|
فتيشات بدوي الجبل
لك بتذكر يا شباب
بصف العاشر مرّة رفيقي اسمو قتيبة ( كنّا نسميه شتربا ) قرر إنو يعمل فصل مع أستاذ القومية و فجأة خطر ببالي فكرة جهنمي . وهي أنو نجيب فتيش على الصف . والله يا أخوان .. قمت ما كذبت خبر ... والله و تاني يوم رحت جبت الفتيشات و رحت بعد ما دخلوا كل الطلاب لصّف علّقت ضربين فتيش على الباب و كل طرف من القنبلة الفتوشيّة علّقتوا بدرفة باب و فجأة بدل ما يدخل أستاذنا المجنون ( أستاذ القومية ) دخل الموجه . وليييييييييييييييييي الله لا يذكرها ولا يعيدا يا شباب لعمه ما كنت متوقع إنو يكون الانفجار لهدرجة انفجرت القنبلة وانفجر الباب و انفجر عقلي معو .. كان صوت يشبه انفجار صاروخ جو أرض أو صاروخ سكودددد لعمه :: انفلع الباب الله و كيلكون . والله ما شفت بعد الإنفجار إلا شخص مسطول واقف لا من تمو ولا من كمّوا قلت بقلبي :: رحنا فيها إلى الأبد . وبعد شي حوالي الساعة و بعد هدوء الجو بالمدرسة جمعونا نحنا الشباب بالساحة وقام المدير والموجه : يقول : يالله يا شباب مين عمل هالعملة يالا يا شباب يلي عمل هالجريمة يعترف أحسن ما نطلب المباحث .. ما حدا قام يعترف .. حتى أنا ما قمت لأنو فيها فصل نهائي من المدرسة والله فجأة قام الموجه وقال : يالا كل واحد يروووووح على بيتو ولا يجيي على المدرسة إلا مع ولي الأمر ومرّت هل أيام ولا حدا كان يعترف وضلينا مفصولين أكتر من شهر ( طبعا مع عدم وجود غياب ولا واحد أعترف بعملتوا . أنا ما أعترفت بعملتي لأني بخاف من الفصل النهائي .. المهم : طبعا أول يوم بيفصلونا فيه رحت على البيت والله ما شفت إلا البابا قاعد هيك بهل الشموسة عم يشرب شاي ::مبسوط ط ط ط ط ط ط كتير كتير قام قلي البابا : شو بابا عندكن رياضة قلتلوا : لا والله لا رياضة و لا من يحزنون فصلونا ..... فصلوكن .... شو عامل لحتى يفصلوك قلتلوا : والله فجّرت قنبلتين بوجه الموجه عين فيني هيك رجع عيّن فيني هديك الشكل وقلي : تفي عليك و على هيك ترباية والله ما حدا زكي إلا يلي فالتك متل التيـ... المهم : وبعد بهدلة مرتبة ضلينا مفصولين شي شهر زمان . إلى يوم جمعونا نحنا الشباب بالساحة الرئيسية و طلع المدير : يقول والله يا شباب يلي بدوا يعترف .. والله لحتى سامحوا بس بدي اعرف بس أعرف والله ما رح ساويلوا شي بس هوّ يعترف بخطأوا .... والله نطر .. نطر شوي .. ما حدا كان يعترف و بعدا بيومين كمان جمعونا بالساحة كمان نفس الفصل . طلع المدير والموجه وقال : يالا يا شباب كونوا رجال و اعترفوا و ما حدا كان يعترف و الله ضلينا قاعدين بالساحة تبعا المدرسة شي حوالي ساعتين !#@@##$$%$^%&^ بس :: بهل قعدة .. شرد زهني وصرت حكي حالي متل المجنون ليش ما منعترف بالخطأ و منخلص بقا يلعن أبو هالشغلة شو ما في إلا الفصل ... والله قمت و رحت على الإدارة تبعا المدرسة . وفجأة شفت المدير واقف ورا المكتب .. متل اللص و قلتلوا :: أستاذ بدك الحقيقة أو بنت عمها قلي لأ بدي الحقيقة بعدين بنت عمها قلتلوا : والله يا أستاذ هيك الله يلعن الشيطان و الله أنا يلي فجرت القنبلة بوجه الإستاذ قلي المدير : والله أنت أدمي وأكابر ما بتعملها قلتلوا : والله أنا يلي فجرتها قلي: والله أنت ادمي وعاقل مشقد بس أنا يلي فجرتها يا أستاذ و إذا بدك اسأل الشباب وهاي كانت فكرتي أنا كمان ... قلي بالله أنت قلتلوا والله أنا وبدون كذب والله ويا شباب : ما لاحظت إلا كف هيك وكف هيك و كف لفوق وكف لتحت والحشك و اللبك . والضرب ينزل فيني .. و الله و ياشباب و عنكتر ما عصبت منو شلت الكرسي يلي بيقعد عليها وشلفتوا فيها على مخّو ( على راسو ) و هاي الشلفة كانت بداية لمنازعات في المخفر..... و ما بدي كمل لأني بخاف أجرح مشاعر بعض الناس .....
يالا يا شباب كل واحد عندو ذكريات بالمدرسة متل هاي القصة .. يكتبها فورا ... أحد يوميات بدوي الجبل المجنونة |
علّقت ضربين فتيش على الباب و كل طرف من القنبلة الفتوشيّة علّقتوا بدرفة باب:shock: :?
|
أي مونيا ...انت ما بتعرفي الفتاش ؟؟
المفرقعات ..بس قوية شوي .. الله يحميك يا غالي على هالعملة ... كنت حصطها بالدفاية ...بصوبة المازوت :o :o :o |
هاهاها .. والله حلوي قصصك يا بدوي . مانك قليل الظاهر ..
كترلنا منون هدول الله يكتر من أمثالك .. |
لا شو إني حط فتيشة في الصوبيا
أصلا ما في صوبيا لأنو المدير سارق الصوبيا والمازوتات تبعا الصوبيا أفضل شي حطن بالباب و علقن وخليهن ينفجروا |
والله حلوة هالقصة ...:o :o :o
انا صار معي تقريبا نفس هالقصة ... بس فيها بعض الالفاظ التقيلة شوي بدكن تعذروني يعني بس للضرورة الشعرية .... كان عنا استاذ علوم حما* ... اتفقت انا ورفقاتي انو كمان نعمل فيه فصل نلعن امو على ابوه ...:o والله يا حبيب ..اقترحت عليهن انو نحطلو كيس الضراط (هاد يلي بيطالع ريحة ضراط) والله الشباب وافقوا وشافوا انها فكرة حلوة ... تاني يوم وقت الفرصة عملنا اجتماع مغلق بالصف ..وفخخنا الطاولة ...(لزقنا الكيس تحت الطاولة ....) بلاطول سيرة فات حمار العلوم عالصف ...(قبل مايفوت بثواني معدودة واحد من الطلاب الابطال راح وكبس الزر تبع الكيس) وهالاستاذ فات وشم الروائح المنعشة ..والزكية وطق عقلوا والله لايفرجيك موديل الاستاذ والموجهين والمدير ...:o :o لعما طالعونا من مقاعدنا ...وشكلوا لجنة تحقيق دولية ..بقضية طق كيس الضراط ..:o :o لأ وشو اللي فقعني من الضحك انو من كتر ماكانت الريحة قوية يمكن اثرت على مخ الاستاذ ...قام شو قال ؟؟؟ قال: انا شفت الكيس هو وعم بيطير من الفرقة اللي جنب الشباك (مع العلم انو انا والمخططين للعملية التفجيرية كنا قاعدين بالفرقة اللي بالنص ..)..قام فتشهون كلن (للي كانو بفرقة الشباك يعني )... وطبعا بعد التحقيقات والتعذيبات والفصل واستدعاءات أولياء الامور ...ماعرفوا مين يللي عمل هالعملة ... واذا بدي احكيلكون الفصول اللي عاملينها مع الاساتذة الاغبياء يمكن مابيخلصوا ... بس بدي اشكرك يا بدوي الجبل على مواضيعك الحلوة ...:D :D :D |
حلو ةمنك يا
yamen حلوة كتير شكرلك |
عم قول شو هالريحة :o :o
شكر يامن على الحكاية الحلوة |
:o :o :o :o
كتير مهضومين بس انا كنت عائلة مابعرف ليش :( |
أي أي أحسن إذا كنت عاقلة
اتكتفي ورجعي لورا .. أحسن ما أصربك بالعصا عم امزح |
اقتباس:
لك :waa3: :waa3: :waa3: :waa3: :waa3: :waa3: :waa3: |
لعمى لك شو هاد
لو كنت بسوريا كنت عملت بس باميركا ما خرج مرة جبت محرمة وعبيتها بانزين من الصوبية وحكيت المحرمة محل مو معباي بانزين على الصوبية وبلشت تطلع دخنة سودا وريحة فظيعة بس شو الحلاوي انو انا وعم اعمل هيك استاذ الرياضيات شافني بهدلني وقلي حسابك بالصف المهم فتحت الشبابيك والباب وقعدت بمقعدي بعد شوي اجت المديرة صفنت هيك شوي بعدين طلعت دقيقة ودخلت الموجهة بعدين طلعت بس الحمدلله انو كان في هوا كتير وقت فتحت الشبابيك راحت الدخنة دغري بس ما صار معي شي واستاذ الرياضيات كان عندي ياه اخر حصة يعني نسي |
اقتباس:
|
ههههههههههههههههههههههه:lol : :lol: :lol:
الله عليك يابدوي يازلمة عليك كل قصة أحلى من التانية:lol: :lol: |
والقادم أفضل
لأنو بالمستقبل بدي حطلكن كم موضوع بيجننو |
انا كمان ما كنت شارك بهيك شغلات.. لانني كنت جدية و عاملة حالي شغلة كبيرة 8) و دايمان كنت عريفة و بالقيادة:notok: .. و معارضة:ok: ..
كيف زبطت هي ما بعرف:pos: .. |
حاسس انك فايتة بالحيط ...:o :o 8)
:p :p :p |
انا فايتة بالحيط :frown: .. شكرا :D ..
انا بفوت عشر رجال بالحيط.:adal: |
| الساعة بإيدك هلق يا سيدي 15:47 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون