أخوية - احلى تلات نكت اسمعتون لهلق ..

1- في اثنين ميتين قعدوا الصبح حد القبر عم يتسامروا , سألو الأول للتاني أنت كيف متت ؟ قام قلو : أنا متت من الفرح , و أنت كيف متت ؟ قلو التاني : أنا متت من البرد , بس خبرني كيف متت أنت من الفرح ؟ جاوبو الأول : و لك مرة كنت قاعد بالقهوة ما شفت غير إجا لعندي رفيقي و قلي و لك ركود .. لحق .. مرتك عم بتخونك بالبيت .. فطرت بسرعة و فتت عالبيت فلقيتها مانا خاينتني و قام غط عقلبي من الفرح و متت ..
و قام قلو التاني : الله يسامحك و لا يعطيك عافي .. كنت افتاح البراد كنت لا أنا متت من البرد و لا أنت متت من الفرح ... هههههههههههههه :clap: :o :king:

2- كان في إستاذ فقير كتير يعني متل ما تقولو منتوف و كان عندو طالب غني كتير كتير و كان هالطالب يفقعو لها الإستاذ كل يوم بأنو كان يشق خمسمية ليرة قدام عينو و يكبا بالزبالة .. فراح هالأستاذ ياحرام يشكي همو لمرتو فاقترحت عليه أنو يشارطو لها الطالب و يسألو سؤال صعب كتير مثلاً مين أقوى محارب بالعالم .. ما بيعرف .. فبيربح الأستاذ ..
و هيك إجا الأستاذ تاني يوم الصبح مكيف و قبل ما يشق الطالب _المعوفو النجم_ الخمسمية ليرة قلو : عمهلك قبل ما تشقا رح إسألك سؤال إذا عرفتو بعطيك أنا خمسمية أما إذا ما عرفتو بتعطيني هالخمسمية اللي معك .. قلو الطالب : ماشي اسأل .. راح الأستاذ سألو : مين هوي أعظم دكتور بالتاريخ ؟ فجابو الطالب عالفور : الدكتور بشار الأسد .. قام قلو الأستاذ : مسوك هي تلاتمية ليرة .. و بكرا بجبلك الباقي ..هههههههههههههه :aah: :aah:

3- مرة في واحد حمصي راح عالشام بالسيارة .. شاف إشارة مرور و تلات ألوان و قام سأل واحد بالشارع قلو : لا شو هالألوان ؟ جاوبو هداك : ليش منين الأخ ؟ فقلو الحمصي أنا من حمص و الله ..قلو هداك : أيوا .. ليك .. الأخضر للشوام .. يعني بس ضوت أخضر بيمروا الشوام .. و البرتقاني للحلبي بس ضويت برتقاني بيمشو الحلبيي .. أما الأحمر فهوي للحماصنة .. قلو الحمصي : يسلمو .. و فعلاً ضويت الشارة أخضر و مرقت سيارات كتير و قام قال الحمصي لحالو : يا لطيف شقد في شوام .. بعد شوي ضوى البرتقاني .. مرقت كم سيارة .. فقال لحالو : و الله الحلبيي قليلين . . و أخيراً ضويت الشارة أحمر .. فقال الحمصي إجا دورنا و مشي بالسيارة .. و قام صفرلو الشرطي .. راح الحمصي مد راسو من الشباك و قلو : لك أنا حمصي .. حمصي و قام قلو الشرطي : و لك روح .. روح ..هههههههههههههه:lol: :p
ملاحظة : بعكس النكت اللي بتنحكا عنون .. الحماصني أذكى شعب ..