|
حدث في حمص
قتل فتاة على "الموبايل" شاب يعمل في ملهى ليلي، يطلب الزواج من فتاة جامعية تقيم في حيه. لكن طلبه يرفض من قبل الفتاة والأهل. لا يستسلم الشاب، بل يستغل فرصة مرورها في الطريق ذاهبة إلى الجامعة ويلتقط لها صورة بالهاتف الخليوي، ويطبّق صورة رأسها على جسد لفتاة عارية. واثقاً من نتائج فعلته يتجه إلى الأخ ويريه هذه الصورة المفبركة. ودون تردد من الأخ المدافع عن شرفه يطعن أخته التي فتحت له باب البيت واتجهت للداخل مطمئنة، لأن من خلفها هو أخوها الذي يفترض به أن يحميها ممن في الخارج. فيرديها قتيلة. الأخ القاتل يخرج من السجن بعد ستة أشهر. والشاب الذي قام بفبركة الصورة يمضي عقوبة عامين في السجن.حدثت هذه الجريمة قبل أشهر في محافظة حمص نساء سوريا :cry: :cry: :cry: |
يا جماعة العقل زيني :( :(
|
ولكن انا بنظري الاخ خاطىء فهو كان لازم يطعن الشاب اول شيء مو اختو
|
لا حول ولا قوة إلا بالله
|
ياعين عالعقل ولا أحلا من هيك الأستاذ كان يستفسر أول شي بعدين يسأل الشب (غني عن التعريف )من وين جاب الصورة ولااله الا الله
|
ياحــرام المسكينة راحت ضحية بدون وجه حق
|
والله قلة العقل مصيبة
يعني قلة العقل من التنين من الاخ اللي استعجل وما تاكد من قصة اختو اي شو مانو واثق باختو ومن هداك الشب يا عمي رفضوك اهلا خلص مية الف بنت بتتمناك شو الله ما خلق غير ا على كلن الله يجيرنا :سوريا: |
شو هالشرف هاد يا سلام اي يتاكد بالاول...
|
سؤال لايمت بدنا نضل بهالتخلف هاد
لايمت بدها اتضل اللي بسموها "جرائم الشرف" مسموحة عنا وليش الشب بيقتل البنت اذا عملت شي مو منيح وبالنت ما بحقلها تقتل الشب اذا هوي عمل نفس الشي ولو انو اكتر من نص جرائم الشرف كلها تسرع وناتجة عن غباء وقلة عقل يعني اذا حدا غلط الحل هوي انو نقتلو؟؟؟ منطق ما بيستعملو غير اكتر شعوب الارض تخلفا العرب |
يعني قد ما هالقصة مؤثرة ، قد ما استغربت من بعض الردود اللي أغلبها بيقول: كان لازم يتأكد بالاول. يعني لو تأكد بالأول وطلع هالشي صح ، بحقلو يقتلها، ايه وين عايشين نحنا؟؟؟؟؟
بدي اسأل لو كان الأخ محطوط راسو محل راس أختو، وبين انو هوي العاري. كان بحقلها تقتلو أختو؟؟؟؟؟؟؟ يا جماعة انا مو مع انو الوحدي تكون فلتاني، بس انا مو مع القتل . لان بنكون عم نحل مشكلة بمشكلة أكبر.وهاد قمة الغلط والتخلف وأكبر مثل إلنا هو السيد المسيح اللي لما جابولوا إمرأة زانية وبدهن يرجموها حتى الموت، فسألهم: من منكم بلا خطيئة فليرجمها بحجر. وهون أنا بشجع كل واحد يسأل حالو هالسؤال قبل ما يحكم على غيرو؟ |
اقتباس:
انا لما كتبت رأي ما كنت قرأت رأيك هاد الأخير. بس لما طلع الرد تبعي تفاجأت أنو نحنا حكينا نفس الحكي. الله يكتّر من امثالك ويبعد عنا روح الجهل اللي بتودينا لحضارة الموت على كل حال الله يقويك على طول وتجبلنا مواضع دسمة. الله يبارك بجهودك |
حرام بس منيح هيك خللي الخي يتعلم
على كل مش غريبة كتير |
اقتباس:
اقتباس:
:hart: :hart: :hart: :سوريا: :سوريا: :سوريا: |
مثل ما بيقولو المنحوس منحوس لو علقولو فانوس
|
اقتباس:
انا بفتخر انو رأيك من رأيي الف شكر الك لكلامك الرائع |
حمصي
أما هالحماصنة عليهن شغلات عجبة
:cry: :lol: :o |
اقتباس:
صارت القصة قصة تخلف وجهل من كل العالم ليش مين قلك انو بغير مطارح ما عم يصير هيك وغير هيك |
| الساعة بإيدك هلق يا سيدي 03:01 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون