|
موقف أخوية من قضية الكركتيرز و افرازاتها .
نتيجة لكترة الجق واللوص بهال الموضوع ! ونتيجة لأن اخد الموضوع (وتحديدة قضية عدم حزف اخوية للموضوع الذي تم به نشر الكركتيرز المشارة) ابعاد اكثر من حجمه ، وتداعيات من نوع لزوميات ما لا يلزم ، من استياء واستنكار ودعواة لمهاجمة الموقع و مقاطعته في عدة مواقع اخرى و محاضر فكرية وادبية ، وجدنا من الجيد بمكان ان ننقل لكم ما تيسر من رأي اخوية (مقتطف من ادبيات اخوية الي كان تم نشرها بالإسبوع الفائت بقسم المشرفين الخاص)
--- الحريات و المقدسات : كأخوية .. اخوية بتدعم وببتبنى الدفاع عن حقوق الأشخاص و الجماعات في الحرية والحريات ، الفردية والجماعية ، ..... (كأساس التطور في "العقد الإجتماعي" ... ومنه لمن بيصير الحرية او الحريات معاكسة للتطور احنا مش مع الحريات ، خلاصته ، احنا منشتق المبادئ والقيم من فاعليتها ودورها في التطور البشري ، وكل عمل يتنافى والتطور والرقي بالمجتمع البشري احنا منضحضو ، وكل عمل يتماشى والتطور البشري احنا منتبناه ، وعليه مبادئ أخوية مرحلية ودائما ، يعني اليوم اخوية تتبنى الحريات ـ اذا بعد 1000 سنة اثبتت الحريات فشلها كتجربة او اصبحت الحريات عائق في وجه التطور البشري فحينها رح تتبنى اخوية دحض الحريات وتقويضها ./ .. (انشاء الله اتكون وضحت الفكرة) ......) اما عن المقدسات ، احنا بأخوية منوصي بإحترام المقدسات والرموز عامة ,,, (نوصي بذلك ، فلا نحن نتبنى هذا النمط ولا نحن ندين مخالفتة) .. هلق منجي على المقدسات ،، (وهون رح بحكي برأيي الشخصي ومن ثم رأيي اخوية ) ، انا بفضل لو بيتم احترام المقدسات والرموز . ... وشيئ جميل ورائع لو كل الناس بتحترم مقدسات كل الناس .. بس هون بتظهر مشكلة لا مخرج منها ألا وهي ، ما هي المقدسات ، شو تعريفها ، وشو القائمة الي ممكن نعملها بتشمل كل المقدسات !!!!! يعني لو تمكنت البشرية من حصر المقدسات والرموز في قائمة واحدة فأنا اكيد ان السواد الأعظم من البشر او خليني قول انا اكيد ان اكثر من 99% من الليبراليين حتى حيكونو مع احترامها .... *طبعا هون عم نستند لنقطة انو ما بدنا نهمل حق اي فئة بالمقدسات ، وانّا لن نلزم الأخرين بما لا يلزمنا ! طيب عند المسيحيين في مثلا المسيح ومريم .... عند الإسلام القرآن ومحمد (ص) .. ....حلو بس عند عبادي الشيطان (وهدول بشر متلنا واذا احنا ما منآمن بمعتقدهم لا يعني سلبهم حق الإعتقاد وحقهم علينا بإحترام مقدساتهم) .. بيآمنو بالشيطان الرجيم!!!!! وعبادي الأوثان (وكمان هدول بشر متلنا ) بيقدسو شوية حجراة ، وبالهند بيقدسو البقرة !! وبما بعرف وين بيقدس فرج المرأة !! الخ الخ الخ ........... يعني اذا حصرت مقدسات كل ملل ونحل البشرية ستخلص لقائمة لا نهائية ـ، او بالأحرى ستجد كل شيئ محيط بك هو مقدس! (عند طائفة معينة او زمرة معينة !!) + يعني بيصير اذا عملت كركتير على الشيطان بينطو عبادي الشيطان انو يابا ما حقك تنتهك مقدساتنا ! + واذا رسمتلك شي بقرة بالغلط بينطو شوية هنود بيقلولك يابا شلون بترسم البقرة الطاهرة بهيك صورة بشعة ، + واذا واحد سب ام واحد تاني ، بينطلك زمرة اميركان بيقلك هذا الكذا مقدس وما بيصير تستخدمو بالسباب !!! وقيس على ذلك !! شقد رح بتصير الحياة صعبة ولا تتطاق لو كل فئة او زمرة طالبت كل فآت الأرض بإحترام مقدساتها وعدم المساس بهم ؟.؟؟؟؟؟؟؟؟؟؟؟ وكم سيعيق هذا تقدم البشرية و كم سيعيق الحراك الثقافي الإنساني بالعقد الإجتماعي (سواء بمجتمع صغير بلدة او بمجتمع كبير يشمل ويضم كل ابناء الأسرة البشرية ؟؟) لا حتى بتصير الحياة نكتة متكاملة ! .. بكرا بجيك كام واحد بيسمو حالهم الزواحف مثلاوبقول انو احنا جماعة جديدة مقدسانا الأوحد هو الأرض (الكرة الأرضية) و احنا لأنو منقدس الكرة الأرضية فما بدنا نمشي عليها ولا اندوسها برجلينا ، ومنشان هيك رح نزحف زحف بحيث اتلامس خدودنا الأرض ، ونطالب جميع الأديان انو ما يمشو على الأرض ويدوسوها برجليهم لانو هاي الأرض بالنسبة لينا بتعنيلنا شيئ كتير واحنا ما بدنا حدى ينتهك مقدساتنا ؟!!!!!! فعلا طرح مضحك ، وستجده امامك يوم تجبر وتلزم جميع البشر بإحترام مقدسات جميع البشر ! ..ومنه .. ومن ان حصر المقدسات بقائمة امر مستحيل (نعم مستحيل) كان لا مخرج سوى فصل الأديان والمعتقدات عن الحياة العامة وعن الفكر العام .. وعليه مقدسات الإسلام من حق المسلمين على بعض ما ينتهكوها بس ما بينفع تجبر غير المسلمين ما ينتهكوها ، لان (ومن اضيق الأبواب) المسلمين عم ينهكو مقدسات الآخرين بالطول وبالعرض (وقد يكون بدون قصد) ، يعني كام آية بالقران بتسب الشيطان ..(من حق عبادي الشيطان اليوم يطالبو المسلمين بإعتزار رسمي ! ويطالبو المسلمين بحزف هذي الآيات ن قرآنهم ؟؟؟ لو كنا عادلين بمطالبة الآخر بإحترام المقدسات طبعا) اكتر من ذلك مجرد قول المسلم للمسيحي انو المسيح ليس ابن الله ، هو انتهاك لقدسية المسيح عند المسيحي ، وشتم وسب ليه ... الخ من هذي الأمثلة التي تطول وتطول ... خلاصة ومفاد الحديث : كأخوية احنا منترفع عن التعبير بهال الإسلوب(الإسلوب الي استخدمت الصحف الدنمركية) ، من حيث هذا ليس اسلوبنا __ومن حيث اسلوبنا بالتعبير مختلف__ ، لكن لا ندين الإسلوب الي قامت به الصحف الدنمركية بالتعبير .. (وعدم ادانتنا لا تعني تبني موقفهم ابدا ) (يعني كيف في ناس مع هال النوع من التعبير (بتتبنى موقف الصحف ) في ناس ضد هال النوع من التعبير (بتدين وبتندد) في آخرين (مثلنا) لا ندين ولا نتبنى ، يعني احنا ما منتعامل بهال اللإسلوب بس منحترم انو في آخرين عندهم اسلوب مختلف عن اسلوبنا بالتعبير و من حقهم يستخدموه .. لا اكثر ولا اقل !) |
هذا موقف اخوية مطروح كمحاولة تبيان حال ، او محاولة ايضاح ما قد كان مبهم لبعض الأخوة ، وطرح هنا بهذا الصدد وبهذا الهدف ، وعليه ليس هنا ساحة نقاش فلسفة اخوية و خطوطها العريضة ، ففضلا ان لا يتطرق اي من الشبيبة لهذا الجانب ،.. لسنا في صدد مناقشة خطوط الموقع العريضة في هذا الطرح !
فائق الإحترام |
حكيك صح مية بالمية وانا معك بكل كلمة:سوريا:
|
مشكور حكيم
و بتمنى من كل يلي ما كان واضحلو الوضع يكون صار أضح هلأ سلام |
الرد الإسرائيلي علي مسابقة الكاريكاتير الإيرانية
الرد الإسرائيلي علي مسابقة الكاريكاتير الإيرانية
جماعة إسرائيلية تعلن عن مسابقة للكاريكاتير الساخر من اليهود - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - و لمن يهتم : الموقع الإيراني الخاص بالمسابقة : - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
درر حكيم
درر يعطيك العافيه :سوريا: :سوريا: |
اسمع كلامك يعجبني اشوف عمايلك اتعجب
اقتباس:
لأنه ممكن ببساطة شديدة حصر المقدسات في الكون كله , مثلاً البند الاساسي في التعامل بالدين الاسلامي مع كل الناس ( الدين المعاملة ) وهنا كل الشرائع السماوية والوضعية نظمت اسس المعاملة الاجتماعية الأخلاقية ..لاتسرق , لاتكذب ..الخ واحترام الآخر وعدم تحقيره أو استفزازه مثلا احد الشباب المسيحيين يحكي عن الاسلام : يازلمة شلون يطوبزوا بالصلاة كيف ممكن ان يقبل هذا المنطق والمنطق الاساس مثلا في الاسلام تعريف المسلم : هو من سلم الناس من لسانه ويده وعمم ذلك على تعامل المسلم مع الناس بكل الاديان وليس مع المسلمين فقط , اما اذا كنت تعرف حادثة شاذة لمسلم وتعممها على الدين الاسلامي وعلى كل المسلمين فهذا بحث ثاني ولااريد الاطالة لقد وجدت كلامكم لا ينطبق مع فعلكم يعني لو تصفحنا وصلة : نكت لا دينية ( للملحدين فقط ) اجد فيها كل الاستفزاز واطرح سؤالا ماهي الفائدة المرجوة من هذه الزاوية ( حرية تعبير ) ؟؟؟؟!!!! هل فيها فائدة كوميدية ترفيه عن النفس مثلا وكم تمنيت ان يكون هذا المنتدى شامخا بمواضيعه ومنبرا للشباب السوريين المتعطشين لعقود طويلة من الزمن الى فسحة امل ( لو بالحكي ) وبسبب هذه الزاوية آسفا لاعلان انسحابي من منتداكم , وما راح يتوقف المنتدى علي راح يجي بدالي انشاءالله الوف مؤلفة وتمنياتي بالتوفيق والازدهار لمنتداكم:hart: |
كما الحياة حق لكل البشر ..
الاعتقاد حق لكل البشر .. و التعبير حق لكل البشر .. مسيحي مسلم يهودي بوذي ملحد .. الكل لهم الحق بالحياة و التعبير .. |
شى غريب
اقتباس:
بما انه موقع اخويه سوري وعربى يعنى وبما انه الاسلام والمسحيه هم اديان اغلب العرب تقريبا ياترى شو الى بخليكم تفكرو بعباد الشيطان مثلا او غيرهم نحنا مو خلافنا حول نشر الكاركيتير رح اعطيك مثل صغير لما الموضوع بيتعلق بمسلم بتصيرو ضده على طول ولما الموضوع بيتعلق فيكم حلال الكم يااخى معلش اذا بتريدو قولوها بصراحه انتو علمانين ولا مسحين ولا شو اذا كنتو علمانين فواجب عليكم تسمحو للمسلمين متل ما بتسمحو للمسلمين واذا كنتو مسحينين فواجب عليكم انكم تحترموا اديان الغير وما تسمحو بالتطاول على دين الاغلبيه العظمى من الامه الاسلام طبعا وبلا فخر  يعنى لو بتراجعو الارشيف بتشوفو كلام عن رسول الله مو بخلى الواحد يزعل وبس بخلى الواحد لو يقدر يعدمكم ما بقصر ياريت تخلو شويه احترام للمسلمين او تشيلو الاحترام عن الجميع وفيه دلائل كتيرة بالمنتدى عن هالشى معلش اسف انا بحب الصراحه واذا ما عجبتكم صراحتى بتكونو مو ديمقراطين :x |
في نقطة انت حكيتا
اقتباس:
هناك سوريين عرب و غير عرب و بعدين عم تحكي انت عن ردود أشخاص إدارة أخوية ليست مسؤولة عن هذه الردود , أخوية كادارة تم توضيح موقفها في رأس الموضوع من قبل الحكيم |
اقتباس:
بس الاغلبيه العظمى مسلمين ولا ناسى |
اقتباس:
اقتباس:
الكلام غلط هون .. الأغلبية مانها مسلمة, و الكل هون ضد إنو ينقال الأغلبية مسلمة أو مسيحية أو ملحدين أو عبادين كتاكيت .. هون الأغلبية سورية ... شباب سوري بيحب سوريا , و هاد الشي اللي بيجمعنا كلنا هون . منحاول نعطي رأينا بمواضيع الأديان , بالمواضيع السياسية , و منختلف بكل صغيرة وكبير , وعلقات مشان شغلة بسيطة كمان . بس بالآخر منضل سوريين .. و هاد الشي بيجمعنا أكتر ما بتجمعنا الأديان و الأحزاب و مدري شو كمان .. بتمنا تكون فهمت علي هلأ .. و إنشالله هالمرة ما تكون عمتدور على شي جديد بكلامي, لأنك ما رح تلاقي شي جديد . سلام |
اقتباس:
انا الى عبدور عليه احترام الاخر الى عبدور عليه عدم التمييز بس يعنى الى بيغلط لازم تطردوه مين ما كان مو تمشو القانون على ناس وناس طبعا كلامى بينحط بجمله حريه التعبير صح المهم نحترم احاسيس الاخرين او ينشال الاحترام من الجميع تحيـــــــــــ تــــــى ــــا |
هل كلام لازم يتوجه للأعضاء و ليس للإدارة
و متل ما قال SABE . |
حبيب يمكن عم تشوف الكلام اكترو ضد الاسلام
لان الاسلام هني وبس هني عم يحطو مواضيع دينية بالصالون بعالطاير بالمنبر بالمكتبة بالبطيخ يعني شوف هلق المنتدى مبارح فتح في بالمنبر 4 مواضيع بتخص الاسلام لاقيلي موضوع واحد بخص المسيحية انا لو بدي اكتب شي بخص الدين فيني روح هلق وعبي المنتدى كلياتو مواضيع بس ما بكتب احتراما للشباب والصبايا الاسلام واللي لا اسلام ولا مسيحية اللي بالمنتدى واللي ما بدهون يقرو هيك مواضيع يعني عم تطلب شي انتو ما عم تعطوع على انو اساس عم تطلب الاحترام |
اقتباس:
معلش انا ماطلبت انك ما تكتب مثلا او ما اقرالك وما طلبت منك تقرالى كمان يعنى لكم دينكم ولي دين بس الى طلبته انا عدم التعرض للاديان يمكن مو غلط طلبى انا عبطلب بمعنى اخر عبتمنى لانه اكيد انه انا او اي مسلم رح نضايق لما نشوف اهانات للرسول الكريم متل ما انت رح تضايق اذا شفت اهانات لدينكم |
معناتها اعمل بالقوانين ولا تحط مواضيعك مشان ما تسمع اهانات
صرنا قايلين للمرة المليون المنتدى مو للمواضيع الدينية ومع هاد بيطلع كل واحد افهم من التاني وبحط مواضيع دينية لك حتى بعالطاير صرتو تحطو مواضيع دينية لك المكتبة والمنبر والصالون حتى بعلم النفس بالسقيفة بالتاريخ يعني تخنتوها اذا انتو ما عم تحترمو حدا ما حدا مجبور يحترمكون |
[quote=Willi]معناتها اعمل بالقوانين ولا تحط مواضيعك مشان ما تسمع اهانات
صرنا قايلين للمرة المليون المنتدى مو للمواضيع الدينية ومع هاد بيطلع كل واحد افهم من التاني وبحط مواضيع دينية لك حتى بعالطاير صرتو تحطو مواضيع دينية لك المكتبة والمنبر والصالون حتى بعلم النفس بالسقيفة بالتاريخ ايوة وانت ليش محموق هالقد اقترحنا على المنتدى يعملولنا قسم لهالمواضيع وانشاء الله بوافقو ا وبتخلص من شوفتنا هون بس انت طول بالك ما بيسوى عشان صحتك تحيااااتى |
| الساعة بإيدك هلق يا سيدي 09:48 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون