|
شو رأيكن بهالقصة؟؟؟؟
هاي شباب
حدى سمع شي عن المعجزة يللي صارت بصيدنايا وطالعوها ع التلفزيون قال في شخص سعودي متزوج بس مرتو ما بتجيب ولاد وهوو كتير غني وحاولوا بكل الطرق بس ما قدرت تحبل مرتو وفي واحد بيشتغل عندو سوري مسيحي قام قللو أنو ياخد مرتو ويروح على صيدنابا ويندر هنيك وانشالله بيمشي الحال قام هاد السعودي عمل متل ما قللو المسيحي قامت حبلت مرتو وهوو ندر أنو يقدم للكنيسة 2000000 دولار اذا حبلت قام رجع سافر على سوريا مشان يوفي الندر وكانوا معو المسيحي يللي نصحو والشوفير تبعوا فاتفقوا عليه انن يقتلوا وياخدوا المصاري قاموا دبحوا من رقبتو وحطوا بباكاج السيارة من ورا وهنن ع الطريق تعطلت السيارة قاموا جابوا ميكانسيا مشان يصلح السيارة قام حسس أنو في شي غلط فخبر الشرطة ووقت أجوا الشرطة وفتحوا الباكاج طلع السعودي مننو وما فيو شي قاموا استغربو قام قللون انو شاف متل ضوو وطالع مننو وحدة لابسة أبيض وقالتلو أنو انت مالازم تموت قبل ما توفي الندر يللي ندرتو .... ورقبتو للسعودي ما فيا شي بس مبيين شخط وقال طالعوا المجرمين ببرنامج الشرطة بخدمة الشعب وحكوا القصة بس انا ما شفتا سمعتا بس والقصة كتير منتشرة عننا بحلب فشو رأيكن انتوا بالقصة؟؟؟ وبحب أسمع رأيي الأب أسعد بهيك قصة اذا بحب طبعا |
والله يا سالي أنا عم اسمع القصة شي ألف مرة بالنهار بس كل العالم يلي عم تحكي سمعاني سمع بالقصة
يعني اشتهيت شي حدي يقول أنا حضرتا بالشرطة في خدمة الشعب |
اقتباس:
|
مرحبا
اول شي انا كمان صرت سمعان القصة كتير ومن زمان مو من جديد بس من كل واحد شكل يعني هاد بقول على الجزيرة وهاد بالشرطة بخدمة الشعب بس برايي الشخصي انو الشغلة شغلة ايمان يعني كل واحد وايمانو!!!!! بالنسبة الي انا بقول انو يللي بآمن بالرب من كل قلبو يمكن يصير معو اكتر من هيك الله ما برد حدا ((اسألوا تعطوا. اطلبوا تجدوا. اقرعوا يُفتح لكم)) (مت 7: 7 ) :) |
اقتباس:
|
وينك يا أبو نهلة :? :? :?
انضم أبو الرغد للشباب يلي بتقبس من حالا :lol: :lol: :lol: :lol: :lol: |
حاج تخلق مشاكل بالمنتدى ..................يقتبس من حالو و لا يقتبس منشي فهمان.
لأنو أكيد أنا و أنتي منعرف أنو الكينغ عملها بالغلط خلي قلبك كبير و تعلم تطنش لأنو طنش تعش .......... أو كما أقول أنا حليق تعش .................والسلام يا خال |
اقتباس:
هادا الكينغ موحيالله :gem: :wink: |
وليش كل هالقد انبحتو :?
حكيلك شي كلمة كينغ :( |
القصة صحيحة 100% و اللي بثبّت هالشي عرضها على التلفزيون العربي السوري في برنامج الشرطة في خدمة الشعب ..
و بعدين العجائب موجودي .. تحياتي :D :D |
اقتباس:
انت شخصيا حضرتها لما سمعت من عالم بس؟ |
اقتباس:
سؤال بسيط : لساتو برنامج الشرطة في خدمة الشعب على ما يبدو...بس لساتو المذيع تبعو علاء الدين الأيوبي...صاحب جمل شهيرة مثل (و أنفقت المسروقات على ملزززززززاتك الشخصية؟؟) و اللي كان يحس حالو ملك الكون كلما المتهم بيقللو (ندمان يا سيدي ندمان!!!!) 8) ظريف كتير هالمذيع و الله!!!! :lol: :lol: |
يا شباب القضية يعني ما بتتحمل نحكي فيها و الله ما معقول
يعني هيك شغلات.. شو مفكرين العالم نايم.. لكل شغلة بالعالم من أخبار صناعة الاحذية للمعجزات الدينية في إلها مراقبين و ناس بتهتم... بقى لما يصير هيك "حدث"... اي كانت بتنطوش الدنيا ... او على الاقل على الاقل بيطلع شي تصريح شي كلمة من البطريرك صفير او تبع الروم .. او البابا.. يعني صايرة ما انو ما صايرة انو هيك قص بينحكى فيها على مستويات كبيرة... بس الهيئة هاي القصة اصغر من انو ينحكى فيها .. و متل ما قال الأخ ياس... خصوصي انو على التلفزيون السوري.. و نعم التلفزيون يعني! |
رفقاتي شافوها ع البرنامج وقال كان كتير مترددين يعرضوها ووصلت القصة للسيد الرئيس وطلب منن يعرضوا ... على ذمة اللي حكالي هيك .... بعدين أنا ما بستغرب يصير هيك شي أبدا لأنو هني دايما بجنبنا بس نحنا ما بيخطرلنا نتطلع حوالينا لنشوفن
|
يا عمي انتوا على شو مختلفين
كل شي جايز ما في شي بهل كون مو معقول يعني في اشياء فوق طاقت العقل البشري وخليها على الله يا مواطن :shock: :shock: |
| الساعة بإيدك هلق يا سيدي 14:09 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون