|
أنا وليلى
بليلي كنت سهران عنشرة الأخبار
ورن جرس الهاتف بس لقيت حالي عباب الدار فتحت الباب وكان الصوت هاوي الإستمرار يمكن كنت شارد أو كان ليلي نهار رجعت ورفعت السماعة وقلت أيوا بإختصار لحظة صمت عمت ....وبعدا إجا الإعصار صوت بيهري البوط أحلى من ميّة البحار أدفى من ليلة بكانون وأحن من صوت المنشار هادي متل عاصفة قوية حل بعدا الدمار قالت..يسعد هالمسا ...قلتلها بون صوار قالت ..خالي القلب ولا ّقلبك بالآجار قلتلها قلبي مرهون لعيونك يا أحلى الأزهار قالت لي يا فلان باين عليك ثرثار وبالهوى غدار قلتلها ...مش أنا الطالب والطالبين كتار وبعد أخد ورد ..قالت لازم شوفك من غير ستار وكان يوم التلاقي وكان الشهر آذار وعجنينة العاشقين وقع الاختيار رحت وكان الأمل غالب شوف الأميرة راح تجي عحمار وطلّت...يمكن بنت....يمكن هيّ.....أو يمكن صار وقت الفرار يمكن تلوموني ..بس وقت تعرفوا الوصف راح تسأفوا يا شطار الطول بين المتر والمترين والتلت متار والخصر ...يعني بقياس مسبح الدوار و الشعر آخذ إجازة مع دورة الأغرار وعيون بلون البصل ......بقياس قملة أبوها بحار وفم فيه سنان بتطحن البسمار وللصيد قلت أكيد بتستعمل المنخار وبعد هذا كله بتقولوا أنا جبار دخلكن غير الهريبي شو في إلي خيار 23/8/2000 |
ههههههههههه
:lol: :lol: :lol: :lol: |
عنجد كتييييييييييييييييييير حلوة:lol: :lol: :lol: :D :clap:
|
:p :lol: :lol: :lol: soooooooo nice
bs alla ysam7k drooree tkoon layla |
كتير حلوة ...:clap: :clap:
|
| الساعة بإيدك هلق يا سيدي 05:37 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون