|
هموم عاشق حلبي
هموم عاشق حلبي :
رحت أوعد الحجة(المحبوبة) بلحديئة شفتا بيركة علزريئَ تخبيت وحشتلى وردة بعد ماهديت ياها ,بدون أصد طلعت بقلة أتلا يا مخلوئا أنا بحبك وبوعدك من اليوم ورايحما أضربك أنا عندي مصاري وسيارة ومستعد أسكنك بأحلي حارة ومنشان ما أخليكيتستني وأظلمك اليوم بيعت أمي تخطبك اّم جاوبتني بلا قاق وقيق أنت بس أخ وصديق من أهري منَّا شلحت الصرماي وضربتا على تمّا سنونَا طبت والأدمية تشرشر منّاَأهرتني ألله ينتأم منَّا اّم أنبني ضميري وأتلّا ياخيتو لا تواخزينا عصبنَّا رحت علبيت مزعوج شفت أختي الظغيرة ضربتا بلبابوج طلعتلي الآدرة أما ألتلي لك ليش عبتضرب أختك أنا بورجيك ستنا أتلى الك أشبك تركينا بهمنا بلا ما أأومأخرب الدنيا بعدين هديتا أتلّى لك يا يوم أش طيبخة اليوم وبعد ما حطينا ياخيو المحشييي وليبرأ والكبة بصينية وأكلنا ما بأ أسأل علدنيّ كلا:cry: :cry: |
مو ظابطة معك يا عيورة وما كتير حلوة ول مخهضومة مشكورة على كل حال
|
اقتباس:
عنجد آسفة:( :( |
حلو كتير عبورة ومهضوم كتير
:clap: :clap: :clap: :o :o |
مشكورة يا عبورة على ردك والله يوفقك لا ولا يهمك بالنسبة الي انا ما بتزعجني هيك مواضيع حتا ازعل منها
لا تعتذري ما بدها كطل هل الشي مشكورة يا مزوقة يا احلى عبورة |
يعني ملعوبة ليش الكذب ...
شو أب حلب ... أي يا خيو .. عبألك |
واو بتعقد ...
مع أني من حلب بس عن جد بتموت من الضحك |
شكراً إلك المستحيل:سوريا: :سوريا: :سوريا:
و شكراً للكل عالمرور:سوريا: :سوريا: :سوريا: :سوريا: |
| الساعة بإيدك هلق يا سيدي 13:24 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون