|
موضوع للنقاش.......هل تتزوج فتاه تكتب في المنتديات
هل تتزوج فتاه تكتب في المنتديات؟؟؟؟؟؟ ____________________ جاءت اليها أمها ووجها يتهلل فرحا وقالت بنيتي لقد جاء فلان وابنه لخطبتك الجم الفرح الفتاة اخرس لسانها ونطقت عيناها ببريق السرور : الان سيتحقق حلمي ابني بيتا من السعادة واربي جيلاً يكون قطعتا مني اربيه على ناظري يكون عونا لي في الدنيا وذخرا لي في الاخرة لم تبت تلك الليلة فهي لاتحتاج النوم بعد ان تحولت احلام نومها الى حقائق تداعب يقضتها......................... وافق ابوها على الخطبة وتمت الرؤيه الشرعية سر بها العريس وسرت به وابتدى الجميع يوزعون رقاع الدعوة لليلة الفرح الموعودة ذهب العريس الى عملة اخبر بعض اصحابه بأنه سيتزوج ابنة فلان بارك له الجميع وفي اليوم التالي جاءة احد زملائه وقال له الله الله انت اذن ستتزوج الكاتبة الفلانيه التي تكتب في المنتدى الفلاني نظر العريس الى زميله متعجباً عن من تتحدث وماهذا الكلام؟؟؟؟؟؟؟ قال زميله خطيبتك كاتبه في منتدى بالاسم الفلاني ؟ قال وما ادراك ومن اعلمك ؟ قال اختي تعرفها واسرت لها بذلك ؟ وهي تكتب باسم مستعار اتريد ان ندخل الى المنتدى لنشاهد مواضيع خطيبتك ؟ قال العريس والعرق يتصبب ولما لا؟ فتح الزميل المنتدى استخرج بالبحث جميع مواضيعها ثم بدأ الاثنان في التصفح فهاهي ترد على فلان وتشكر فلان وتتناقش مع فلان وتضحك من طرفة فلان وهذا فلان يمدح ماتكتب ويثني على ماتقدم وهي ترد عليه بالثناء والشكر احمر وجه الخطيب وخرج من المكتب واتصل ببيت خطيبته وقال لامها هل تسمحين لي ان اكلم خطيبتي قالت امها لامانع اخذت البنت الهاتف وقلبها يخفق ويداها ترتجفان تخشى من سماع الكلام المعسول او ان لاتملك القدرة على الرد وهو يحدثها عن بيت المستقبل؟ لكنه فاجاءها بسؤال واحد هل انتي الكاتبة الفلانية في المنتدى الفلاني ؟؟؟؟؟؟؟ قالت نعم انا هي قاطع حديثها وقال اسف انا لا اتزوج فتاة انتر نت وأطبق السماعة.................. منقول |
يعني مافهمت! اذا بنت شاركت بمنتدى بتصير معد صالحة للزواج@@!!
اذا ع هالحالة يا صبايا المنتدى عنسنا:clap::clap::clap: |
وليش لاء يعني
يعني شو قلة هالعقل اذا بتكتب بالمنتديات او بتفوت على الانترنت شو رح يغير هادا ما ممكن كمان تكون عم تمازح شب وتضحك مع هاد وتسمع حكي حلو بالحقيقة مو بس على الانترنت بس يعني وقت بيصير شي رسمي بيني وبينا يعني خطبة او زواج يعني وقتا بطلب منا انو تقطع بس اذا ما قدرت بطلب منا تخفف شوي ومشكور موضوع حلو خرج الواحد يحكي في :سوريا: |
سخافة....:jakoush: :jakoush: :jakoush:
|
شغلة عادية وأقل من عادية وين الغرابة انك تتزوج ببنت بتكتب بالمنتدى
بالعكس ممكن يكون من أحسن البنات تحياتي |
أنا مع هيك موضوع .. و بطالب إنو ينمنعو البنات نت الكتابة بالمنتديات كلون ... و كمنا ينحط طلمة سر للإنترنت مشان ماعاد يصير عن بنا إنترنت ... إيواااااه ...
ولا قلكلون .. بدنا نخلي كام صبية هون مشان أمور الترتيب و ما ترتيب و الطبخ و هالشغلات شو رأيكون ... والله العظيم بيصير إنترنت متل ما بدو صاحبنا اللي بالموضوع هون .. (( كانت هاي مزحة .. وتعليقي ... إنو شخص سخيف )) |
روح بابا أصلن ماعما نرجع لورا إلا بسبب الفكر المتخلف إذا في بنت
عنا تتشارك بالأفكار مع حدا ما بتعرف عنو شي إلا يلي بيكتبو والله ما حرم الكتابة ونحن ما عما نطرح مو ضيع هابطة |
شو دخل بنت بتكتب بمنتديات يعني شو بتفرق عن بنت بتكتب بالصحف أو المجلاّت أو بتكتب ع ورقة المذاكرة بالفحص أو .... :lol:
اقتباس:
البنات دوت نت :adal: |
اقتباس:
عم بتعلقوا بس لتبيضوا وج وتزيدوا مشاركات كان فيكن تشوفوا كلمة منقول بآخر الموضوع وناقل الكفر ليس بكافر ويا حبيبي يا صاحب العقل المنفتح اعرف انو رأيي متل رأيك تماما بس شكلك انتا السخيف وأنا بحط عدمتي انو انتا واللي متلك هاللي عم يجعدنو ويهاجمو أضرب من الشب اللي بالقصة بدرجات بدكن من السما حدا تهاجمو |
اقتباس:
التعليق حسب انا ما فهمت انو موجه للشب بالموضوع.. روووق:سوريا: |
مع احترامي لناقل الموضوع :
بس يعني قمّة الجهل : نقطة انتها |
:? :? :? :? :? :? :? :? :? :? :? :? :?
وانا كمان هيك فهمت .. انو الحكي موجه للشخص الي بالقصة.. بس ما بعرف ليش الاخ نزعج من الموضوع وحس انو الحكي موجه الو .... والله غريب :shock: :shock: :shock: :shock: بس بتصير يعني ليش لاء ... وعلى كل الاحوال انا رأيي بالموضوع انو هادا تخلف وسخافي وبس ... وما بعرف اذا في عنجد عالم هيك بتفكر .. بس اذا في فهاداالشي بيكون غلط مي بالمي ... |
لك لو انها حاكي شي غلط ما اختلفنا بس هيك....تؤ تؤ تؤ
|
يعني والله عال
(الحكي مو لالك توو كوول فرند) بس يعني مثلا هلا انا اذا بدي اخطب شي حدا بدي انمنع من النت اي باحلامو بعدين صح متل ماقال ماهر شو فرقها عن اللي بتكتب بالصحف او بالمجلات يعني هلا اللي بتكتب (طبعا بادبها ومحترمة حالها ومحترمة غيرها وعم تحاول تفيد غيرها من العالم ببعض الافكار ماني عم لاقي فيو شي غلط مابعرف بس هالحكي قمة التخلف بصراحة وشكرا ع طرح هيك موضوع:سوريا: |
annou matjawwaz halmakhboul:x
|
اقتباس:
بس عما هاجم صاحب هاد الفكر انت كتبت الموضوع بس مو بالضروري كلشي مكتوب يكون يلي عما يكتبو مقتنع في وليش بدي بيض وج مشان مين |
نيعععق
سخيف :mrgreen: :mrgreen: :mrgreen: :mrgreen: :mrgreen: :mrgreen: تصور انو ناس بتفكر هيك هههههههههه والله نهفة هالمنتديات الخليجية لانو اكيد هالموضوع من شي منتدى خليجي ليك التخلف بالتفكير :cry: :cry: :cry: :cry: :cry: :cry: :cry: :cry: |
والله هيدي القصة كبرا كتير الزلمي ما لازم كان يعمل هيك
بس انا رح احكيلكن قصتي انا شبه خاطبي بس حبيبي بغار عليي بشكل مش طبيعي يعني اوقات لما بحكيلو عن بابا بحسو غار بس اكيدة ما بيعمل شي ومن جهة تانية هو واثق مني كتييييير بس اذا عرف انو حكيت مع شي شب بجن وبيزعل يعني مرة رفيقي حمل ذي تلفوني وعرف هو وصار في مشكلة انا وياه كرمال هيك قال انو بأي حق بيحملك تلفونك وهيك فأنا لاني بحبو صرت حاول اني ( حتي ما احكي مع رفقاتي يلي بالمدرسي ) وهيدا الشي انا من قلبي عم اعملو يعني مرة عمل ايميل وعملّي اد صار بدو يعرف انا كيف بحكي على النت بس زادت ثقتو فيني مع الردود يلي كنت ردا بس بالنهاية اذا ما كان بغار عليي كنت رح انقهر كتير وانا حابيتو هيك والحمد الله متفقا انا وياه متل ما بقولو ( طنجرة ولقيت غطاها ) لانو نفس الطبع:sosweet: :sosweet: :sosweet: :sosweet: بس ما بعتقد انو توصل معو للمنتدى انو ما يقبل قولو هو بيعرف اني انا مسجلي بالمتندى وياريت كان معو وقت كان بسجّل معنا بس بضل مشغول بس هيدا يلي بلقصة كتير متخلّف:jakoush: :jakoush: :jakoush: :jakoush: :jakoush: |
| الساعة بإيدك هلق يا سيدي 21:59 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون