|
فكرة جديدة اتمنى الاطلاع
كيف الشباب والصبايا؟:سوريا:
أنا حبيت بهالمشاركة اني قدم فكرة جديدة ما حدا سبقني عليها ان شا الله:cry: وهي باختصار: إعادة تنشيط المواضيع القديمة اللي ما أخدت حقها من الاهتمام وأكيد بأخوية في كتير شباب نشروا مواضيع وما نالت الاهتمام المنتظر من صاحبها فإذا كان عند واحد منكن شي موضوع مهم وحاب يعيد تنشيطو بسبب عدم انتباه الناس عليه فياريت يتحفنا ويتفضل يحط رابط الموضوع وشرح عنه. أو اذا كان عندو موضوع جديد وشايفو مهم يا ريت يحط الرابط ويعزم الكل عليه أكيــــد مع الشرح الوافي عن الموضوع بتمنى تكون الفكرة عجبتكن وبترجاكن بدنا نخلي هالمشاركة بس للمواضيع المهمة يعني من خطوات العمل من أجل أخوية أفضل. |
أمثلة
ورح افتتح المشاركات بتنشيط وعزيمة مشان تتعرفو ع الفكرة أكتر:
أولا::سوريا: في موضوع رائع وشامل وحسيت انو ممكن يكون كتير مفيد لعضو جديد اسمه hussam dr وما عاد شفتلو مواضيع بالمنتدى وهالموضوع عن أجهزة موبايلات السوني اريكسون فيو كل الموديلات بالصور والأرقام وحتى البرامج يعني بتصور هيك موضوع متعوب عليه لازم يحقق نجاح أكبر من هيك وتفضلوا الرابط: - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - و ثانيا::سوريا: حابب اعزم الشباب على موضوع لعيت قلبكن فيه وهو لعبة أجمل مدينة في قسم التصوير وهو الي شخصيا :pos: يعني ازا عندك صور لمدينة معينة زرتها أو انت عايش فيها ابعتها على هالموضوع: - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - وميرسي كتير |
أخونا بتتعامل مع جن شي لما فتت هلق كنت بدي حط متل هالموضوع بالضبط و كنت بدي سميه
( أجمل مواضيع أخوية ) ما بتتخيل قديش تفاجأت لما شفت الموضوع عالعموم فيه موضوع الي شخصيا بالمكتبة فيه رابط لموقع فيه ديوان المتنبي كامل مع نبذة عن حياته و فيه كمان أنك بتقدر تعمل مساجلة شعرية بينك و بين المتنبي ( يعني تكتب بيت شعر بيعطيك الموقع بيت شعر للمتنبي بيبدا بآخر حرف من البيت اللي أنت كتبته ) و كتير شغلات عن المتنبي بشكل رائع و منظم مع العلم أنو المتنبي شاعر عظيييييييييييم أكتر ما أي انسان بيفكر و كل يوم بيكتشف اللي بيقرا للمتنبي قديش هالشاعر عظيم و للمعلومية كنت مفكر أنو الموضوع يتثبت لأنو كتير مهم و فيه معلومات كتيرة عن المتنبي ( يعني فينك تقول موسوعة المتنبي الشاملة ) بس بتعرف أنو لهلق ما حدا حط رد :cry: :cry: و الرابط هو : - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - و شكرا كتير ( حلال عليك الموضوع ) |
وانا بأيد هالفكرة عشان اسم الله صاير في بلاوي مواضيع بالصالون ما عم نلحق نرد عشي منن
|
بتمنى تكون وضحت الصورة من خلال الأمثلة
وياريت يصير بحث عن مواضيع مهمة للكل وطلب من الادارة يعني اذا موضوعي المتواضع بيلاقي محل للتثبيت بالمنتدى يعني ازا بيستاهل بس ,فياريت ما تبخلو بالتثبيت وشكرا |
اقتباس:
والموضوع خطرلي بطريقة كتير غريبة كنت بدي نام و فجأة وردت دون سابق انذار فكرة الموضوع يلة هي دليل قرب القلوب والموضوع ع حسابك يا قلبي مو بيناتنا :سوريا: :سوريا: :سوريا: و هلأ انا رح شوف الرابط اللي حضرتك باعتو |
هلأ الفكرة حلوة بس بهيك حالة يعني رح نفوت بالحيط يعني خلي الجديد أحلا :سوريا:
|
اقتباس:
والجديد أكيـــد مهم ونحنا مو ضد بس مشان المواضيع المظلومة وكمان منفتح باب عزايم للمواضيع الجديدة المميزة مشان نتلافى بالمستقبل قصة التجاهل وبهالحالة بياخد كل موضوع نصيبو من الشهرة وبالنهاية شكر كبير الك حبيب قلبي |
يا شباب دليل نجاح الموضوع هو:
تثبيت موضوع أبو اسامة خاص بالمتنبي بعد نشره هنا لذلك أدعو الجميع الى التفاعل وشكرا |
موضوع جديد
مثلا خدوا لقلكن هالموضوع الحلو
for kakabouda اسم الموضوع (تعو رجعكم على أيام زمان أيام الطفولي 1) بقسم الموسيقى وموجود هنيك مقاطع لأغاني أفلام الكرتون اللي بتصوري انو الكل بحبها لذلك بتمنى الاطلاع وأي شخص عندو أغاني كرتونية ينشرها كمان وهادا هو الرابط - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - وشكرا |
موضوع جديد
فكرة طريفة وكتير حلوة لاختيار اسوء عضو في أخوية للعام 2005
انا عرفان انو العام انتهى بس بغض النظر عن السنة الموضوع حلوووو كتير وخلينا نختارو هلأ لأنو السيئين كتار وكتير ممكن كون أنا واحد منهن...... باسم مسابقة أسوء عضو بقسم مسابقات for tarek007 انا كتير حاب انو الكل يشارك بالاختيار ضمن المعايير اللي زكرها العضو تفضلوا بالدخول - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - وميرسي كمان مرة |
مشكور والله فكرة حلوة وانا بأيدك فيها
|
| الساعة بإيدك هلق يا سيدي 08:21 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون