|
قاموس المفردات الحلبية
امتازت اللهجة الحلبية عن غيرها من اللهجات السورية بأنها فريدة من
نوعها ولايوجد لها مثيل على الإطلاق وإليكم بعض المفردات شائعة الاستعمال: عوجة--------كوع سيوي ------دغري أنضرة--------الكندرة تاسومة--------السكربينة دوينات--------كفوف لاصطيكة-------مطاطة مصراط -------مصاري خوته---------معه صراع جدبة----------مجنون طاول طاول---------أبداً معلاق جلق--------الغليظ خَلْء-----------عالم هي نكتة مرة سمعتا.. ..غنية قديش كان في ناس عالمفرق تنطر ناس شلون بغنوا بحلب؟؟ إشقد كان في خَلء.. عالعوجة تنطر خلْء....هاها منكفي خيت وخَيْتو--------يعني أختي خاي وخيو---------يعني أخي أبويْ--------أبي ونانتي يعني جدتي يوم: معناها باللغة العربية وبكل اللهجات هو ال24 ساعة بينما باللهجة الحلبية بتجي بمعنى ماما سكرتون---------خزانة السلاتة--------القشّاطة السحّابة--------الدرج خولية---------البشكير أردغان-------هدية مزين رجالي---------- يعني الحلاق العادي وبتلاقي كاتبين عالمحلات يوجد لدينا (صمن) وبعد سؤال واستفسار ببين معكن أنو معناها خبز السمون وكمان جنق--------هي الصحن جمجاية-------معلقة السكب فرتيكة--------هي الشوكة الدءماءة------مدقة التوم الدروبُس--------البونبون إللي بتعرفوه كما امتازت اللهجة الحلبية بأدوات إشارة خاصة بالحلبية .. يعني العرب كلهون كوم .. وهنن كوم تاني كوهنه----------للمذكر القريب كيهنه----------للمؤنث القريب كوهاك----------للمذكر البعيد كيهاك----------للمؤنث البعيد كوهاكيي-------لجمع المذكر البعيد كيهاكين-------لجمع المؤنث البعيد كوهنن--------لجمع المذكر القريب كيهنن--------لجمع المؤنث القريب وطبعا للسهولة في اختصارات كمان اختصار المذكر القريب .. كو اختصار المؤنث القريب .. كي ومن الاختصارت أيضاً تاااا بدل من تعال رووو بدل من روح ما راي آجي بدل من ماني جاية استنوا لسا ماخلصت اشبكن في كمان بروك--------------اجلس تشطّح:بدل من تسطّح (وما تسألوني ليش!!) أبوس روحك : للمدح أبوس شنقات وشك بالشلمونة : للمدح البليغ (الشنقات طبعاً هي الخدود متل ما بتعرفوا) يبلاك بقتلك : دعاء بالقتل والضرب إشْ ضاءلَّك---------يعني شو بدي قلك عجب-----------للدهشة كنّي-----------للاستفهام ديه بقا-------للتأفف أَبَوْ-----------للتفاجؤ ووللدقة باللفظ يرجى لفظ ال ج : ادجه وال ش : اتش وميت السلامة والله.. ملطووووش |
حلوين ... كتير
بس .. شو مشان انو كأنو ما عاجبينك أهل حلب ؟؟:? :jakoush: |
اقتباس:
انا باحب حلب و أهل حلب موت |
اقتباس:
بس احلى شي هاي يوم ...:o :o احن الى خبزك يا يوم ...:cry: يسلمو كركوبة ...فعلا كأنك عايش بحلب ...بس ملاحظة صغيرة ...هاي اللهجة بيستخدموها اهل حلب الاصليين ...(يعني بالحارات الشعبية القديمة ) ..والاغلبية بتحكي بمتل هاللهجة بس أخف بشوي ... سلام خيو ...:adal: |
اقتباس:
يللي بيسمعو وليي حلبي ع التقيل بس مافي احلى من الحكي الحلبي |
والله يا عمي الحلبية بدهن قاموس
لأنو غير الرب ما بيفهم عليهن |
اقتباس:
حلوووو القاموس صياد .. بس ما بتقدر تنزّلو كتيّب بينحط بالجيب مشان بس نروح لهنيك :lol: |
شو معلم ما عندك غير هل الموضوع اللي لا قيتو اه
الموضوع اول شي مكررررررررررررررررررررررر ررررر حطتو ايفي قبلك من شي 10 ايام وبعدين شبها الحلبية ما بقا تعجبك وانت حضرتك شو بيعجبك اي لهجة من شان نفصللك لهجة تعجبك او نوصيلك شي لهجة تفصيل لاني يمكن ما تلاقي جاهز وشكرا يا ديمة وبعدين هل اللهجة ما بتفهميها لا بقاموس ولا بشي الا اذا تعرفتي على واحد حلبي وهو بعللمك لاني هي ابسط كلمات كاتبها الاخ مشكورة على ردك يا ست ديمة |
اقتباس:
لعما ببابي عيونك لعما ازا هاد الموضوع مكرر طاق موضوع قاموس الحكي الشامي مكرر ميت طاق و طاق شو صار يعني ازا خدمنا البشرية و نشرنالكم لهجتكم ؟؟؟ آسفين ع التكرار خال شي هالناس هي (مزح هاه) |
اقتباس:
انا مابحكي الحلبي القحي .. شرح المفردات : القحي = الاصلي يعني واحد من فسط حلب .. كمان شرح لشرح المفردات : فسط = من نص حلب او مركزها ... :lol: 8) |
إشْ ضاءلَّك :confo: <<<<<<<<<< ترجمها بقاموس المفردات الحلبية عندك
:p أيـــه مشكور كريم :grin: |
اقتباس:
|
اقتباس:
يعني ما بتخيل انو ممكن حدا يترجمها بس اذا بدك بعربها |
اقتباس:
ولازم نتعرف على واحد حلبي ؟! :? .... صحي.. حسيت هالشكراا مع كلمة ست ديما .. كانه على شوي رح تقوم تضربني :cry: على كل ... العفووو :سوريا: .. وكلّو مزح المستحيل ...اصلا مافي احلى من الحلبية ;-) .. كيفني معك !؟ :p |
والله انتي ما في منك يا ديمة وانا كمان عم امزح وكلو مزح بمزح وما عاش مين يضربك ويمد ايدو على الورد
مشكورة لكماتك الحلوة ولو يا شباب شبك لك صياد على مين ما نت على حكيكي عايش كم سنة بحلب حللك تعرفهم للشباب والله بالنسبة اللي يا شباب صرلي 4 سنين منتغرب وكل ما بنزل اجازة بقولولي شو مغير لهجتك اجباري رح تتغير بالنسبة للللجو بس مو معناها انو ما بحكي حلبي بس تغيرت كتير عن اولي وهللق بالنسبة لهل الجيل ما حدا عم يحكي حلبي متل اهل القديم ومشكور لموضوعك ولو شو ما حكيت احكي خود راحتك يا خيو واحلى شباب |
عراسي خاي
ابوس روح حلب والحلبيه والحكي الحلبي وج وافا
:king: |
وهي شوية شعر حلبي تكرم عيونكن خاي
شفتك أول مرة جنب بيتنا بالحديقة الزغنوطة و قلبي لما طسّيتك طرق احلى زلغوطة شقد كنتي نهارا متلبكة و شكلك معبوطة و انهزمتي مني !!! ايه بدي الحقك لو لفيت متل ابن بطوطة !!! ابوس شناق وش الحجة اذا بتخطّبلي ياكي و الله يستر يقوم ما يستحمل كتر كرّي وعلاكي يأنو يا خيتو بزت حالي من فوق السجرة.. ( الشجرة ) اذا بدي أعيش بلاكي بقا ان شاء الله يصير بيت ابوي هو بيت حماكي !! و يا يوووووووم على ايشاربك البني لما طيرو الهوا و انا شفت وشك طبيت بأرضي و اكلت هوا و قلت لحالي علوا نبقا العمر انا وا نتي سوا و لا نمرض و نروح حكيم و لا يوصفلنا دوا و بكرا بتصيري حجة و انا الحجي و منخلّف عجيان و بطلعو كلون عاقلين الا واحد بيطلع سعدان و بيفرط معلاقنا و بيفضحنا بالحارة و يبتعربش عالحيطان و ببهدلنا قدام الخلق و كل يوم بيضرب ولاد الجيران !! و انا بصحلو ينعن ابوك و انت بتلحقيه بشحاطة و انا بضربو بالقشاط و انتي حصريه على البلاطة و بحرمو من المصروف لا بياخد صحاح و لا فراطة و لي عليكي و على هالخلفة يقطع عمرك على عمر اهلك بطلت اتجوز !! و لي عالجازة و على ساعتا...... شاعر حلبي |
ليلى والذئب الحلبية اصدار كتير كتير جديد ...
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - :سوريا: |
| الساعة بإيدك هلق يا سيدي 14:24 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون