|
ستة دقائق ....ياللعار
يقرأ الطفل العربي ما يقارب ستة دقائق خارج منهاجهه الدراسي سنويا ....
( الثقافة العربية ) - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
أفرحتني تلك الفكرة بقدر ما احزنتني ...:( وأصابت جرح ثقافتنا العربية في الصميم , وذلك لما آلت اليه من هذا الجيل الجديد في تدني المستوى الثقافي الذي وصل اليه للاسف الشديد . إن الثقافة تشكل ركناً أساسياً من أركان شخصية الإنسان، وهي إحدى معالم هويته الشخصية ، كما تشكل أهم العناصر المميزة لهذه الشخصية عن غيره، فنوع الثقافة وحجمها يطبع الشخصية بطابع معين، والثقافة هي غير العلوم التجريبية والمهارات التي يكتسبها الفرد. وإن كانت تنمي ثقافته. |
تيريزا
شكرا لان أمثالك موجودين يشاركوننا هذا الهواء الملوث |
كمان تيريزا
الأمور تغيرت واختلفت كتير بس هذا مو لازم يكون سبب للانكسار والشعور بالياس لازم نكون أقوى وحاضرين وع الاقل نعلم ولادنا او الاطفال اللي عم نحتك معهم على الاقل قدر الإمكان |
اقتباس:
مش غلط ان يتخذ كل منا هذه الخطوة , بأن يشجع نفسه وأولاده على البناء الفكري , وانا لم أقصد ان اهاجم بل كان هدفي هو تحفيز انفسنا على الانفتاح ومشاركة الاراء وزيادة الادراك والخوض في غمار كل ماهو جديد او مفيد في عالم الفكر . انا لم ...ولا.... ولن.. انكر وجود الكثير من العقول النيرة في مجتمعاتنا ....لكن هذا الشي يمكن يكون بشكل سطحي ونادر . و مجتمعاتنا تحتاج الى من ينهضها من سباتها الفكري الذي ينساق وراء تتبعات الغرب ومفاتن الاعلام العربي بتشويه .....وتشويش العقول العربيه . كــــل المـــنى :D |
shofi mafi sho sayer hon
:? :? :? :? |
مرحبا تيريزا
الف شكر الك على الفلم الرائع بس الفلم مساحتو كبيرة شوي يعني ما بتوقع اعضاء كتير ينزلوه بسبب سرعة النت عندهون مشان هيك انا حابب بس اعطي ملخص عن الفلم هاد عاملين بحث بالفلم راحو على طلاب المدارس وكام واحد مخلصين مدارس وسألهون اسئلة معلومات عامة ومعظم الاسئلة ما حدا عرفها وجاوبو باجوبة غبية يعني مثلا شو بحد دولة الفاتيكان وحدة قالتلهون افغانستان ,باكستان ,والفلبينة سالوهون عن رئيس وزراء ايطاليا فيرلسكوني واحد كان جوابو انو نوع اطارات :o واجابات لسى غريبة وعجيبة مثلا حق الفيتو صار اسمو حزب الفيتو وصار احد اهم الاحزاب باميركا بس بالاخر سألوهون سؤال انو مين بغني غنية اه ونص فالكل كان جوابو بضحكة (نانسي عجرم) اما بالنسبة للفلم تيريزا انا للصراحة بدي حمل المسؤولية على المدارس لان بسبب طريقة التدريس التعجيزية اللي بتكره الطالب بالكتاب الطالب ما بيفتح كتاب خارج منهاجو انا الي سنتين ونص باميركا الاشياء اللي اتعلمتها بالمدرسة هون بهالسنتين بساوي اضعاف اللي اتعلمتو بالمدرسة بسورية كل حياتي لان في اختلاف بطريقة التعليم يعني هديك السنة عملت بحوث عن 12 عالم واديب كانو على مدار السنة غير هيك بخلوكي تحبي انك تتعرفي عليهون هديك السنة في حصة كانت للاكل ما كنت روح عليها كنت روح على المكتبة مشان اقرا كتب لان بيعطوكي معلومات بتخليكي بس بدك تعرفي اكتر واكتر عن هالاشياء للصراحة في كتير بيتسخرو على انو الاميركان ما بيعرفو سوريا وانا واحد منهون وكنت شوفهون اغبيا بس بعد ما شفت هالفلم وانو ما بيعرفو وين قبرص ووين الفاتيكان وكمان دولة المجر عرفت انو شعبنا اغبا ولي على قلبي وين صرت ضيعت انا خلص حاجتي حكي |
yekhreb boshak sho btehky
bas almoshkleh eno hakiatak sah |
و الله شي بيضحك
فال شو بيحد جزيرة قبرص يعني معقول في عنا هيك غبا |
sho beyhed gazeray kobros.............?!!!?!?!?!?
gazerat nader baikha baaref bas sho bedy ahky hada yally teleaa maae :pos: :pos: :pos: |
بس يا تيريزا اكتر شي بيزعل انو الكل عامل حالو فهمان وبيعرف الجواب
وعم يجاوب طيب ما بتعرف الجواب اوكي بتتعلم بس لشو تحط اجوبة من عقلك في وحدة ضحكتني كتر قال اهم حزبين باميركا حزب الاتحاد السوفيتي وحزب الشيوعي والله لو بيسمعو الاميركان انو في حزب شيوعي باميركا ليخربو الدنيا |
اقتباس:
|
نكوشة ضرورية جدا
مشكورة تيريزا |
مشكورة يا تيريزا عللى الموضوع
|
اقتباس:
شكراً تيريزا على الموضوع المفيد ... والمهم ولتميزك المستمر بمواضيعك المتميزة |
شكراً تيريزا ........زالموضوع اكتر من رائع
و نحنا شو منتوقع من جيل الوطن العربي يلي ما بيقرا فيه غير 2% :shock: |
6 دقايق
شي بيخجل.... |
الصراحة ما بعرف شو احكي...
|
| الساعة بإيدك هلق يا سيدي 20:48 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون