|
الفرق نقطة فقط !!!!!!!!!!!!!!!
مواطن عربي 1: لك شايف النقطة أديش صغيرة ، بس يا أخي بصراحة مفعولها كتير كبير
موطن عربي2: شلون بقا هيك، فهمني لشوف رح أعطيك أمثلة : هلق هنن بيقولولهون غرب بس نحنا بيقولولنا عرب والفرق بيناتنا نقطة هنن صارو شعب الله المختار ، نحنا صفينا شعب الله المحتار والفرق بيناتنا نقطة هنن بيفكرو باستغلال الشعوب ونحنا منفكر باستقلال الشعوب والفرق بيناتنا نقطة يا سيدي هنن قدرو يعملو بين بعضون تحالف ، بس نحنا العرب عملنا بينات بعضنا تخالف والفرق بيناتنا نقطة هلق هنن عندون المواطن وضعو 100% مزبوط ، بس المواطن عنا وضعو 100 % مربوط والفرق بيناتنا نقطة يا سيدي هنن إذا صار غلط بحياتون بيدورو على حكوماتون وبيعملولها إحراج ، أما نحنا إذا صار شي منسكت ومناكل هوا والحكومة بتعمل للغلط إخراج أصلاً أنت بتعرف ليش وصلنا لهلحالة ؟ ليش ؟ لأنو هنن بيتفاهمو بينات بعضون بلغة الحوار ، بس نحنا منتفاهم بينات بعضنا بالخوار والفرق بيناتنا نقطة و مواطنون وصل لمرحلة الحصانة ، بينما نحنا مواطنا لسعتو عم يعيش مرحلة الحضانة والفرق بيناتنا نقطة (لك بوووس أيدك وطي صوتك ، ليأوموا يسمعونا المحابرات) ليش مو على أساس كل واحد يحكي على كيفو والبلد صار فيها شوية ( خرّيّة) ؟ |
شكرا عالموضوع الحلو
|
اقتباس:
|
والله الموصوع اكتر من رائع...اوف انسيت النقطة.
|
| الساعة بإيدك هلق يا سيدي 10:56 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون