اللي ما بيعرف قصة السندريلا ههههههههه
 

هذه قصة السندريللا باللهجة الفلسطينية يعني جبناها من فوق الاساطيح :p
بتمنى ما تكون مكررة :سوريا:

القصة:

لبست الفسطان وراحت جري عالكصر وشافها الأمير وحبها وركصو سوا وفجأة دكت الساعة طنعش وجراي وصارت ترمح و ترمح ووكعت ببوجها عالدرج ...

سندريلا راحت عالبيت واتمنت لو انو الساعة ما دكتش على الطنعش، بس شو تسوي بحظها المشحر مثل حظ هاظا الشعب.

الأمير حط فردة البابوج على مخدة يمكن لونها زركة أو نهدي، المهم صار ينادي بالصوت على كل البنات عشان يكيسو البابوح، كاسو كل البنات إلا سندريلا ....

سندريلا نزلت على الساحة ومعها فردة البابوج، وحطتها على المخدة الي عليها الفردة الثانية، ولما كربت عشان تكيسها ضربها الأمير كف، وحكالها: وين جاي ياما،

حكتلو: يقطع وجهك ما أزنخك، مش شايفني بدي أكيس البابوج

حكالها: وحدة مثلك كيف بدها تكون فلكة الكمر هديك،

حكتلو: هسا بفرجيك وأحط على عينك

ولما اجت تكيسها، ما طلعت كد اجرها، لأنها كانت ورمانه من كثر الشغل، ويا حرام ما حدا صدكها، وانجنت المشحرة ودارت في الشوارع،
والأمير اتزوج غيرها وحكى: لوينتا بدي أظل ادور عليها الله لا يردها هي الخسرانة.

عجبتني هاي البابوج


يا سيدي معو حق ما يدور كتير
شو ما ضل غيرها


مشكور معلم

هههههههههههههههههههههه لا و انا عم احكي فلسطيني قح هالايام فلسطيني و ارمني :lol::lol::lol:

ما عرفتك يا هاني صاير شغل فلسطيني الله حيو

يقطع وجهك ما ازنخك عم تتمهزى عالمخلوقة

صايرلك بابوجا :x :aah: :p

قديمة
يمكن وصلتني فور وررد مليون مرة
لعفى الشعب اذا علق على شغلة:adal:

يسلمو هاني حبيب ألبي :hart:
كل شي منك حلو :سوريا:

عملي معروف كل واحد يحكي عن حالو :pos: :pos:

أول مرة أنا بقراها عنجد كتير حلوة مشكوووووووووور هاني :سوريا: :سوريا:

مين قلك انو انا قلت مو حلوة انا قلت قديمة:aah:
كانو كل أعضاء أخوية حساسين:shock:

اي مزبوط لا تكسرلي مقاديفي

يعني هيك بتحطميلي معنوياتي :p

الله يسامحك :cry:

مشكورين شباب على هالمرور المهضوم :سوريا:

ايه انا واثق من هالشي:o :o :o