|
السلطات السورية تعتقل عشرات المواطنين في حمص
أفادت "اللجنة السورية لحقوق الإنسان" (لندن) بأن السلطات الأمنية أقدمت على اعتقال عشرات الشباب من حي باب الدريب في مدينة حمص، إثر مصرع عنصر أمن في الحي المذكور، في ظرف لا تزال مجهولة.
وأوضحت اللجنة أنه منذ يوم الأحد 12 كانون الأول الجاري (2004) "وأحياء حمص القديمة تعيش حالة من الرعب والتوجس نتيجة التواجد الأمني المكثف وعمليات الاعتقال العشوائية العديدة". ونقلت اللجنة عن مصادرها أن "عدد الموقوفين إثر الحادث قد يصل إلى مائة معتقل". وبينما عبرت اللجنة عن استنكارها "اعتقال المواطنين الأبرياء على الشبهة، وتستنكر نهج بث الذعر في نفوس المواطنين، وعدم اتباع الأساليب القانونية المفضية للتوقيف والاعتقال"، طالبت "لسلطات السورية بالإفراج الفوري عن الموقوفين بسبب هذه الحادثة الأليمة، ووقف الاعتقال على الشبهة وبدون مبرر قانوني وجيه. وتبدي تعاطفها مع الموقوفين وذويهم"، حسب تعبير اللجنة أخبار الشرق - - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
شو القصة شباب؟؟؟ :shock: :shock: :shock:
|
اقتباس:
|
والله أنا اليوم سمعت بالموضوع
كأنو رجل الأمن كاتب تقرير مانو عاجب بعض العالم فحرضو عليه جماعة قتلو وقطعو وحطو بكيس وعلقو على باب الجامع (طبعاً على ذمة الراوي) وسمعت عن مشاكل كتير صايرة بهالفترة بنفس المنطقة يعني قيامتن قايمة :aah: |
اقتباس:
يعني نحنا عايشين بنص حمص القديمة ولا في تواجد أمني لا مكثف ولا غير مكثف و كل اللي صار أنو تم القبض على عدد من الاشخاص اللي الهن علاقة بالشخص الهربا ن و اللي هو ع الاكتر ارتكب الجريمة . ولا في حالة ذعر و لا في حالة توجس بالعكس في حالة من التعاطف ( النادر) مع عنصر الأمن الضحية اللي تم قتلو بطريقة همجية و التمثيل بجثتو داخل مسجد !! بالوقت اللي مافي أي شي ببرر هيك نوع من التصرفات و لو بشكل عاطفي . و أنا برأيي بدل ما هاللجان تعلن استنكارا للاعتقالات تعلن استنكارا للجريمة بكون احسن , الا اذا كانو جماعة حقوق بعض الانسان |
معو حق نحن عايشين بنص حمص القديمة و مافي شي منوب من يلي عم تقولو
بس لو هيك بظن أنو القصة بتستاهل لأنو يلي صار مانو قليل منوب |
مظبوط يا شباب :?
قبل عيد الميلاد بنهارين شي الساعة 12 بالليل انا شفت سيارات الامن والشرطة بشارع السكة نازلة باتجاه باب الدريب وكانو 8 سيارات واجو على دفعات وكانت سرعتون مليون :shock: بيجوات ...اوبيلات ستيشن حمرا (أم الواوي) :lol: ...لاند روفرات ... 8) 8) 8) |
القصة يا شباب أنا بعرفها كلها
وهيي انو في شيخ لجامع بهديك المنطقة هدد عنصر الأمن من القدوم وانتو بعرفوا انو كل المواقع الدينية والتجمعات عليها مراقبة وهاي شغلتو للزلمي يعني شو بدو يسوي ... المهم مارد على تهديد الشيخ وبيوم بيهجمو عليه 4 أشخاص وبيضربوه فوق الـ20 طعنة وبيلفوه بسجادة وبيزتوه على العلية بالجامع وبيهرب الشيخ على الأردن الموهم هدول الأربعة هني الشيخ نفسو مع 3 شباب تحت الـ18 سنة القصة بتنكشف لما واحد من هدول الشباب بيروح لعند أبوه بيقلوه انو اليوم يا بابا أنا دخلت الجنة بيستغرب الأب وبيقول شلون يعني دخلت الجنة بيجاوب الولد الشيخ قلنا كل ما منقتل علوي منفوت على الجنة واليوم قتلنا واحد بيستغرب الأب وبيتأكد من الموضوع وبياخد ابنو على الأمن فورا وبيحكيلن التفاصيل المهم الله يعطين العافية رجال الأمن بيوصلولوا للشيخ وبيجيبوه وبيعترف بكل شي وعلى حسب ما سمعت انو طلع تابع لتنظيم أخوان مسلمين بالأردن وانو عندن معسكر بمزرعة قريبة من حمص والأمن القو القبض على 150 شخص تقريبا بقلبها وانو كانت شبيهة بمعسكر لتدريب جيش وانو كانو محضرين أعمال ارهابية على راس السنة هلق هيك وصلني خبر وبعتقد انو المصدر يعني مانو كاذب |
اقتباس:
:lol: :lol: :D |
شكرا
|
استفتاحية راس السنة :? الله يستر من الجاي :roll: :jakoush:
|
شو مشان أنا حمصي و أول مرّة بسمع هالشي ؟؟؟؟؟
:shock: :shock: |
| الساعة بإيدك هلق يا سيدي 14:05 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون