|
أحلاف طلابية كل بحسب شهادتوا بالبكلوريا
مرررررررررررررحبا شباب كيف الأحوال ...
والله يا شباب دخلت من دون اذن , فكرة بهلوانيييييييي بعقلي بس ما بعرف إذا بدا تعجبكن بما أنو أغلب يلي ميدخلوا على المنتدى طلاب .... و الله يوفقن طبعاً .. فشو رأيكن أنو كل طالب بيدخل على المنتدى :: بيحط اسمو الأول فقط و الفرع يلي ميدرس فيه بالجامعة و شو الشهادة يلي صار معوا فقر دم لحتى استولى عليها يعني ( أدبي , علمي , صناعة , زراعة , و أنا بعرف) . وهووووووون لحتى يصير عنا لكل عدّة أشخاص .. مجموعة بيحيث أنو ... الطلاب يلي شهادتهم بالبكلوريا أدبي :: بينتموا أو بيسموا حالهم طلاب حلف الناتو و طلاب يلي شهادتهم العلمي :: بينتموا أو بيسموا حالهم حلف الشمال الطلابي و الشهادات متل الصناعة :: هم الطلاب المتأزرين مع طلاب حلف الناتو و ما تبقى من الشهادات ينتمون إلى حلف الشمال الطلابي .. و يلي ما عندوا شغل ( عطّال بطّال يعني ) و يلي جايب شهادتوا بنّقل بالفحص أو الواسطة .. أو كل شخص بيفوت على المنتدى و ما معوا أي شهادي أو يلي مضيّع شهاتوا .. بيكون منتمي لحلف الأراكيل العربي .. و يلي ما دون 18 سنة رح نكون رؤوفين معهم ::: بحيث ينتمون إلى حركة البيبي سووووفت و عدم الانحياز ... و إذا أنوجد أكتر من عشرين شخص وافقوا على الفكرة : هذا يعني أنو الفكرة عجبتكن ... و إذا وافقتوا .. أنا رح حط اسمي أول أسم و الكلية يلي بدرس فيها و الشهادة يلي بصبصوا عيوني لحتى جبتها و بعدين منتفق شو مهمة هل حلف ... طبعا لغايات بتفيد الطلاب و يلي بتنمي روووووووووووح المساعدة |
انا من حلف الشمال الطلابي واراكيل العربي......:ok:
|
أنا من حلف الشمال الطلابي
;-) ;-) ;-) |
أنا من حلف الخريجين العاملين المكافحين ... الشبيحيين ;-) 8) 8) 8) 8)
|
اقتباس:
:gem: :gem: :gem: :gem: |
أنا حيادي تضربو أنتو و هالأحلاف
  |
اقتباس:
|
اقتباس:
|
أنا من حلف الشمال الطلابي .. وفي حال عدموجود منافسين بدي رشح حال لرئاسة الحزب .. حاكم هالحزب بدو تنظيم كبير و خصوصي إنو في قاعدة شعبية كبيرة مرتكزة عليه ..
و هلأ أنا بصدد كتابة نشيد لحزبنا العظيم .. و رح يكون هيك .. نحن شباب حلف الشمال الطلابي الطلابي ..... باليد نعمل نشق العبابي .. نشرب الماء زرنقة ... و ليس كباقي الطلاب من الكبابي (( جمع كباي .. و هي كأس الماء )) بكالوريتنا علمي .. و العلم صار بدمي .. و الدم آخر همي .. رخيص فداك يا حلفي .. و هيك صار عنا نشيد للحلف .. و هلأ فتحنا الباب للترشيح لكل من المناصب التالي : على من يجد نفسه كفؤ لأحد هذه المناصب , ملء القسيمة المرفقة و إرسالها لرئيس الفرع أو من ينوب عنه في حال غيابه ... نائب رئيس حلف ..(( يشترط الباكالوريا العلمي )) نائب نائب رئيس حلف .. (( بكالوريا أدبي مقبول )) نائب نائب نائب رئيس حلف .. (( شهادة تاسع )) نائب * 4 رئيس الحلف (( يقبل جميع المتقدمين )) أمين سر الحلف , أعينة أنا شخصياً .. أمين خزنة : بدي سلم حدا من الصبايا هالمهمة .. أمين أمين خزنة : مهمته حماية أمين الخزنة .. عامل تنظيفات : مطلوب بكالوريا فوق 224 .. و ذلك حفاظاً على سمعة نظافة حلفنا .. كان هذا الإجتماع الحلفي اول .. نوردكم بتفاصيل باقي الإجتماعات فور وقوعها . ودمتم و دام حلفنا ... |
انا من حلف الناتو شنو اقوى .....بس الحقيقيه انا ما درست في سوريا
بقا علميا انا من ال( UN) والله حيوو كل من الناتو والشمال:ok: |
اقتباس:
|
جائزة ترضية :o :o :o
|
أرجيني لشوف ... همممم .. انت بيلبقك تكون رئيس قسم الأنشطة الرياضية عنا بالفرع ..
و خلص من اليوم و رايح انت رئيس الرياضة عنا .. (( أصوات تصفيق الجمهور لحظة إستلام فارون مهمته )) |
اقتباس:
|
اقتباس:
يه يه نسيت .... اني اعترض:blusted: :blusted: طيب هلأ انت شملت يللي تحت الـ 18 بس شو مشان الختايرة المتخرجين يللي متلي :jakoush: :jakoush: يعني هيك نحنا صرنا "خارجين " عن قانون الاحلاف تبعكم:jakoush: مشان هيك رح انشق انا و كل الخارجين عن القانون و اعمل قبيلة لحالنا و بدي سميها قبيلة " خود عليك " لأنو القهاوي ما عم توسعنا:jakoush: :waa3: :waa3: و رح اعلن انو مقراتنا المركزية رح تكون قهوة "شطبنا .. بدنا نشطف" بفروعها المنتشرة بربوع الوطن الغالي و كوفي شوب " الحساب قبل العتاب " بفروعه و كافيتيريا " شموع الحب العزري " ( خوش ما معنا ننقبر على قلبنا و نتجوز) و اطالب :jakoush: انو القهاوي تعمل حسم خاص للخارجين عن القانون اعضاء قبيلة خود عليك المحترمين و انو يتم توسيع القهاوي لأنو فايتين على شتي و رح نتبهدل بالشوارع تحت المطر و خصوصي ازا اخدنا عوامل " المجاري الطافحة " و " تشفيط سيارات ولاد المسؤولين":waa3: و انو يتمدد سقف تجديد الطلب بالكوفي شوبات و الكافيتيريات من ساعة لاربع ساعات و انو تتوسع "ذمة " دفاتر الحساب يللي بتأيد الديون تبع بياعين الدخان و النت كافيه و أطالب مجموعة "الجي ايت" (G8 ) انو تضغط على اصحاب البقاليات و النت كافيه مشان يشطبوا الديون القديمة تبعنا و يعاملونا معاملة " الدول الاكثر فقرا" .... شو زيمبابوي و تشاد احسن مننا ؟؟:jakoush: شو محسبين انو بس "حوران بتطالب بحغوغها " :blusted: و نحنا كمان بدنا نطالب:jakoush: و دمتم :7asheesh: |
ولي نحنا بالاحزاب لي كانت عنا ما كنا مخلصين
هلاء نضاف عليون اي احلا واحلا تعال شوف يا حكيم صار كل واحد يدو يعمل حزب لحالو :notok: |
اقتباس:
|
اقتباس:
|
| الساعة بإيدك هلق يا سيدي 14:11 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون