|
للمعلمية بس (بتوقع رح تكون سهلة)
ثلاثة أخوه جالسين عند أمهم قال الأول انا جوعان قالت له الأم اذهبالى المطبخ سترا سله بها بيض خذ نصف الذي في السلةونصفبيضه دون أن تترك بيضه مكسورة في السلة وذهب واكل ورجع , قال الثاني أيضا انه جوعانقالت له مثل ما قالتللأول وذهب واكل ورجع وقال الثالث أيضاانه جوعان وقالت له مثل ما قالت لأخويه فذهب واكل نصف الذي في السلة ونصفبيضه ولم يتبقى بيض في السلة فكم بيضه كانت في السلة؟؟؟؟؟؟؟؟؟؟
|
هلىء المفروض يكون بقيان نص بيضة بالسلة صح؟؟
|
اقتباس:
|
هلأ هي قالت للتاني انو مايترك بيضة مكسورة بالسلة شي؟
|
المسألة انحطت بالمنتدى قبل
واللي حلها هوي الاستاذ الفنان انا المهم كان في بالسلة 7 بيضات الاول اخد نصهون (3.5) + نص بيضة = 3 بيضات بقيو التاني اخد نصهون (1.5) + نص بيضة = 1 بيضة بيقيت والتالت اخد نصهون (0.5) + نص بيضة = 0000000 |
اي برافو جاد
ولله بدها تفكير لا ماباك شي |
بس انو فسرلنا كيف عرفت انو عددهك 7,5
رجاء. رح جن لأعرف عم استنى الرد ها |
مو سبعة ونص
7 بس بتبلشي من الاخر قالتلو كول نص اللي بالعلبة ونص بيضة قام ما ضل شي يعني 0=0.5-0.5x بتنقلي ال 0.5 عالجهة التانية (ما بدنا ننسى انو نغير الاشارة اللي قبلها يعني هيي - بتصير +) بتصير 0.5 = 0.5x بعدين مشان تعرفي X بتقسمي الطرفين بالرقم اللي موجود قبل X X = 0.5 / 0.5 بيطلع معك الناتج 1 هاد اللي كان موجود بالسلة بعد ما ياكل التاني البيض بعدين هلق التاني اكل نص اللي بالسلة ونص بيضة وضل 1 يعني 1=0.5- 0.5x نفس الشي منشيل النص للجهة التانية بصير معنا 0.5 +1=0.5x يعني 0.5X=1.5 هلق لنطلع اكس منعمل X=1.5/0.5 الناتج بيطلع 3 هاد العدد اللي كان بالعلبة بعد ما اكل الاول البيض هلق لنشوف شو كان في قبل ما ياكل الاول البيض بنعمل نفس المعادلة 0.5X -0.5=3 يعني 0.5X=3+0.5 يعني 0.5X=3.5 مشان يطلع معنا X منعمل هيك X=3.5/0.5 والناتج هوي 7 |
ماشي لو انو يعني ما فهمت!!!!!!!!!!
|
ما فهمتي؟
|
بصراحة لو بدك تقول غبية
بس يا عمي ما فهمت شو بضحك عليك بس ما بضحك على حالي |
هلق انت بتعرفي بهدول سين وعين
يعني مثال اذا عطيتك هاي 2س = 4 بتقدري اتطلعيلي (س)؟؟ السؤال بس مشان اعرف اشرحلك |
بدك تحاكيني من سنيييييييييييين
انا بكالوريتي ادبي واخدتها ب 2000يعني من 5 سنيين اي نعم انا عقلي مو علمي انا مؤدبة (ادبي) |
اي معناتها انا ما دخلني
ما بشرحلك نقي حدا غيري يشرحلك اذا هيك :jakoush: |
هيك فكرك؟
|
لا خلص بشرحلك
خلينا نعمل شي شغلة منيحة ولو مرة بحياتنا هلق ليطلع معك سين بمعادلة متل هاي 2س=4 يعني سين عدد اذا ضربتيه بتنين رح يطلع الناتج 4 شو هوي العدد اللي بتضربيه بتنين ليطلع معك الناتج 4؟ رح تقولي 2/4 يعني 4 منقسمها على 2 الناتج وقتها رح يطلع معنا 2 طيب هلق معادلة متل هاي 2س- 2= 4 يعني تنين سين شلنا منهون 2 بيطلع معنا اربعا فكري فيها لنفترض انو عنا المسألة هيك 6 - 2 = 4 شو هيي العملية الحسابية اللي بتعمليها ليطلع مع الرقم 6؟؟ بتلاقي انو لازم تجمعي 4 والتنين سوا يعني العملية رح تكون 6=4+2 شوفي انت شلون بهالحالة نقلتي التنين من جهة لجهة تانية وغيرتي اشارتها لان اذا ما غيرتي اشارتها رح تكون 4-2 واللي هوي لا يساوي 6 بهالحالة الحل غليط وهيك مع كل المسائل اللي من هالنوع يعني اذا بدك تنقلي عدد من جها لجهة رح تغيري اشارتو منرجع للمعادلة هاي 2س- 2= 4 هلق اللي لازم نعملو هوي انو ننقل الاعداد الغير مجهولة لجهة وحدة وانخلي الاعداد المجهولة بجهة وحدة(ما بدنا ننسى نغير الاشارة) يعني بتطلع معنا المعادلة 2س= 4 +2 يعني 2س= 6 هلق ليش ما نقلنا العدد تنين للجهة التانية ما نقلناه لانها من اصل العدد المجهول (س) هلق اذا شخصين معهون 6 تفاحات شخص واحد شو رح يكون معو؟؟؟ رح يكون معو 2/6 = يعني 3 اذا وصلت الفكرة ارجعي راجعي الحل بتوقع يصير مفهوم اكتر واذا ما فهمتي عليي كمان قليلي وقليلي شو اللي ما فهمتيه بالضبط |
:lol: :lol: يحرء ديبك يازلمي
بس بدي افهم على شو بتضل ترسبلي بهاد STA تبعك |
:shock: :shock: :shock:
اولا اسمو SAT تانيا يخرب زوقك ما قدمتو غير مرة وحدة ولسى ما طلعت نتيجتو ليش عم تفاولي عليي :jakoush: :jakoush: يعني اذا بدي ارسب برسب بقسم المفردات الانكليزية بس مو الرياضيات :adal: |
| الساعة بإيدك هلق يا سيدي 10:31 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون