|
موبايلك و بس
هلىء ع يقولوا انو تعرف شخصيتو للواحد من موبايلو
و مارح احكي زيادة و اشرح عن هالموضوع بس بدي كل واحد بعد ما يفوت و يصوت لنوع موبايلو و موديلو يكتب ليش اختارو و اكيد هالشي بيدل على من شخصيتك ( اذا بتحبالجهاز التميز مثلا او الجهاز الصغير الناعم او الجهاز الكبير ;-) بتمنى من الكل يشاركو :سوريا: |
هلق أنا موبايلي موتورولا(هوي رأسمال الشركة يهودي ويصنع في الصين و الولايات المتحدة)
بس مابيعني أنو أنا بشجع صناعات اسرائيل لأنو الجهاز إجاني هدية |
تظبيط حرف
وكمان فيه شغلة أنو معظم الشركات العالمية وخاصة الشركات متعددة الجنسيات متل أديداس وبيبسي.........
لليهود حصة معتبرة من رأسمالها |
انا بحب السوني ايركسوون
لانو موكتير عالم بتلاقيا معوو...ومين مامسكوو بيعرف يستعملوو فمثلا اذا بيكون معك نوكيا و حاطه عالطاوله مين ما كان بيفتحو ببحش وهيك شي )اما السوني اريكسوون فصعب شووي |
اقتباس:
انا جهازي موتورولا كمان :lol: v3 و هالجهاز فعلا مميز لانو في عربي لهيك بفيدني بالرسائل ;-) |
اقتباس:
|
K500I
ليش بدك تشترري ؟؟؟ هههه |
أنا بالنسبة إلي بحب التنويع والتجديد بس لحد هلق عم نوع ضمن اطار نوكيا
يمكن لأني تعودت على الجهاز وبرنامجه ويمكن لان نوكيا تقريبا بتقدر تقدم خدمات أكتر بالنسبة للشبكةوالسبب الأهم انو كل الناس إلي بعرفها بتحمل موبايل نوكيا وإذا بالإيام حبيت غير راح غير لسامسونغ بتعجبني فيه انو لذيذ وأنيق:oops: شكرا خالدي عالموضوع |
NOKIA
وبس |
شو بتشتغل بالشرركه الظاهرر
ههه |
فعلا انا مسئول عن التسويق.
ههههههههههههههههههههههههه هههههههههههههههه ايه الظرافه ديه.ههههههههههههههههههههه هههههه:o :o :o :o :o :o :o :o |
يعني انتي ليش محموقه
|
هههههههههههههههههههه ماني محموووقه بس عم اتظااارف عم اثبت خفة دمي هيهيهيهيه
|
انا من جهتي بحب نوكيا لنو شركة الموبايلات الي بيعملها حلوة كتير |
أما أنا فمن جهتي كنت من عشاق أو من الناس اللي كنت حابب شيل سوني ايركسون
وبالتحديد k750i بس حاليا اشتريت 6630 المعروف باسم همر نوكيا طبعا.... عجبني كتير فيو دقة تصويرو العالية وشكلو الأنيق ما بعرف ليش بس بحس النوكيا أم الموبايلات |
ياخي النوكيا عملي ومافي منو شنو لأنو طبشو بالحيط بيرجعلك...............
|
مليت من النوكيـا ..
أنا موبايلي .. nokia 6600 ... و لونو زهـر .. هادا نزل أول شي .. يعني صرلي حاملتو أكتر من سـنتين .. اخترتو لأنو كان بوقتها شـغلة .. و لسـه معي لأنو منيح و مخلص : يعني وقع مني شي 65 مرة خاصة أول فترة لأنو كنت حس شكلو متل الصابونة.. بعدين تعودت عليه .. و شي 33 مرة كنت معصبة و لحشـتو .. و شي 20 مرة ما كنت منتبهة عليه و دعسـتو .. .. يعني الموبايل الصامد ..:adal:
;-) |
انا معي سوني أريكسون p9110i
ومنشان الأفضل أكيد هون وهون في الأفضل أهم شي انو ما قرب عالسامسونج او ال جي السوني أريكسون أثبتت باحصائيات انها الشركة الأولى بخدمة واحترام الزيون من خلال شكل الأجهزة أو عمليتها أو تخديمها هلأ النوكيا أثبتت شعبيتها وخصوصاً بالمنطقة وخصوصاً خصوصاً سوريا لأنو شعبنا تجاري بيضل بيفكر يبيع ويشتري والنوكيا حقو بيضل فيه وعملي بسبب تغيير الكفرات او سهولة تحميل البرامج أنا بفضل أجهزة السمبيان بشكل عام وبلاقي السوني أريسكون (تحالف أكبر وعملاقي الاتصالات والتكنولوجيا) أقوى وأميز من النوكيا والموتورولا باعتبراهم المنافسين ملاحظة منشان الهامر للأخ باشق وال k750i راحت عليك شريك لأنو السوني أريسكون k750i كاميرته 2ميغا بيكسل وعمق لوني عالي جداً وفلاش حقيقي ودعم قوي لملفات الميدي وال mp3 ودقة شاشة عالية جداً أما الهامر فكاميرته 1.3 ميغا بكسل وهي أهم ميزة وطبعاً نسيت انو السوني فيه راديو وشكراً |
| الساعة بإيدك هلق يا سيدي 09:59 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون