الغربة كربة
 

الصراحة ما في اصعب من الغربة لأنو الواحد مو بس بعيد عن اهلو وبعيد عن بلدوا واصحابوا .
هيك بدا الايام بتفرض علينا همها وبتحملنا اياه كأني ما بتكفينا همومنا يعني الواحد اكيد مابسافر بكيفو لأنوا بيركض يمين ويسار وبيطلع وبينزل وآخر الشي مابيكون جمع شي يعني اللي بيجيبون بشهر بيصرفون باسبوع لأ مو بس هيك كمان بيكون حارم حالو من كل شي من طلعات وفوتات ورحلات بس الواحد شو بدوا يساوي بفكر انوا السفر رح يحققلو كل احلامو ولما بيسافر بينصدم بالواقع الغريب اللي اجا عليه وعادات غريبة وكل شي بيحسو غريب يعني بيعيش الغربة غربتين وماالو غير يتحمل ومتل مابيقولوا الصبر مفتاح الفرج .

صحيح انو اقسى شئ انو الواحد يتغرب لدراسة وبعدين يفشل فيها ويرجع بعد ما يخلص
وما يتوظف:pos:

والله معك حق يا شام الغربة كربة وشو ما كان سببها ان كان دراسة ولا شغل او حتى زواج بس بصراحة شباب يعني الواحد بيقدر يتحمل بشوية صبر مو هون المشكلة بس بتعرفو ليشها كربة بالنسبة الي انا اسفة سلفا و من دون زعل بس راح قول الواقع اللي عايشينو هون نحنا مثلا بالغربة بتعرفو من مين اجانا الكرب و الله العظيم من ولاد بلدنا يعني مو معقول تصرفاتهم مع بعض هون الله لا يدوقها لحدا كل واحد بدو يحفر للتاني وصدقوني علاقاتهن كلها نفاق يعني انا قلت الحمد لله انو في كتير من ولاد بلدي صبايا و شباب وهيدا الشي بيهون علينا غربتنا لكن قسما بالله هنن سبب تعاستي هون ولا تقولو اني عم زيدها لا و اللي خلقني بس اكيد هيدا الشي ما بينطبق على كل اللموجودين يعني في المنيح وفي اللي مو منيح اكيد ما بتخلا الدني بس الواحد على كتر ما بينصدم هون بيصير بينصح اللي متغرب جديد انو يبعد عن العرب وين ما كانو للاسف يعني بكرر اسفي بس الغربة بتظهر معدن الناس على حقيقته يعني من دون تلوين وتزييف يلا شو بدنا نساوي سنين و بتنقضى وان شالله كل متغرب بيرجع ع بلدو
ويا رب تهون علينا ونقدر نرجع ع ســــــــــوريــــــا ونرجع لترابها الغالي
اخر شغلة بدي قولها انو اللي كتبتو ما بينطبق اكيد ع الكل متل ما قلت
بس صدقا انو كمان مو حالة فردية خاصة هون حالة عامة ولو بدي اضربلكن مثال عن اللي عم نعيشو هون بالغربة ما بتصدقوا بس يلا الله بيعيننا
اسفة للاطالة و شكرا ع الموضوع

الغنا بالغربي فقر ... والفقر بالوطن غربي :cry:

معك حق الغربة اكيد كربة بس في اوقات بتكون راحة بال:pos:

أنا بخالفك يا أختي مستحيل تكون الغربة راحة بال لأنو الوطن مزروع بالروح بالقلب ... حدا اذا انتزعت منو روحو بكون مبسوط .........

اللي ما بدو يشتغل ليحقق احلامو بالتأكيد ما رح يحققها
لان احلام الانسان ما رح تتحقق بضربة ايد (طبعا ممكن تصدف مع شي شخص وتصير معو بضربة ايد بس بشكل عام)
الفرق بين الغرب وبلادنا
انو بالغرب في مجال تحقق احلامك وكلشي مأمن مشان تحققها ما على الواحد غير يسعى الها
اما عنا اذا الواحد حلم شغلة كبيرة بتكون

الغربة صعبة
بس ليحقق الواحد احلمو عليه يتحملها

الغربة كربة
 

يعني الواحد مابيكفي انوا عايش متغرب لأ بتلاقي في كتيرين من اللي عبيحفرولوا من تحت لتحت ويمكن من اكثر الناس اللي كان بيعتبرون من اعز الناس بس يا خسارة بلحظة من اللحظات بلاقي الدنيا مسكرة بوجهو وبهيك حالات المفروض الواحد يتعلم وما يقع بنفس الحفرة مرتين يعني لازم يعمل تصفية للناس اللي بيتعامل معون وخلي العلاقة عالرسمي مع الجميع وشوي شوي بتلاقي اصحاب خرج انك تتعامل معون وتصاحبون بس ما بيعني هالشي انو بثق فيه كل الثقة لأنوا بلحظة من اللحظات بيضيع كل شي لما تتعارض المصالح وما فيكون تلوموا حدا لأنوا هذه هي الغربة .
والموضوع الثاني موضوع الشمولية ........
يعني لما بنشمل ونعمم الشيء واكبر غلط لما قول كل المصرييين وسخيين وكل البنانييين شايفين حالون و.......الخ
اكيد كل الناس خير وبركة وكل واحد ابن امو وابو لانو في كتير بيرفضوا الغلط بس مافيون يعملو شي .
بصل لنتيجة انوا الاساس هو التعامل والمعاملة خليني كون منيح لحتى كون صورة حلوة عن بلدي لأنو انا هون بمثل كل بلدي فلازم اظهر الجانب الحلو من بلدي بالرغم من كل ما اعانيه والقاه من مشاكل وصعوبات .
كل عان وانتوا بالف خير وانشالله العيد القادم مجموعين مع اهلينا واسرنا .
وشكرا"

قلبي معكن الغربة مو سهلة أبداً ........ والله ايعينكن عليها

من الصعب اتخيل حالي عايش برا سورية أو ابعيد عن أهلي ........ عن اصحابي ..... عن شوارع

الشام ........ عن جبل قاسيون ........

بس أحياناً الظروف بتكون أقوى من الواحد .......... بتمنالكن التوفيق وين ما كنتوا