|
منرحب بالعضو butterfly ميت السلامي...
مرحبا butterfly!
بعد التحية والسلام والذي منو.. بودنا هون لو بتعرفنا شوي على حالك .. هيك يعني شو بتعمل و شو عملت بحياتك وهيك شغلات .. غير هيك طبعا بالبداية مهم تتعرف اكتر على الشباب والصبايا هون وتعرف الجو والوضع العام للمنتدى وهيك .. وبنفس الوقت مهم اذا لزمك مساعدة او هيك شغلات كمان ضروري تستفسر وبدون هاي ضروب الحياء .. وروح شايفك |
butterfly ... وما عساني اقول ؟
السلام
أنا بعرّفكم .. :سوريا: butterfly .. صعب حدى يعرفها .. إن كان ما بيعرف يقرا بين السطور .. صعب حدى يفهمها .. ان كان سطحي الأمور .. butterfly صديقتي .. وست الصديقات ... نورتي يا عيوني :hart: |
اي أهلا و سهلا فيكي و برفيقتك ..
على سيرة الفراشة ..حضرانين فيلم butterfly effect ؟؟ الفيلم حلو كتير .. مع إني ما فهمتو إلا بعد ما حضرتو شي خمسين مرة .. سلامات .. |
مراحب
بداية الاستقبال كتير مميز بهالمنتدى .... أكيد ما رح أأقدر أكتوب كتير عن حالي .... مو لأنو خجلانة أو هيك قصص بس ما عم أأقدر أكتب شي وقول هادا أنا بس .... بتمنى انو شارك اكتر وأتعرف أكتر على الأعضاء بس أكيد أنا أسهل من الفيلم لا تخاف :cry: |
:lol: :lol: ولك ليـــــــــــش عم تبكي؟
ولك سعيد انت على طول هيك بتخوف العالم :x عم امزح معك عيوني نورتي المنتدى ولاتستحي ولا على بالك اعتبري حالك ببيتك وبين اخواتك :سوريا: |
يا اهلا وسهلا بترفلاي
نورتي المنتدى لا تغيبي عنا هاه ناطرين مشاركاتك |
هلأ هي أكيد مانها عمتبكي لأنو خيفاني مني ..والله أنا حباب ما بخوف حدا و القط بياكل عشايي .. بس هي خيفاني من الفلم .. ما هيك ست فراشة ؟
على كلن ... إعتبري البيت بيتك .. و إذا لزمك أي سؤال خيتو هون نحنا جاهزين .. يللا سلامات |
باترفلاي....
بس حبيت قلك انو وجودك هون حيشرف الأخوية ..... كل الشباب والصبايا خير وبركة ... بس المهم، انو الأخوية بوجودك نورت بجد ... وبدون أي مبالغة..... بكرا لما بتعرفك الأخوية أكتر.... بتفهم شو عندها... ولا حب خارج حدودي نونة |
اهلا وسهلا فيك اخي الكريم
|
| الساعة بإيدك هلق يا سيدي 10:22 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون