيه شي
مرت عدة ايام هوي وعم يمشي بنفس الطريق وما اتفشكل بولا حجرة
بس ليوم من الايام بلشو الحجارة وحدة ورا وحدة ورا وحدة
يوم يتفشكل بحجرة
يوم بتنين
يوم باربعة
لعمى مصيبة
يتفشكل بالحجرة مرتين باليوم
مرة انحملت وكانت عادية (الدنيا عم تمزح معي متل ما انا عم امزح معها) مرتين عادية وحتى عشر مرات
بس لهون وبس
هاد فكر بينو وبين حالو
ليش؟؟
ليش وين ما عم روح الحجرة عم تكون ناطرتني
وليش لما كون عم امزح مع الدنيا هيك عم يصير
شو الحل ليبطل يصير معي هالشي
فكر فكر وفكر
قال اكيد في شي عم يخلي الحجرة تطلع بطريقي وين ما بروح وتفشكلني
بس بكل مرة حجرة عم تفشكلني عم يكون الدنيا الها دخل بالموضوع
بس هالحجرة ما بتعرف الدنيا شو عم يخليهون يتفقو عليي ويعملو فيني هيك؟

الحل الوحيد اللي طلع مع هالزلمة انو يبطل يمزح مع هالدنيا بلكي هيي بتبطل تمزح معو بهالطريقة هاي




بس ياترى ممكن بعد ما اتعود يمزح مع الدنيا يقدر يكون معها جدي شوي؟؟
يا ترى اذا هوي وقف مزح معها هيي ممكن توقف مزحتها التقيلة معو؟؟
ولا المزحة من اصلها ما الها علاقة باللي صار كلو في شي تاني؟


(الدنيا بكل طريق بتختلف عن الدنيا بالطرقات التانية)

layla 16/02/2006 11:06

والله وضعك مو عاجبني ابو الجوج بنوب :cry:
روقلي اعصابك وخليلي مزاجك رايق
مافيا شي بيستاهل وحياتك

Willi 16/02/2006 11:14

اقتباس:

والله وضعك مو عاجبني ابو الجوج بنوب
روقلي اعصابك وخليلي مزاجك رايق
مافيا شي بيستاهل وحياتك
احلا ام اللول
للاسف انا ما بدي روق
يمكن اذا هلق ما روقت بعدين اقدر روق

layla 16/02/2006 11:17

اقتباس:

كاتب النص الأصلي : Willi
احلا ام اللول
للاسف انا ما بدي روق
يمكن اذا هلق ما روقت بعدين اقدر روق

ماقصدي بانك تروق انك تنسى لاء
قصدي انك واجه الدنيي بالرواق
لاتفور بوجهها لانك رح تخسر
تحداها وفرجيها انك بيطلع معك حتى لو عاكستك بس خليك عم تحبا
احلى جادو :سوريا:

Willi 16/02/2006 11:23

يمكن هيك لازم
شكرا الك ام الرور

بس يا ريت تجاوبي على هدول الاسئلة من قرائة القصة

اقتباس:

بس ياترى ممكن بعد ما اتعود يمزح مع الدنيا يقدر يكون معها جدي شوي؟؟
يا ترى اذا هوي وقف مزح معها هيي ممكن توقف مزحتها التقيلة معو؟؟
ولا المزحة من اصلها ما الها علاقة باللي صار كلو في شي تاني؟
حابب اعرف الاجوبة عليهون

butterfly 17/02/2006 00:13

اقتباس:

كاتب النص الأصلي : Willi
يمكن هيك لازم
شكرا الك ام الرور

بس يا ريت تجاوبي على هدول الاسئلة من قرائة القصة



حابب اعرف الاجوبة عليهون

انا برأيي أنو يمزح معا بس كمان يكون عم يمزح بذكا ... يعني هية بديت معو بحجرات صغيرة .. يمكن مشان تنبهو أنو ياخد الطريق بجدية بس هوي ما فهمت اول أشارة وراح بدل ما يحمل الحجرة عن طريقو ويشيلا غير الطريق كلو وهوي عم يوهم حالو انو طريق تاني يمكن يكون أحلى... بس نفس الشي لأنو هوي ما حل المشكلة هرب منها
الدنيا كانت حابة تعلمو انو يتجاوز الحجرات الصغار بس هوي ما فهم عليا
بعتتلو شجرات كتير مشان يسندو ويكونو جنبو مشان ماا يوقع كمان ما قدر أهمية هالشجر
لو هوي قدر يتغلب عالحجرات الصغار كان أكيد تغلب عالأكبر منون ..
أنا رأيي لازم يحدد طريقو ويكون قدو مو كل حجرة تخلقلو طريق جديد .. وأنو كل حجرة بطريقو يكون واعي ويشوفا ويشيلا هوي ... وأن ما قدر .. يشكر الدنيا أنو في شجرات يستند عليون :سوريا:

Willi 17/02/2006 00:25

يا اهلا وسهلا بترفلاي
بس انت لاحظي انو بالقصة الزلمة غير طريقو مو بسبب الحجرة لاء

اقتباس:

قرر يغير طريقو (اكيد مو بسبب الحجرتين لان ما كان قابضهون جد)
اقتباس:

غير طريقو مرة تاني لان مل من هداك الطريق
يعني الحجر ما كان سبب تغير الطريق

butterfly 17/02/2006 00:35

اقتباس:

كاتب النص الأصلي : Willi
يا اهلا وسهلا بترفلاي




يعني الحجر ما كان سبب تغير الطريق

هلا جادووووووووو
الملل ... يعني كل ما مل من طريق بيترك وبيمشي ؟.؟؟؟؟ إذا مل يقعد شوي .. يغير من نظرتو للأمور .. بيرجع بيشوف الطريق حلو وبيتابع فيو بقوة أكتر

Willi 17/02/2006 01:13

يعني قصدك انو يضل يمزح مع الدنيا بس يحطلها حدود
هيك حسب ما فهمت
وما يوقف عند المشاكل اللي عم تعملو ياها

mhmary 17/02/2006 06:46

اقتباس:

كاتب النص الأصلي : Willi
بس ياترى ممكن بعد ما اتعود يمزح مع الدنيا يقدر يكون معها جدي شوي؟؟
يا ترى اذا هوي وقف مزح معها هيي ممكن توقف مزحتها التقيلة معو؟؟
ولا المزحة من اصلها ما الها علاقة باللي صار كلو في شي تاني؟

1 -أي ممكن جدا متل الدخان ممكن الواحد يبطلو حتى لو متعود علي بس الشغلة بدا تعب....
2- عالأغلب لأ لأنو الدنيا ما كتير عادلة بس اذا ارجيتا العين الحمرا أكيد ما في شك...
3- حسب ما فهمت انا المزحة الا دخل بس كمان في شي تاني.........

Willi 17/02/2006 19:26

اقتباس:

1 -أي ممكن جدا متل الدخان ممكن الواحد يبطلو حتى لو متعود علي بس الشغلة بدا تعب....
2- عالأغلب لأ لأنو الدنيا ما كتير عادلة بس اذا ارجيتا العين الحمرا أكيد ما في شك...
3- حسب ما فهمت انا المزحة الا دخل بس كمان في شي تاني.........
على راسي زعيم
شكرا الك كنت ناطر هيك رد :clap:

mhmary 17/02/2006 22:54

اقتباس:

كاتب النص الأصلي : Willi
على راسي زعيم
شكرا الك كنت ناطر هيك رد :clap:

اهلين حبيب تعا كل يوم;-)

Willi 17/02/2006 22:55

لا كل يوم كتير
يوم اي يوم لاء ممكن

Willi 19/02/2006 10:25

اول شي يمكن الشباب بس عم يقرو اللي عم اكتبو
عم يفكروني شي مجنون وما عم يفهمو عليي :lol:
بس انا بحط الموضوع فيه رموز وما بوضح تمام شو هيي الرموز
مشان كل شخص يحط الشي اللي بعبر عنو

اما شو القصة بتعنيلي؟؟

انا بالنسبة الي لما كنت عم اكتب القصة
كنت مفكر بالدنيا هيي كشخص او صديق قريب كتير من الزلمة اللي عم يمشي وبينت هالشي بأنو كان عم ينكت ويضحك ويدردش معها و الدنيا بكل مرة كانت بتمثل شخص غير عن المرة القبلها

اما الحجرة فأنا قصدت فيها كمان كمان شخص صديق بس مو كتير قريب
يمكن معرفة يا دوب
اما التفشكلة فهيي المشكلة بالموضوع
انو الشخص القريب مع البعيد سببولو هالمشكلة او الزعلة او حايلة شي
اما جزع الشجرة الصغير فهوي بمثل ابتسامة صغيرة
لما كان الشخص عم يتمسك بجزع الشجرة فهوي عم يبتسم
وبكمل طريقو فيي انو الزلمة اخدها بروح رياضية لان كانو عم يمزحو معو متل ما هوي كان عم يمزح مع الدنيا
الطرقات هيي بتمثل اوقات او اماكن او (من هالحكي)

بس لما ضللت تتكر هالمزحة اللي انعملت ومع اشخاص مختلفين
الزلمة ساعتها استغرب انو ليش هيك عم تتكرر
مرة
وتنين وتلاتة
يعني لما زادت عن حدها هوي وقتها حس فيها

وقرر يحطلها حل
اما الحل فأنا تركتو لجواب عالاسئلة


الساعة بإيدك هلق يا سيدي 20:50 (بحسب عمك غرينتش الكبير +3)

Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون

Page generated in 0.02355 seconds with 10 queries