|
هل عدد المسيحين في المنتدى أكبر أم عدد المسلمين؟(يهمني تصويتكم!)
السلام على من أتبع الهدى!
بداية سأعرفكم بنفسي. أنا خريف دمشق مشرف في أحد أكبر المنتديات السورية (سوريا غيت soriagate) ولن أضع وصلة هنا لأن قوانين منتداكم قد تمنع هذا. وصلت لمنتداكم عن طريق دليل المواقع السورية وأنا كنت عم أعمل لفة بالمنتديات السورية الكبيرة جميعها لأرى مستوى بقية المنتديات السورية وما قد يميزها عن منتدانا.. اكتشفت منتدى سوريا غيت وتسلسلت فيه حتى صرت مشرفا بعد أن أعجبت بتصميمه المميز ومدى رقة اعضاءه وكونهم خدومين وقليل ما تلاقيهن فايتين بجدالات عقيمة. زرت منتدى شبابلك وأعجبني كثرة عدد أعضاءه وخلفياتهم الثقافية وتفاعلهم الجيد في المواضيع الحوارية لكن تصميم المنتدى ليس على القدر المطلوب كما أنه كثيرا ما يحدث جدالات عقيمة بين الأعضاء توجع رأسك! زرت منتدى شباب أون لاين وما فيه من بساطة الأعضاء وتحشيشهم (يعني ظراف) ولغة المنتدى شامية شبيهة بلغة منتداكم بس تصميم منتداهم هناك ليس متقنا.وعدد أعضاءهم قليل (5000) مقارنة بالمنتدين السابقين. طبعا زرت منتديات سورية كثيرة غير المذكورين ولكنها جميعها لا تستحق الذكر.. أخيرا زرت منتداكم وأعجبت بتصميمه البسيط وألوانه الرائعة وأعجبت بكثرة الردود والتفاعل مع المواضيع رغم أن عدد الأعضاء قليل نسبيا ولكن يبدو أن كل الأعضاء نشطون ويشاركون.فعزمت على المشاركة معكم وان كان هذا سيعيدني عضوا جديدا عدد مشاركاته صفر أي أن علي بناء سمعة من جديد! التحفظ الوحيد لي على هذا المنتدى أني سمعت أن إدارته مسيحية وتتساهل مع التعرض للدين الاسلامي والاستهزاء بالرسول وقد لمست هذا بعد أن تجولت في قسم حوار الأديان ورايت كيف يسمح بالتعرض لرسولنا دون تحرير! في المنتدى الذي أشرف عليه لا نسمح لأحد بالتعرض لا للدين الاسلامي ولا للدين المسيحي بأي شكل من الاستهزاء فلماذا تسمحون بهذا هنا؟! على أي أردت نشر هذا التصويت لأعرف هل نسبة المسيحين هي الغالبة على هذا المنتدى وعلى مشرفيه؟ لو وجدت أن النسبة متقاربة بين عدد المسلمين والمسيحين فسأتابع معكم لأنيي حينها سأجد من سيقف معي في حال تم الاستهزاء بالاسلام! أعرف أننا كلنا أخوة سوريون سواءا كنا مسلمين أو مسيحيين وأنا عندي أصدقاء مسيحيون ولكني لا أحبز في نفس الوقت ان أكون في منتدى أن من المسلمين القلائل فيه لأني سأحس بغربة هنا! أتمنى أن أعرف النسبة لذلك ارجوا من الجميع التصويت واعطائي رأيهم فيما ذكرت.. وذا استمريت أعدكم بأن أكون مميزا.:سوريا: |
اهلين فيك يا حبيب..:سوريا:
انا متاكد من شغلة يمكن انت اسمعت انو في تحيز بس انا متاكد انك وقت فتت عحوار الاديان لقيت العكس تماما لانو هنيك كل المواضيع فيها تماس بالدينين حتى للمسيحية اكتر.. وخلينا الك شغلة انو ما دخل عدد الاعضاء المسيحية والمسلمين يعني برات حوار الاديان صعب اتلاقي اعضاء عم يتناقشوا بهالموضوع المهم كلنا سوريين مسلمين او مسيحيين ما بتفرق.. وبتمنى تنبسط بالمنتدى معنى.. تحياتي.. |
اول شي هلا فيك
تاني شي انا ماراح صوت تالت شي الادارة مسيحية صح لانو الموقع اسمو اخوية سورية مسيحية - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - بس في شغلة انو بالاخوية مافي تفريق يعني الاعضاء كلون سواسية مسيحين مسلمين ملحدين يهوديين بوزين .........الخ ومافي تفرقة بالمرة بس ما بظن انو انت قريت المواضيع الي بتخص الدين المسيحي الاسلامي بتلاقي الاعضاء المتأسلمين وبالذات الخليجين وبالذات بالذات السعوديين بيخربوا كلشي بيكون ماشي الحوار وعين الله بيفوتوا بيخربوا كلشي بالعصبية تبعون وكلامون الي ما بيدل الا على التخلف وهني طبعاما بيدلوا على الاسلام بيدلوا بس على نفسون هني ماكانوا محترمين لاسف يعني كانو يسبوا بكلام وسخ شباب وبنات الاخوية ومابعرف الا لسا في شي مسطرة موجودة تروح تشوفها او شالوها المشرفين يعني وصلت ليوصفوا البنات عنا ببنات الهوى على قولة احد الاعضاء السعوديين بس طبعا ماحدا رد عليه لانو الاخوية ارقة من هيك ناس ومشان ما تعذب حالك نسبة المسيحين هي الغالبة على الاخوية لانها الاخوية مسيحية هيك اسمها ومن الطبيعي انو تدعم عقيدتها بس دون النجريح بعقيدة اي حدا |
يعني شو النية من الموضوع ما فهمت ...
تاني شي ماعاش اللي بدو يزرع طائفية بالمنتدا لأنو عن جد مو لقيانة و الصد دائماً و بالذات هيك مواضيع و استفسارات طائفية سخيفة عم تجي من طرف أخواتنا الاسلام ... فلو سمحتوا بلا هيك مواضيع مانها هادفة ... |
100 وردة أخي خريف دمشق
مع أحترامي للشباب و ألك هذا الموضوع تم عليه نقاشات كتير و حوارات كتير و هو توجه المنتدى رح حاول وصلك فكرة بسيطة بتمنى تتقبلها أخوية : " منتدى سوري " فقط هلق من كلمة سوري منقدر نفهم أنو منتدى يضم شباب سوريا باختلاف مللون و عقائدون و أفكارون .... يعني لا توجه المنتدى مسيحي ولا أسلامي ولا يهودي ولا بوذي ولا أي شي ولا هو منتدى أشتراكي ولا ليبرالي ولا شيوعي ولا أي شي كمان يعني الموقع يلعب دور حيادي بشكل خصوصي بأمور الدين و العقائد الفكرية و السياسية و المذهبية هلق مشان الأدارة : الأدارة مانها مسيحية في مشرفين مسيحين و مشرفين أسلام مشان التعدي عالرسول الكريم متل ما اتفضلت .... بدك تقدر تقتنع بشغلة أنو منتدى أخوية هو منتدأ رأيي حر يعني أنا بقول رايي بكل حرية و شفافية ممكن أنت شفت أنو في تهجم عالرسول إذا شوي بتدور بتلاقي تهجم عالسيد المسيح و إذا بتدور بتلاقي تهجم على معتقدات مختلفة بس تأكد هالشي مو يعني تسيب هلق فيك تروح عالموضيع بحوار الأديان رح تلاقي كل موضوع من الموضيع مربوط باسباب قابلة للنقاش ... و حرية التعبير بيلعب دور كمان و من ناحية تانية مافي شخصية غير قابلة لنقد ضمن البراهين و الموضوعية فمافي شي بيمنع أي شخص من أعطاء رايو و أبداء حريتو و أنهائها مطرح مابتدا حرية غيرو و شغلة تانية - أخوية : هو المنتدى الوحيد يلي بيسمح لكل زائر أنو يكتب و يبدي رايو ب بريد المنتدى دون مشاركة و بريد المنتدى فيك تطرح فيه أي تساؤل أو أي مشكل بتحب تستفسر عنها بكل وضوح هذا حكي فيك تقول أكتر من مختصر بس بظن كافي و وافي لسؤالك مية هلا نورت |
مع احترامي الك معلم
بس ردك في نوع من المابعرف شو بدي سميها مابدي قول كلمة تزعلك "اذا في اسلام كتير بالمنتدى بشارك واذا مافي ما بشارك" شو هالمنطق هاد بالنسبة لحوار الاديان اذا فعلا قريت فيه بتلاقي انو الحوارات مو بس حول الدين الاسلامي الحوارات حول كتير معتقدات وباولها الدين المسيحي بتمنى تفكر باخوية كمنتدى سوري وتبعد عن الافكار العقائدية المتعصبة لانو هوي منتدى سوري |
هلىء انا ضد هيك شغلات وخاصة بالمنتدى
بس انا صوتت كرمال ديني الأسلامي |
شو بدو يحكي الواحد كتبت رد طويل عريض و رجعت محيتو عل نكشة
لككك .............. |
اقتباس:
|
اقتباس:
|
الطائفية موضوعة بأول الموضوع : السلام على من اتبع الهدى ... و للتأكيد اشارة ! بعدها ..
يعني والله العظيم ما بدي احكي مشان ما اغلط .... |
اقتباس:
وثانياً : لاحظ هالشي أنت الي بديت بالتهجم على الخليجين ولاتسئل بعدين ليه يصير كذا OK اقتباس:
ممكن تروح وتقرا اهدافهم وللمعلوميه أغلبية أعظاء الحزب من الذين اسسو هذا المنتدى اقتباس:
يكون الخليجي بالبدايه محترم لين يجي شي واحد ويعطيه كم كلمه فطبعاً مو معقوله انه يسكت وهذا شي انت تعرفه بنفسك اقتباس:
وانا راح اجيب السووريين الي قامو بسب ويمكن بين هالشي من اكثر المواضيع الموجوده بالمنتدى اقتباس:
ويعطي كل واحد حرية التعبير عشان كذا ماراح يشيل شي اقتباس:
اقتباس:
اكثر المواضيع الي ملاقيه نشاط وأكثر ردود ومشاهدات هي مواضيع المخانقات. وأخيراً وليس آخراً حبيبي خريف دمشق المنتدى عنصري جداً لايهمك مهما قالو لك انت روح وشوف المواضيع واحكم بنفسك لاتنتظر احد يروح ويشوف ويحكم لك وبالنسبه للأغلبيه الي هنا مسيحين مآ ظن مستاهله تسوي تصويت وتشوف :) تقبل مني ارق واطيب التحايا |
هلق هيك يا حبيبات البي اولا: ولا واحد بيعرف شي بالدين الاسلامي...مع احترامي للجميع.
تانيا: هلق ازا كل واحد بدو يتعصب للدين لحتى مانفوت على هالمنتدى.....تالت شي وانا كمان مسلم بس هاد مابيعني انه انا بكره المسيحين.(على العكس عنى زملاء كتير بالجامعة)...بس ازا في مين عم ياكل هوا عن الدين يسد حلقوااااااااااااااااااااا اااا...لانه الدين في مين يحفظه من اكل الهوا...مو كل واحد عامل حالو عنتر زمانه او هوي شي نبي مرسل من عند الله |
اقتباس:
لأنو الأخ واضح انو عم يفكر بشكل طائفي حتى قبل ما يفوت عالمنتدى :arrowl: اقتباس:
اقتباس:
وازا لأ..... لا تنسى تسلملي ع هدى :pos: :سوريا: |
اقتباس:
السلام على من اتبع الهدى معناها السلام على من ابتع الإسلام والمقصود في الرد السلام على من أتبع الهدى يعني السلام على من اتبع الإسلام يعني يوم قلت بردك سلم لي على هدى فيه إستهزاء إذا كنت تدري طبعاً بالمعنى أما : إذا كنت ماتدري فــ عفى الله عماّ سلف :) تحياتي |
يا عمري يا 3 شحطات نا ويلك على شي مشكل كمان اليوم
|
اقتباس:
|
المعلم.O Aلا تلعب كتير بالنار حبيبي عم يقول (اتبع الهدى)يعني انهدى على دين الله ....وصار
يعبد الله مو وثني يا ك.......................... دير بالك ولا تغلط على الين الاسلامي |
| الساعة بإيدك هلق يا سيدي 03:12 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون