|
قلة النقد و آثاره على مستوى المنتدى
مرحبا صبايا مرحبا شباب
بهالأيام كثر الحكي عن نزول مستوى المنتدى و أنو ما عاد بالمستوى اللي كان عليه و أنو المواضيع اللي هلأ كلها مكررة أو بايخة و لهالشي أسباب فبعد بحث و دراسة لقيت سبب من هالأسباب بظنو سبب مهم بهالمشكلة ألا و هو غياب النقد البنّاء يعني : اذا كان الموضوع بايخ بس فيه كم واحد عجبهن الموضوع بيكتبو رائع و شكرا و مدري ايش من المدح بس اللي ما عجبهن الموضوع و لقوه بايخ بيدخلو بيقروا الموضوع ما بيعجبهن بيطلعو دون أي تعليق مع أنو كان المفروض عليهن يقدمو نقدهم لكاتب الموضوع طبعا بشكل غير جارح لحتى يعرف الكاتب وين الثغرات اللي عندو و يتلافها و هيك ما بيعود يمكن بيكتب مواضيع بايخة أما لو كانت الردود هي فقط ردود المدح و الثناء فهيك رح يتشجع الكاتب لكتابة موضوعين و تلاتة ومية بنفس الطريقة. بظن أنو الفكرة وصلت و ملخصها أنو النقد البنّاء بيرفع من مستوى المنتدى و لازم ماحدا عندو نقد أنو يتوانى عن طرحه أبدا ليردع الكتابات البايخة و يشجع الكتابات اللي بتستحق آسف لأني طولت عليكن بس فكرة أخيرة هي أنو اللي بدو يحط موضوع فقط لجمع الردود لا أكثر بتمنى أنو يعرف أنو هالموضوع ما رح يزيد من احترام القراء لإلو بس رح يزيد عدد المشاركات عالفاضي و شكرا كتير و آسف عالإطالة |
وهي نقد عجبك
|
كلامك صح 100%
بس لا تعمم |
اقتباس:
وشكرا كتير |
شكرا اخي انا متفقة معك تماما الاعضاء لا يردون على بعض المواضيع وحتى ان فعلو كل مايقولونه....شكرا على الموضوع واامتال دالك دون ان يعرضو افكارهم وانتقاداتهم
|
llasf alb3d ma finon yfrko ben alnkd w al3dwaneh y3ny shwy tanih beser feha dbabat w shhda khalena hek ahsn
|
اقتباس:
و على فكرة في أعضاء بيكتبو انتقاداتن بشكل رائع الظاهر انت خليجية أنا عايش بالسعودية أنت وين ؟ شكرا كتير عالمرور |
اقتباس:
لحتى يصير فيه نقد و يكون بناء مو جارح شكرا كتير عالمرور |
الكلام صحيح متل ما سبق و قيل الك بس كمان لا تعمم ...
تحياتي :سوريا: |
اقتباس:
شايفين شلون استفدت من نقدكن شكرا كتير عالنقد البناء و المرور |
هون(بهالأيام كثر الحكي عن نزول مستوى المنتدى و أنو ما عاد بالمستوى اللي كان عليه و أنو المواضيع اللي هلأ كلها مكررة أو بايخة و لهالشي أسباب)
|
هلأ بدي اسال سؤال لاعضاء المنتدى
يعني نحنا لما عم نفوت عالاخوية او اي منتدى كان هل للتسليه او تضييع الوقت , ولا مشان نستفيد ونفيد بآرائنا المتبادله سواء كانت نقد للموضوع أو رد أو وجهة نظر بغض النظر كانت حيادية او ضد او مع ......؟؟؟؟؟؟ بتمنى انه يكون في مواضيع شيقة , ومفيدة أو مواضيع يستحق الواحد يعلق عليها أو يتناقش فيها لحتى نتيح ويتاح لنا فهم الموضوع المطرح , وما نحاول نضيع الموضوع بالتفاهات والرد على بعض بطعمة وبلا طعمة . يعني عم لاحظ انه اكتر المواضيع التافهه او المواضيع التي لاتستحق حتى تنحط عم بيكون الرد عليها اكتر من الازم ...لأ وياريت بينرد عالموضوع نفسه , الا كله بيضيعوه بالحكي الفاضي . وبحب ضيف انه يلي بدو يتسلى مثلا في زوايا مخصصة للتسليه والترفيه والمزح .....يعني بقصد نعطي كل قسم حقه بمايعبر عن محتواه بالشكل الائق . و بآخر حديثي اللي بلا طعمة يمكن :p بقلكم انه خلينا نفكر اكتر لحتى نرتقي بعقولنا اللي شوي متخلفة عن باقي عقول العالماللي بعتقد ويمكن غيري بيوافقني الرأي بأنه نكون اكتر تفاهم . كــــل المنى :سوريا: |
مشكور يا ابو أسامة على الطرح العميق للموضع
مشكورة تيريزا على الإضافة المفيدة وياريت يتحسن الوضع |
على راسي اسامة
للصراحة انا اول ما دخلت عالمنتدى كنت من النوع اللي بينسخ مواضيع من منتديات تانية وبحطها بس اول فترة حطيت شي موضوعين قالولي الاعضاء فيهون انهون مكررين قلتلهون جلطتوني كلو موجود بالمنتدى طيب شو الحل قالولي الحل انك تجيب مواضيع من عندك بالفعل ما عاد نقلت مواضيع من منتديات تانية (طبعا الا اللي بشوفها مواضيع مرتبة وبتستحق النقل) هلق انا ما بكتب مواضيع كتير بس بنظري انو اكتب بالشهر موضوع احسن من اني اكتب 10 مواضيع وكلهون مكررين انا معك النقد شي ضروري |
اقتباس:
و أنو المواضيع اللي هلأ فيها شي مكرر شكرا كتير و مبروك انتهاءك من الاختبارات |
اقتباس:
بس حابب لخص اللي قلتيه بالأفكار التالية ( حسب ما فهمت ) : - تحديد الهدف من التسجيل بالمنتدى و اللي يفضل يكون للاستفادة - أنو تكون المواضيع جيدة وبتستاهل النقاش ( و هاد الهدف من الفكرة اللي أنا طرحتها أنو نشجع هالمواضيع ) - أنو المواضيع اللي ما بتستاهل ( كل واحد حسب رأيو ) ما تاخد أكتر من حجمها - أنو وقت الجد جد و وقت المزح مزح ( ونفس الشي المكان ) يعني مكان المزح مزح و مكان الجد جد و بالأخير أنا كمان بقول أنو متل هي المواضيع و الانتقادات البناءة ممكن تساهم بالارتقاء بالوعي و الفكر و بتسلط الضو على أخطاءنا لتفاديها شكرا كتير كتير عالإضافة الحلوة |
اقتباس:
|
اقتباس:
و المثال تبعك خير دليل على فوائد النقد و أهميته و أنو بيأثر و بيساعد على حل المشكلة و الفكرة اللي قلتها عن أنو الواحد يكتب موضوع بالشهر أحسنلو فهي اللي لازم يعرفها كل مشارك بالمنتدى و اللي رح تخليه يهتم بموضوعه أكتر ( لأنو هو موضوع واحد بالشهر ) و بيصير الموضوع أفضل و للمعلومية هالطريقة أنا شخصيا معتمدها بمواضيعي شكرا كتير عالإضافة و عراسي ياطيب |
| الساعة بإيدك هلق يا سيدي 23:01 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون